Love you goodbye [Tunisian Harry Styles fanfiction]

2

Maryem's POV:

عديت الساعتين متاع الGestion و آنا نخمم و نستوعب في الخبر إلي صدمني عالصباح.

هاري جاي لتونس..

هاري جاي باش يغني في تونس...

"سحر وقتاه جاي هاري؟!" سألتها و أحنا خارجين للRecré.

"نهار 10 جانفي."

نهار 10 جانفي...

"معناتها في العطله!! " قلتها و آنا نصيح.

"إي مريم. في العطلة." قالتها بغش و سنيها مسكره. "تنجم توطي في صوتك؟ باش نوليو منعوتين بالصبع في هالLycée. خلينا نكملو آخر عام فيه على خير."

"آمان سحر ياخي ماكش فرحانه؟ آنا موش بش نخرج من عقلي.. هو الي عدك بيه استقال. تعب مسكين و ماعادش يفرق وقتاش و وين انجم نصيح و وقتاه منجمش. Sorry حبي، راني كليت صدمه ما عنديش برشه.. ما تاخوش عليا 😔 😞. "

"باهي، باهي.  تي حتى آنا فرحانه. راهو هرهور الغالي راهو!" قالتها وهي تضحك.

توا نقراو ساعتين Éco و الحق متاع ربي أستاذنا...  ما تلقاش كيفو. الساعتين يتعداو كي الدرجين معاه.

---------------------

تعدا الوقت و أحنا توا مروحين في الطريق.

مخي يخدم مالصباح... ما انجمش نقعد مركزه مع البنات دقيقة.

"سحر، زعمه بابا يوافق و يخليني نمشي للConcert  متاع هاري؟ ماك تعرفو صعيب  في الحكايات هذي."

وقتلي جابو فيلم  This Is Us في السينيما، ما خلانيش نمشي.

"إنتي أعرف كيفاش تحكي معاه. قلو بالسياسه و حاول تقنعو." جاوبتني شيماء خاتر سحر و تقوى ظاهر فيهم عندهم موضوع أهم.

"باهي.. " قلتها و تنهدت.

--------------------

روحت للدار و لقيت فرصه باهيه و حكيت مع بابا...

و بعد عناء كبير و حوار طويل بيني و بين السيد الوالد...   أخيرا وافق. الحمد لله إلي جات الحكايه في العطله.. و إلا راهو ما وافقش.

آما بالنسبه للفلوس..  مزلت ما نعرش.

شنوا نعمل يا ربي؟

رجعت للLycée العشيه و آنا نخمم منين باش نجيب الفلوس.  آنا السنا Bac و بابا ياسر عليه مصروف الétude ، ما نحبش نقلو..

"مريم فاش تخمم؟" سألتني تقوى.

"نخمم على الفلوس.. فلوس الconcert متاع هاري. ما نحبش نزيد على بابا. و إنتوما حقى!  باش تمشيو؟" نسيتهم جمله، قعدت نخمم في روحي و نسيت إلي هوما زادا ينجمو يمشيو و إلا لا.

دارولي التلاثه و قعدو يخزرولي.

"آنا عندي فلوس مخبيتها عندي برشا.  تقريب 200 دت وإنتوما؟" قالت سحر.