وصلو لدار عيسى واكتملت العائلة وقضاو أجواء العيد فأنس ومرح وضحك متبادل من أطراف العائلة اللي تقاسمو فرحة العيد و حلوياته و مأكولاته بالدعوات و الأماني وكملوها وجملوها بسعادتهم المرسومة فعينيهم لأنه عندهم عرررررررررررررررررس ^^
لبنى:- منقولكش من دبا بديت أنا وختك حنان نقلبو ونعاودو على تكاشط للحضور وشوفي ديريهنا عروبي تبقاي ديريه على حساب الناس لكلاس عارفة خواتاتك غير الهبش هههههههه
حنان(بتعالي ودعابة):- هضري على راسك أختي أنا بعدا غانشوف فستان كيما هادا اللي لابساه ندوشة أيييه بغيتينا نحشمو بيها ولا نحشمو بيها
ناديا(كتسمعلهم وعقلها شارد لكن ابتسمت):- أجيو كيما نتوما تاشي حد مشغلو فيكم نتوما عائلتي وانا نتشرف بيكم وزايدون راه تانا بحالي بحالكم ومن نفس الحومة سوى إيلا عندكم اللي زار بلاد العم سام يحسبوه كاوري هاديك هدرة اخرى هههههههه
مريم:- ههههه ناديا عندها الحق علاش هاد النفاخة على والو نمشيو عاديين وبتكاشطنا بحالنا بحال الناس
ناديا:- ها اللي كتفهمني بلاما نتكلم
ليلى:- مي سمحووولي ضروري ميكون داكشي ذوق علاش لأن الطبقة ديال وليد باينين غير الرسمين ولالة ومالي إذنن خصنا نكونو في نفس مستواهم ونجيو نشرفو حبوبتنا ناديا
لبنى:- هيا اللي متعاودش أكيد غادي يكون عرس تححححححفة متشوقة ليه
ناديا(فخاطرها):- سعداتك أنا اللي مولاته ومقادراش نهضمه مي لا لوم عليك لا لوم ااااااااااااه
مريم(حست بيها):- ناديا مالك أختي هازة الهم فوق كتافك خاصك شي حاجة ؟
ناديا(ببسمة حزينة):- ماخصني والو أختي
مريم(حست بيها وحست بذنبها تجاه ختها اللي معارفة والو من اللي وقع بسببها معا ابراهيم):- إيوا يكون خير البنات واش بانلك نضربوها بشي شطحة نفولو للعرس من دبا
حنان(ناضت بقفزة وحدة):- شوفو وخا خطيبي ترك الديجي مي باقية مشارجية بالاغاني ويو إس بي في حقيبتي ديما احتياط يالالالالالالالالالالالالاه ارا بررررررع
ليلى:- يالمجنونات الله يهديكم الرجال لتحت
لبنى(جابت شال ولواتو على خصر ليلى):- آش بانلك نتي اللولا اللي غادي تشطحي
ليلى(كتحاول تمنتع):- نونو والله منعرف
لبنى:- هيا معزيزاش عليك … حنان إيوااا طلقينا قبل ميهربووو
ناديا(كتضحك معا مريم على الوقائع):- ميمتي معمركم تبدلو
إيوا وطلقت حنان الشعبي واجي تفرج الحيحة ناضت بقاو البنات شطح شطح وناديا غير تتفرج وطلعو الولاد طبعا شكون يسمع الحيوح وميجيش وبداو تاهوما يرقصو ويجرو فسارة باش تشطح تاهيا المهم لحظات هبااااااااااال ، استمتعت فيهم ناديا من صميم قلبها لأنها كانت متوحشة هاد الأجواء ، أما وليد لتحت كان يتقليط فاتت مدة مشافش حبيبتو وحاسس بنقص كيدير دبا كيدير وهو وسط حديث رجالي ممل ، تأفف وجا نايض وتبعو ابراهيم
ابراهيم:- تعطلو ياك ؟
وليد(توقف والتفت عندو داير يده فجيبه):- داكشي اللي بانلي
ابراهيم(بعلياء):- يكونو متوحشين هاد الجلسات راك عارف كل وحدة وملهية فحياتها وشهر رمضان بعدهم شوية
وليد(شنو سر هاد الحديث):- آه صح لكن تعطلنا وخصنا نمشيو
علاء(قاطعهم):- هووووه هادو إيلا خليناهم يباتو هنا وختك باينة نسات باللي عندنا موعد طيارة ويدوب نلحقو راسنا
ابراهيم:- طيب انمشي نعيطلهم
علاء(ببسمة المشتاق):- وهيا إيلا زربت علينا هههه
وليد(تنهد بعمق وحس بدوار لكن تماسك):- من بعد إذنك علاء ممكن كيتنزل ناديا تخبرها أنني كنستناها فاللوطو ؟
علاء:- أوك الله ياودي تفضل
وليد انسحب بسرعة من جنبه قبل ميلاحظ إرهاقه و ركب فسيارته وكلس براحة كيتمالك نفسه ، فتح الكوفر وجبد شريط أقراص وهز قرعة ديال الما وشرب حبة كنينة وعاد بدا يرتاح ..
ابراهيم(ناديا واقفة معاه فالممر):- خلي تليفونك مفتوح غادي نكلمك بلاتي ونقولك اللازم
ناديا(بخفوت):- قلبي مقبوض
ابراهيم(حط يدو على كتفها وبثقة):- غادي نكون معاك لحظة بلحظة رجالي تما كيستناو غير إشارة وحدة مني
ناديا(حست بالطمأنينة شوية وشافت فيه):- متخذلنيش أبراهيم راه نتا اللي عاطيني هاد الدعم
ابراهيم(اقترب منها):- ناديا نتي عارفاني كلمة وحدة منعاودلهاش
ناديا(ربتت على يدو بمحبة وبتاسمت):- الله يخليك ليا يارب
مريم(خارجة من البيت وغير شافت المنظر ضربها الضو لكن شدت جنونها شدان):- امممم غادي تمشي أناديا ؟
ناديا(بابتسامة):- آه احبيبتي وليد كيستناني
ابراهيم(جا نازل):- طيب انستناكم لتحت
مريم(مبعد مامشا ابراهيم):- قالي ابراهيم أنه بيناتكم خدمة علاش مقلتيهاليش أناديا كاع وهو عارفاه مكيدخلنيش فأمور خدمته إنما نتي كان عليك تخبريني
ناديا(اقتربت منها):- مجاتنيش فالبال وحاجة مهمة أوياك ووليد يسيق هاد الخبر
مريم:- تتتت شنو نوع هاد الخدمة اللي تطلب هاد السرية كلها شنو كديرو ؟
ناديا(بلهفة):- ماشي وقته أختي مريم لكن وعد غير نرجع نخبرك بكلشي
مريم(بقلق):- ترجعي من فين ؟؟
ناديا:- تتت مريم قتلك من بعد يلاه بوسيني دبا ودعي معايا وخاااا
مريم(سلمت عليها ناديا بلهفة وطارت من حداها):- أسناي هاكي .. تتت على هاد البنت ..
ليلى(خرجت مالبيت):- يلاه أمريم علاء صيفطلي مساج خصني نمشي نشوفكم على خير
مريم:- الله يوصلكم على خير اختي وعيطيلي فاش توصلي وكبري خاطرك مديهاش فديك العنقروش
ليلى:- الله شحال قدني منكبر فهاد الخاطر مهم خليها ع الله تهلاي فخويا وحمدي الله رضا عليك تهلاي وسيري عاوتاني خربيقها غادي نغيب ايامات ونرجعلك
مريم:- إيوا يكون الخير يكون الخير يلاه سلميلي على أمنية بزاف هيا ونوفل
ليلى:- يوصل احبيبة
توادعو مابيناتهم وكلشي غادرو ليلى وأسرتها في اتجاه دارهم باش يجمعو حوايجهم ينطالقو للمطار ، وسعيدة وأسرتها أيضا رجعو لحومتهم وناديا ووليد وساريتا كذلك بقات غير مريم تجمع معا عزيزة بيما رجعلها ابراهيم من المشوار اللي خرجله واللي كان جد مهم بالنسبة ليه
ابراهيم(داير نضاضر وكالس فالكافي كيستنا):- تتت فينراه هادا افففف
إلياس:- تعطلت عليك اباشا ؟
ابراهيم(ناض وعنقه بحب وحماس):- إليااااس عاش من شافك أصاحبي كلس كلس واش غير تعطلت لكن ميهمش المهم رجعت شفتك مبعد هاد السنين كلها
إلياس:- توحشتك أصاحبي وتوحشت اللمة ديالنا والشباب اممم سمعت بخبر موت جواد البركة فراسكم
ابراهيم(بتأسف حيد نضاضره):- الله يرحمو ويغفرله
إلياس(زم شفتيه):- طيب وياسر فينه واش باقي عاد برا ؟
ابراهيم(شاف مليا فإلياس آش يحكيله وآش ميحكيلهش):- عليه اللي جبتك باغيك فمهمة خويا إلياس عارف أنك نزلت إجازة من خدمتك لكن خصك تعرف أن هاد الخدمة لصاحبك ياسر
إلياس:- الله ياودي نتا عارفني مغادييش نتأخر اللي فجهدي نديره
ابراهيم(بابتسامة وحماس):- وسمع القصة اللول وموراها نفهمك شنو خصك دير
نحكيلكم على هادا إلياس راه محقق تاهوا فالجنايات لكن ماشي فنفس المدينة ديال جماعتنا بل فمدينة تانية بعيدة عليهم ونزل لمسقط رأسه بمناسبة العيد وبناء على رغبة ابراهيم اللي لجأله وطلب مساعدته ، هاد إلياس كان صاحبهم من أيام التدريب وبقاو معاه على صلة حميدة وكونو رابطة جيدة ولأنه ختار قسم الجنايات رسلوه لمدينة اخرى بعيدة عليهم لكن بقا التواصل بيناتهم عبر وسائل التواصل فقط وقتما ينزل كيرجع يشوف أصحابه اللي واحد فيهم توفى والتاني فيهم ميت حي
إلياس:- أشنوووووو باقي عايش وعلاش توهمو الجميع بأنه مات ؟؟
ابراهيم:- إلياس خفض صوتك واش أنا راه السلطات العليا اللي تدخلت وطلبت مني ندخل باش نخرجه من العملية بصفة نهائية ولأني عارف مدى تعلقه بيها وعذابه عليها مقدرتش نديرها بيه لذلك درنا خطة أنه يموت فنظر الجميع وتكون هادي فرصتنا بالإيقاع بالعصابة لأنهم غادي يطمنو
إلياس:- يطمنو لاحقاش فراسهم أنه خدام معا البوليس هيا خطة ذكية لكنها كتوجع المقربين منو هوما الضحايا فيها
ابراهيم:- والله مالخاطرنا أخويا إلياس راني شرحتلك الوضع.. ودبا واش غادي تساعدني ؟
إلياس:- واش عاد كتسول أنا معاكم خطوة بخطوة والحمد لله إجازتي خديت فيها شهر لازم نكمل معاكم المهمة
ابراهيم:- العز الله يحفظك إيوا دبا نحكيلك الخطة والدور ديالك فيها شنو غادي يكون
إلياس:- أول حاجة هاد ناديا شنو الوضع ؟؟
ابراهيم:- ميزوغوش عينيك راها مرت ياسر سابقا وحبيبته و للعلم غادي تزوج بمستر وليد هاد الأسبوع يعني القضية مشبكة فبعضها وخصك تعاوني باش نقدرو نفذو هاد الخطة وياسر ينتصر فالاخير ينجز مهمته ويرجع مرته
إلياس:- لكنك كتقول غادي تزوج كيدرتولها هادي ؟
ابراهيم:- ناديا ماشي موضوعنا أإلياس ركز فمهمتك الله يخليك
إلياس:- اممممم خسارة كان يصحابلي كاع صيليباطير نضرب الحديد محدو سخون مي طلعت مشبكاها الأخت
ابراهيم:- ههههه الله يعطيك النو عمرك تبدل غاتبقى نسونجي وتموت نسونجي
إلياس(بنظرة مكر):- إلا معا المقربين معنديش ديك أولى هههههه إيوا دعي معايا نلقى شي لوزة نكمل بيها نص ديني
ابراهيم:- الله يلقيها ليك
إلياس:- أشنووو ؟؟؟
ابراهيم(تدارك نفسه بضحك):- يلاقيها بيك قصدي هههههه
إلياس:- والله تاتوحشتك أجحش هههههه
ابراهيم:- سمع سمع ياراس الطنك وأوياك تغلط فحاجة راه فيها نادياااااا وعليها ياسر يذبحني أنا وياك
إلياس:- سير اعتمد عليا فداء للزين ياسر انا معاكم من هاد اليد لديك اليد
ابراهيم(بحماس):- واسمع أسييدي …
سارة(مزال فالسيارة قربو يوصلو للفيلا):- ناديا عطيني ورقة فاين عفاك يديا تعرقو بزاف
وليد:- لأنك رفضتي لاكليم أما لوكان جيتي مبردة
سارة:- ننن نبغي هوا طبيعي
ناديا(بابتسامة):- حبوبتي دقيقة نجيبولك
مدت يدها للقابصة اللي كيحطها وليد قدام الفولة ولقاتها خوات وفتحت الكوفر بغات تجبد قابصة تانية وطاحت فحجرها الكنينة ووليد انتبه بلهفة هزها من يدها وعطاها القابصة ورد الكنينة وقفل الكوفر كل هادشي وهو كيصوك ويشوف فيها
وليد:- ا.. كنينة ديال الراس هاكي أسارة خلي العلبة بجنبك
ناديا(حست بحاجة غريبة):- اممم ماشي
وليد(مبغاش يبين وحس بالتعرق والإرتباك):- كانت أمسية زوينة ياكي ؟
ناديا:- واه الكل نشط فيها
وليد:- أهاه نشاطكم نتوما كان من نوع خاص المهم تكوني فرحتي
ناديا(تفكرت جنون البنات):- هههه الحمد لله
مبعد مدة وصلو للفيلا لقاو جاد وهيلين فالصالون
سارة(جرات عند هيلين):- مامييييييييييي
هيلين(حزينة ولاوية شنايفها):- هاي بيبي
سارة(بدون متلاحظ):- اليوم كان أجمل يوم فحياتي احتفلنا ورقصنا ههههههه بيررررفيكت داي
هيلين(بتاسمتلها بخفوت):- رائع حبيبتي
جاد(جبد سارة من يدها):- وأونكل جاد ميستاهلش بوسة
سارة(طارت فحضنه):- هممممم
جاد:- هاني طلعي رتاحي فبيتك شوية راه تكوني عيييتي
سارة:- صراحة عيييت بزاف .. لكن كلو يهون مقابل اللي عشته هههه
جاد(باسها):- أوك بيبي فاش يجي وقت العشا نعيطلك
سارة:- تمامو أونكل جاد سي يو ..
ناديا(كانت حطت حقيبتها ولاحظت حزن هيلين وكلست حداهم هيا ووليد اللي حيد جاكيطو وكلس):- هيلينا نتي بخير ؟
وليد:- قبيلة فاش تاصلتي كان صوتك فشكل ومفهمت منك والو .. شنو كاين ؟
جاد(بتأسف):- سيد طوماس مريض جدا وطلب يشوف هيلين وساريتا
وليد(تصعق وشهق هو وناديا فمرة):- بصح وكيداير الوضع يعني شنو قالولكم ؟
أنت تقرأ
رواية السارقة
Avventuraالسلام عليكم، انا جيت باش نقدم ليكم واحد القصة رائعة بكل ما تحمله الكلمة من معنى، هي قصة مغربية، منقولة، يعني ماشي انا لي كاتباها، الكاتبة هي "الكونتيسة لينا"، انا هاد القصة عجباتني وبغيت نشاركها معاكم، اسم القصة هو "السارقة"، كتحكي قصة واحد البنت،...
