حياتي ليست ملكي

البارت السابع

رقية: ماما اريد الوح (اروح) البيبي والثما (سما)
سجى: هههههه صار يا روح ماما بس يجي بابا من الدوام نكولة
رقية: هى هى اجى بابا اجى بابا
ايمن: هلو بحبيبة بابا شكو اليوم اشو فرحانة حبيبتي رقاوي
سجى: ههه تريد تروح البيت بيبيتها كولتلها من تجي اكولك واروح
ايمن : إذا هيج تدلل رقاوي احنا كم رقية عدنا 😙
سجى: الحمام جاهز ادخل اسبح واني راح أحضر الغدا
ايمن: اي والله تعبان تسلمين
سجى: تغدينا وبعد مكملنا غدا غسلت المواعين جان يكول ايمن ساعة وكعدوني أروح كتلة صار كملت ورحت سبحت رقية وبدلتلها واني رحت سبحت وبدلت ولبست هذا اللبس 👇👇👇

وخليت ميكب خفيف كالت رقاوي هي هي ماما حلوة بهالاثناء دخل ايمن جان باب الغرفة مفتوح كال
ايمن: هاا والله مكملين وجاهزين هم ليش مكعدتوني
سجى : هسة كلت اجي اكعدك
رقية: بابا ماما حلوة صح
ايمن:باوعت شنو هذا الإحراج هههه كلتلها اي تخبل مثل رقاوي ههه اباوع سجى من الخجل متعرف وين تروح وفعلا جانت حلوة طالعة اول مرة انتبه على جمالها الهادئ والبسيط انتبهت على نفسي اووو اني شدا أفكر طلعت بدلت وكلتلهم يلة رحنا الاهلي وشفت أسلوب سجى وتعاملها ويا اهلي وبنتي مر شهر من ازوجنا ليهسة وقايمة بكل واجباتي وتربيتة بنتي ..
سجى : وصلنا البيت عمتي وكانت بناتها كولهم هناك وضحك وسوالف ..
سما: سجى انتي شمخلصة بالدراسة
سجى: سادس نجحت وبطلت
سما : حرامات ليش مدرسين هسة هم تشغلين نفسج وهم اثبتين نفسج كدام ايمن لأن ايمن البنات كولها تحوم داير مدايرة وانتي لازم تلفتين نضرة الج
سجى "بس هوة حباب وممحسسني بشي
سما: سجى ترى اني حاسة ايمن ممتقربلج لأن ايمن اخوية واعرفة واعرف من يحب شلون يتصرف انتي لازم تحسسينة انتي مو أقل منة
سجى: زين هسة شسوي😳
سما : اليوم ارجعي وكولي ال ايمن تريدين ادرسين خارجي حتى هوة يقدملج واني اساعدج وأيمن هم يساعدج ومادام انتي مكملة السادس يعني تمتحنين ثالث متوسط
سجى:☺☺صدوك يعني ثالث أدرس شكرا سما فرحتيني انتي اعز أخت 😙
طلعنا من بيت أهل ايمن وكال ايمن أروح نتعشا بمطعم تعشينا ورجعنا واني طول الوكت صافنة وأفكر ساعة اكول اخاف ماادبرها وافشل كدام ايمن وساعة اكول لا لازم أثبت نفسي كدام ايمن حتى لايحس بية نقص طبينا للبيت صاحني ايمن كال
ايمن: سجى ممكن تجين نحجي شوية
سجى بفرح: صار بس ابدل وانوم رقية واجي . كلت راح اجرئ واحجي وياه بدلت ونموت رقية ورحت للصالة جان كاعد بيها كتلة تفضل ايمن ردتني بشي
ايمن: سجى اني أعتذر إذا يوم من الأيام ضوجت او قهرتج وانتي ممقصرة وياي ووياة بنتي بس اني من اول يوم كتلج اني عايش على ذكرى زوجتي فاارجوج لا تبقين ضايجة واصفنين
سجى : إذا جنت شايفة اني ممقصرة وياك فهذا واجبي وهشي لازم ودا اقدمة من طيبة كلب ورقية هاي بنتي واحبها أكثر من روحي وإذا شفتني اليوم صافنة هااكو سبب مخليني أفكر وردت اكولك علية ..
ايمن: اهاا واكدر اعرف الموضوع المخليج تفكرين ودايخة بي سجى تكدرين تحجيلي كولشي كصديق واني راح اساعدج بكولشي سجى: ايمن اريد ادرس خارجي حابة هشي صح خايفة ماادبرها بس حابة ادرس واجرب
ايمن: اها شي حلو واني متأكد انتي كدها واني راح اساعدج بس انتي وين واصلة
سجى: مكملة سادس ابتدائي وسما كالت اكدر ادرس خارجي ثالث متوسط
أيمن: اي تكدرين ان شاءالله هاي الأيام راح اقدملج واجيبلج كتب وتدللين
سجى: 😄شكرا
رحت نمت ومر أسبوعين وأيمن محجة بموضوع الدراسة واني مخلصة يومي تنضيف وطبخ ولعب ويا رقية ومن يجي ايمن أما يشتعل بأوراق وما عرف شنو او نكعد نباوع تلفزيون ومرات يلعب هوة وبنتة شكلة كولش حلو وماانكر حبيتة وشنو الشي اللي ميخليني احبة اشو جمال وأدب وأسلوب يخبل صح مو الحياة الجنت احلم بيها بس احسن من الشي المريت بي المهم بيوم اجى وكال سجى ذني كتبج وقدمتلج بعد 7 أشهر الامتحانات لازم تبدين تقرين واني راح اقريج شكرتة وصدوك صرنا أصدقاء كولش ضحك وسوالف ويقريني صح مرات ابقى صافنة على شفايفة من يشرحلي هههههه بس دا افتهم علية
ايمن: بدين ادرس سجى وبهاي الفترة اتقربت الها وحجتلي كولشي عنها وشلون راحت فصلية انقهرت عليها وبديت بصراع ويا كلبي وعقلي كلبي يكول معجب بيها بس عقلي يكول انت عاطف عليها وهذا هو حب المهم علاقتنا قوة ضحك وسوالف ونسهر نقرة وكولش احب علاقتها هية ورقية وأحمد الله انو هية اجتي وحبت بنتي لأن تعرفون زوجة الأب مو دائما عطوفة على أطفال Noor Adelزوجها طبعا اني وياها منام بغرفة هسة تنام ويا رقية بعد متنام رقية وتكعد قبل متكعد ومرات والدتي تجي تبات يمنا هية وسما نضطر أنام بغرفة بس اني على الجرباية وهية ع الارض طبعا راح تكولون شنو هالرجولة هههههه لا بس هية عنودية ومتقبل اتنام على الجرباية واني ع الارض ومرت 7 أشهر وجانت حياتي تخبل وبديت اتعود عليها وأحب وجودها يمي بحيث كمت اتعذر حتى تجي واشوفها صاير عليها جسم يخبل وشكل بعد احلى يعني تعرفون هسة زوجتي حلالي كبريائي يمنعني اتقرب بس كلبي ملك الزوجتي ام رقية وهشي هذا أكثر شي مانعني اتقرب الها المهم صار موعد الامتحانات ومرات إذا مشغول تجي سما ادرسها .......