حياتي ليست ملكي

البارت الثامن

سجى : بدت امتحاناتي وصرت اداوم بين يوم ويوم والحمد لله جنت مسيطرة على المنهج بفضل الله وأيمن وسماوي اللي تعبت وياي بقى ايمن طول فترة الامتحانات يراجعلي وإذا عندة شغل وميكدر تجي سما تراجعلي كولش تعبت وتعبتهم وياي بس إصرار كان يزيد يوم عن يوم واليوم كان آخر يوم الامتحانات وفرحانة كولش رجعت لكيت سما يم رقاوي طبعا طول فترة الامتحانات رقية أما يم سما إذا اجتي يمي او يم بيبيتها تروح حبيبة كلبي مشتاقتلها رجعت وكلت وين حبيبة ماما
رقية: ماما حبيبتي انتي خلثتي (خلصتي)
سجي: اي يا روح ماما خلصت واليوم راح اسويلج شي طيب انتي تحبي
رقية: ثنو(شنو)
سجى: هههههه أروح فدوة للثنو مفاجئة
رقية : هيييي 👏👏 وتصفك ههههههه
ايمن: ها شخبار امتحانج اليوم
سجى: الحمدلله تمام يلة اني أروح أغير ملابسي طبعا هسة تكولون شلون رجعتي من الامتحان وأيمن بالبيت واني جديدة على بغداد راح اكولكم ايمن خلالي سايق يجيبني ويوديني لأن هوة ميكدر بسبب شغلة المهم دخلت سبحت ولبست تراكسود نيلي نص اكمام نشفت شعري وضفرتة ضفيرة وخليت مكياج كولش خفيف وطلعت لكيت سما خطية محضرة الغدا
سجى: حبيبتي ليش تعبتي نفسج
سما: حبي تعبج راحة
ايمن: بعد مخلصتوا مجاملاتكم ممكن نأكل
كان ايمن يحجي بنبرة حادة كانوا منزعج من شي مدرت بال تغدينا وغسلت المواعين وسبحت رقية ونامت هية وسما بغرفتها اني مااكدر ادخل غرفة ايمن بصراحة مااعرف احسة على الغدا ضايج مني ماعرف شبي بقيت اسوي كيك الكاكاو الرقية لأن تحبة كولش وايضا زينتها بالكاكاو وخليتها بالثلاجة  وسويت كيكة ثانية العمتي ام ايمن خطية وكعدت اسوي  كبة للعشا صح تعبانة وميتة اريد بس أنام بس مااكدر أروح أنام اجى ايمن شرب مي وشافني اسوي بالكبة وكال
ايمن: ليش منايمة انتي مو تعبانة
سجى: مدا يجيني نوم كلت أشغل نفسي بأي شي (والله جذب بس أشوف المخدة اروح بسابع نومة هههه) بس ايمن كانت نبرة صوتة وياي كانو مزعوج من شي واجرئت أسئلة كتلة ايمن اكو شي احسك ضايج سويت شي ضوجك اني
ايمن : لا ليش هيج ادكولين
سجى :مااعرف حاسة بيك من خلال نبرة صوتك ونضراتك دا تحسسني مسوية شي
ايمن: ماكو هيج شي يجوز متهيئلج أروح أنام تعبان
طلعت من يم سجى وبصراحة كل الحجتة صحيح لأن بصراحة كامت تغريني بجسمها ومشاعري تريد اسوي وياها علاقة جسدية أستغفر الله اني عاهدت نفسي بعد اسيل زوجتي ما احب شخص والعلاقات انمحت من عقلي ماجذب عليكم واكولكم اني مسويت علاقة ويا بنات بعد وفاة زوجتي بسبب الصدمة العشت بيها على زوجتي اخذوني جماعتي الملهى ليلي وكامن بنات الملهى يعرضن نفسهن آلية وبصراحة كمت أروح واسوي علاقة بس بخبال بدون مشاعر اذكر زوجتي وانام ويا البنات بس بعد مااخلص من شغلتي أشبع بجي واطلع وهاي العادة تركتها قبل مااخطب بشهر لأن كرهت نفسي وكرهت هشي المهم نرجع السجى كانت حلوة وجسم مغري بس اللي يجذبني الها مو بس جسمها وشكلها وإنما كمت احب أطول بالكعدة وياها وأحب أطول بالسوالف احب اهتمامها بيه وبنتي مع العلم مشايفة مني وجه حلو ودائما اصير عصبي عليها بس لازم اخلي علاقتي بيها بس صداقة ....
سما: سجى ايمن مكعد
سجى: قبل ساعة كعد ورجع نام ليش شكو
سما: اريد أروح يمعودة ماما خطية
سجى: ابقيNoor Adel يمنا والله ضوجة
سما : لا حبي اني اريد أروح روحي كعدي ايمن اريد أروح وإن شاءالله غير مرة اجيب أمي ونجي نبات يمكم
سجى: هلة بيكم حبي بأي وقت تنورونا والله
طلعت أروح اصحي ايمن دكيت الباب مجاوب لعد اكيد نايم وهوة نومة ثكيل فتحت الباب يبو لكيتة نايم بس بالبجامة بدون الفانيلة نايم على بطنة شكد عيب شلون راح اكعدة من بعيد كمت اصيح ايمن ايمن ايمن ماكو رد تقربت مديت اصبعي اطخة بكتفة وصحت بصوت عالي اااااااااااااااااايمن ههههههههههههه خطية كمز كال ها شكو كتلة ماكو شي بس صار ساعة اريد اكعدك ومدا تكعد وسما تريدك توصلها كال
ايمن: ووجع اكو واحد هيج يكعد 😠
سجى باابتسامة اي اني هههههه
طلعت سما وأيمن ورقية جلبت إلا تروح وياهم كال بقت عليج أمشي نطلع اني كيفت بصراحة ضايجة رحت بدلت لبست عباية إسلامية على الأكتاف اصير مخصرة وشال ميكب خفيف وطلعنا  وأخذت وياي كيكة عمتي المهم noor adel وصلنا سما وكعدنا يم عمتي شوية ضحك وسوالف بعدين كال ايمن يلة طلعنا كالت رقية اريد أكل جوعانة أخذنا ايمن على مطعم أكلنا رجعنا للبيت بدلنا وانطيتهم كيك وعصير رقية كولش فرحت وباستني كالت ماما طيبة شكرا وأيمن هم كال عاشت ايدج طيبة أفرح من أشوف ابتسامتهم ................
يتبع ...........Noor Adel