Love you goodbye [Tunisian Harry Styles fanfiction]

1

*2017*

Maryem's POV:

أنا مريم. 18 سنة. دايركشنر عندي 5 سنين و نحب هاري أكثر واحد.

هاري...

هاري إلي معذبني من 5 سنين و آنا نقاسي في حبو وحدي.

ياما قالولي "راهو مشهور و من بريطانية آش مجيبو ليك؟"

ديما نسكت و نبقى عندي أمل إلي آنا باش نراه عالقليلة مرة في حياتي.

هاري مستحيل يجي لتونس. يمكن حتى ما يعرفهاش.

لكن فما حاجة في قلبي تقلي "هاري ينجم يجي لتونس."

لكلنا نستناو وقتاش 1D يرجعو مع بعضهم.

ربي يفرج علينا..

-------------------------

قمت الصباح كي العادة و مشيت للLycée. غادي وين نلقى أعز ما عرفت في هالدنيا: سحر، شيماء و تقوى.  

آنا إلي رديتهم دايركشنرز. و من وقتها ولينا أعز صحاب. نحبهم و ما نبدلهم ب حتى حد. مهمى يصير. و كل دايركشنر عندها صاحبتها دايركشنر تنجم تفهم و تحس الي كنت نحكي فيه. ما نلقاش كيفهم و لو كان ندور العالم الكل.

-سحر تحب ليام و لوي.

-تقوى تحب زين.

-و شيماء تحب نايل.  

"صباح الخير البنات 😃😄!!" صبحت عليهم و عنقتهم.

آنا نجي في الكرهبة و هوما يجيو على ساقيهم.

بعد ما عنقتهم، قعدو يخزرو لبعضهم يحكيو بلوغت العينين. معنتها مخبين عليا حاجة.

"أيا تكلمو و قولولي شفما! من غير ما تبداو تڨحرو لبعضكم. إن شاء الله خير، شنيا الحكاية المرة هذه؟" 

خزرو لبعضهم خايفين و كاينهم بش يقولولي الي الدنيا بش توفى توا.

"إسمع و الله تاعبة آنا. باش نطلع للsalle سقيا يوجعو فيا. "  تقوى خلقت كذبة و سلكتها.

بآنا طلعة بش يطلعولي شيماء و سحر..

"إنتي تقوللها! " صاحت شيماء في وجه سحر و مشات.  

و شيماء سلكتها زادا.

مسكينه سحر وحلت في راسها.

خزرتلي في عنيا و كأنها تقلي رد بالك ملي باش تسمعو.  

سحر أقرب وحده ليا و هي أكثر وحده تنجم تفهمني. ساعات تبدى حكايه في مخي مزلت ما قلتهاش و تقولها هي.

"مريم.. " قالتلي و بعد تنفست مليح قبل ما تكمل. 

و يا ليتها ما كملت..

"مريم ياخي شفت الليسته متاع البلدان اللي باش يمشيلهم هاري؟" هي قالت و آنا قلبي دق بالقوي. حاسة الي فما حاجك مش نرمال باش تصير.

"لا، علاه؟" و حطيت يدي على قلبي.

خزرتلي و شدتني من يدي، حست بيا مانيش cv.

"مريم هاري.. هاري باش يجي لتونس.. "

هي كملت الجملة و آنا بديت نحس في الدنيا ادور بيا.

لا يضهرلي مزلت ما قمتش من النوم و نحلم الي آنا جيت نقرى و...

و نفيق كان بحاجه صخطتني على خدي اليسار.

"مريم تسمع فيا؟" سألتني سحر.

"أ.. أ..  تفدلك، مش هكا؟ ههه.. قلي إلي إنتي تفدلك أمان! "  بديت نصيح، خاتر كان تطلع كذبه أنا بإذن الله اليوم ما نروح كان ما ندفنهم بإيديا.

من غير ما تتكلم جبدت تاليفونها و حلت الInstagram  متاعها و وراتني الليسته...

نحس في قلبي باش يطير بالفرحه آما مخي مزال ما استوعبش الحكايه.

و أخيرا.. و أخيرا باش نشوف آك المعذبني ولد الستايلز.

قمت نصيح و نعيط و الناس تخزرلي و تقول "ملا مهبوله" و آنا ولا على بالي بالطقس نحمل في سحر و نبوس لين فدت مني.

" Sorry.. 😁" طلبت منها السماح و سيبتها.

"نعرف مرجتك آما خبر كيما هاذا كان لازمك تحضر روحك لأخيب من هكا 😜. آمان شعره لا دخت يا صخطه علاه ما قتليش أقعد قبل ما تقلي؟"

" Sorry 😜." salle قالتلي و أحنا طالعين لل

2h Gestion!!

آش بش يعديهم يا ربي!!

----------------------------------
----------------------------------

-Hello!!

-نعرف إلي يمكن أول مره وحده تكتب بالدارجه عالwattpad.

-آما الفكره ظهرتلي موش خايبه و إن شاء الله تعجبكم الفكشن  متاعي.. نحاول نطول فالles chapitres من المره الجايه..

-كان ما عجبتكمش حاجه و الا العكس:
Please vote and comment
All the love.. 😘 😚😚💟🌹