Love and other Stuff (Poetry Collection)

119

Isangdaang at labing siyam na boto
Iyan ang bilang ng mga bumoto
Na mga miyembro ng kongreso
Na dumurog sa karapatang pantao

Isang libong piso para sa isang ahensya
Na nangakong magpoprotekta
Sa karapatan at hustisya
Ng mga taong kahit isang kakampi ay wala

Pero saan makakarating ang isang libo ngayon?
Na galing sa gobyernong baluktot ang rason
Itong isangdang at labingsiyam na bumoto
Nakakahiya at nagpakuha pa kayong nakataas ang kamao

Wag naman masyadong obvious mga ser, mga mam
Kitang - kita kayo sa tv at pahayagan
Lantaran ninyong ipinapakita sa madla
Nakadamit lang kayong maganda pero daig nyo pa ang mga tuta