حبيبتي

29

فاضل بارين وتنتهي القصة

مصطفى:طب انزلي ل اصحابك وانا هحكي لأدم وهو يحكيلك

مريم:ماشي يا سيدي وانت هعديها بمزاجي يا استاذ ادم

نزلت مريم وتركتهم واخذه ادم وادخله وقص لهم ما حدث

فادى:خطوتك اللي جاية انك هتتقدم وتتجوز

مصطفى:لا لا هو الجواز حلو دا الكل بيقولي انه جحيم وانا فعلا مش بتاع جواز

ادم:طب ما انا متجوز قدامك اهو اللي بيقولك الجواز جحيم دا واحد محبش بجد وديما الراجل هو اللي بايده يخلي الجواز جنه او جهنم على الارض نفذ كلامك وكمل للأخر طالما بتحبها

مصطفى:طب انا كنت عاوز اقولكم اني اسف بجد

فادى:اسف ليه ايه ياض انت يلا مش مهم

دخلت رنا العيادة وعندما رأوها

ادم:رنا ازيك عاملة ايه

رنا:اهلا يا دكتور ادم

ادم:دكتور ايه بقا احنا بقينا عيلة وبقيتي مراة اعز اصحابي

رنا:لا انا افضل المقامات لاني لسه مبقتش مراة صحبك

ادم:احم طب يلا احنا يا مصطفى

خرج ادم ومصطفى وجلست رنا امام مكتب فادى

رنا:هاى

فادى:اهلا

اشعلت رنا السيجارة فسحبها فادى منها وقام باطفائها

فادى:بلاش انا خايف عليكي

رنا:متقلقش بعد كدا ولا هيبقا فيه خوف ولا غيرة

فادى:ازاي بقا

رنا:لان انا جاية ابغلك انه مش هينفع نكمل سوا

فادى:ايه مش فاهم

رنا:باختصار كدا الفترة اللى فاتت ديه كانت اختبار ايام البداية احنا منعرفش بعض فكنت بتحاول تبين احسن ما عندك تكتم عصبيتك وانفعالك وغيرتك بعدها لما فكيت معاك شوية وحسيت اني حبيتك بقيت تسحب السيجارة وتنفعل وتغير انا مينفعنيش الكلام دا ف أتمني ان اللى حصل دا ميأثرش علينا كزملا عن اذنك

امسك يدها فسحبتها فورا

رنا:انا بالنسبالي جوازة جواز صالونات مافيهاش اي مشاعر كونك انت عندك مشاعر دا مش مشكلتي عن اذنك

تركته ونزلت وجلس فادى مصدوم وفي اليوم التالى ذهب مصطفى لمكتب حياة

مصطفى:هاه بقا هنعمل ايه

حياة:طب مافيش صباح الخير

مصطفى:حياة انتي ايه البرود اللى انت فيه داا

حياة:خلاص خلاص بابا جه النهاردة في مكتبه فوق اطلع اطلبني منه وتعالا

مصطفى:بس كدا