ظل همام يشوف زهراء يومية وهي تباوعله وتبتسم وهو يباوعلهه ويبتسم وظلوا على هالحال لمدة اسبوعين وهمام يوم عن يوم يحبهه اكثر واكثر ومرة من المرات همام رايح للمدرسة والدنيا باردة بشكل ولكاها لزهراء تمشي كدامه وهو مشة بكل سرعته حتى يلحك بيهه ووصل يمهه وهي شافته وكاللهه
همام : اوصلج للمدرسة ؟
زهراء ميحتاج تسلم
همام : ميصير لازم اوصلج
زهراء : اوكي شكراً
همام : العفو .. زهراء اريد اكلج شي بس ماعرف شلون اكوله !
زهراء : احجي اي شي تريده
همام : زهراء يمكن بديت احبج !
زهراء : شدتحجي همام ؟
همام : داحجي اللي بداخلي
زهراء : ماعرف شأكلك والله
همام : لاتكولين شي بس ردت احجي اللي بكلبي
زهراء : ما انكر اني منعجبة بيك بس بعد وكت هسة صح ؟
همام : ليش بعد وكت !
زهراء : يعني اني بعدني طالبة وانت بعدك طالب وماريد تنشغل عن الدراسة انت ولا اني انشغل عن دراستي
همام : اوكي هسة وصلتي للمدرسة بالطلعة نتفاهم
زهراء : اوكي
همام : يلا باي
زهراء : بايراح همام لمدرسته واصلا ممفكر يروح يريد يبقى ينتظرهه بباب المدرسة لحد ما تطلع حتى يكمل بس راح لمدرسته حتى يشوف شكو ماكو بالمدرسة .
خلص الدوام وهو اول واحد طلع من المدرسة حتى يلحك بيهه قبل لا تطلع .. وبقى ينتظر الى ان طلعت من المدرسة .. من شافهه ابتسم ابتسامه كلش جبيرة وهي تقدمت عليه كاللهه
همام : والله عبالي طلعتي
زهراء : شأطلع هو اني بقيت بالمدرسة شوية متأخرة حتى اكدر اشوفك
همام : هسة شكلتي ؟
زهراء : اني فكرت بالموضوع ومابيهه شي اذا نمشي خطوة
همام : يعني ؟
زهراء : يعني اني هم احبك
همام : اليوم اني اسعد انسان .. احبجمشو زهراء وهمام للبيت وهمة ثنينهم طايرين من الفرحة بس محد حجة ولا حجاية .. وصلوا لبيت همام كاللهه
همام : اليوم نتشاوف العصر
زهراء : ان شاء الله
همام : ديري بالج على روحج
زهراء : حاضر انت هم
همام : ان شاء الله
زهراء : باي
همام : باي حبيبتيسمعت زهراء هاي الحجاية وحست روحهه راح تطير من الفرحة .. طبعا يطيرون من الفرحة هي اول حب اله وهو اول حب الهه وتقريبا اثنينهم نفس الشخصية والكاريزما .
دخل همام لبيتهم سبح وكمل واكل وراح لحميد حتى ينطيه هالخبر
همام : لك تافه كلتلهه
حميد : شكلتلهه ؟
همام : احبج
حميد : مبروك ان شاء الله بالرفاه والبنين
همام : ممتزوج بعدني لتصير سخيف
حميد : يا اخي ما فديوم اجيتني اذا مو اني هستوني نايم شعندك وية نومتي ؟؟
همام : مو مشكلتي هاي .. هسة شسوي ؟
حميد : ويامن !!!!!
همام : لتصير غبي اروحلك فدوة تعرف ويامن
حميد : يا اثول بس البس لبس مرتب ولتلعب طوبة اليوم واترس نفسك عطر حتى من تشوفك تنعجب بيك اكثر
همام : لك كالتلي احبك شتنعجب اكثر من هيج
حميد : لعد منهه كالتلك احبك اذا انت حاليا مابيدك شي تسويه حاول تلكة الفيس مالتهه وكضوهه طول الوكت احجو ع الفيس
همام : انت تشوف هيج ؟
حميد : لا بالنظارة اشوف اكثر .. يعني اكو غير طريقة ؟
همام : ما اعتقد اكو غير طريقة بس عبالي ببالك اكو غير فكرة
حميد : لا والله بس هاي الفكرة
همام : يلا خلي اروح انام اني
حميد : نامت عليك طابوكة
همام : حبيبي حبيبيمرت ايام واسابيع وشهور وبلشت العلاقة بينهم تزداد شوية شوية وراح همام صارح اهله بهالموضوع ووافقوا اهله على هالسالفة حتى وصلو يوم 7 من الشهر الثالث اليوم اللي كلب حياة همام 180 مليون درجة ...
يتبع .
اتمنى يعجبكم البارت
تعليقكم وتصويتكم يهمني لا تبخلون عليه بيهن ❤❤
أنت تقرأ
طيش شباب (باللهجة العراقية ) مكتملة
Humorالسلام عليكم الرواية هاي كوميدية - دراما - رومانسية كلشي موجود بيهه واللي ما يفتهم باللهجة العراقية يكتب بالتعليق شنو اللي مفهمة من الكلمات واني اشرحهه اله ❤❤