خرج وخلا موراه روحه المعلقة بناديا ومستحيل تتركها لكنو خصو يغادر قبل ماتتفاقم الأمور مخلي موراه ناديا كتبكي مجددا على مافقدت وعلى ياسر اللي تخلا عليها وهي فأمس الحاجة ليه ، توجه من فوره رفقة جاد للفيلا ودع هيلين وساريتا اللي بكات عليه بحرقة
سارة:- كنت نستنى عودتك باش تكون معانا لا أن ترحل من جديد ؟
وليد(مكلسها فوق حجره):- صغيرتي أنا غادي من أجل العلاج وفترة بسيطة وتلقاوني بجنبكم وزيدون أنا مخلي مورايا فتاة بقلب جامد غادي تقدري تتفهمي غايات والدك في يوم مالأيام
سارة(ترمات فحضنه):- آي كآنت دادي اهئ اهئ
وليد(زفر بعمق معندو جهد للحظات الوداع):- هاني آي بروميس غادي نبقاو نتواصلو كل فترة باش متحسيش بغيابي
هيلين:- سارة لا تزعجي بابا هو مزال متعب
سارة(بأدب باستو فخدو وناضت من حجرو):- أوك دادي سأكون سعيدة ايلا كنت بخير
وليد(مص شفتيه كيصبر نفسه وباس جبهتها ومشات تجري لغرفتها):- انتبهي لها هيلينا ماشي
هيلين(وقفت معاه كي وقف وعناقتو):- اهتم بنفسك والله يرجعك لينا على خير
وليد:- اهتمي بالبيبي ايضا ومتعصبيش هممم
هيلين(ببكاء شافت فيه ومسحت على وجهه):- فقط كن بخير
جاد:- يلاه أوليد هاكدة غادي نتأخرو
وليد:- فين لين ؟
هيلين:- فالمطبخ معا عماد نعيطلك عليها ؟
وليد:- جاد خليهم يجهزو السيارة .. هيلين لا داعي أنا غادي عندهم ..
هيلين(تبعت جاد وخلات وليد متجه للمطبخ):- واش مشا للفيلا لقديمة ؟
جاد:- امممم نتي عارفاه مستحيل يسافر بدون ميشوف ناديا
هيلين:- تتت ايوا الله يسهل الأمور
جاد(باس جبهتها):- اهتمي بنفسك ياروحي يومين ونرجعلكم
هيلين:- لاتقلق غادي نكونو بخير المهم تطمن على وليد عاد ترجع
جاد:- إن شاء الله
وليد:- لين عزيزتي أنا تكلمت معا هيلين فموضوع عملك نتي غادي تبقاي هنا معززة مكرمة حتى تخرجي لدار راجلك كما يلزم للأسف مغاديش نقدر نحضر معاكم لذلك كنتمنالك حياة سعيدة وبلغي سلامي لعائلتك فاش يجيو
لين:- والله كنت حابة تتعرف عليهم بس صحتك أهم كتير من اي شي بالدني وبخصوص شغلي الست هيلين فهمتني إني حكون معون بالمشروع لجديد تبع ناديا
وليد:- إيكزاكتومون المهم راتبك مغاديش يتغير وخليت دفعة تحت الحساب لهيلين باش تساعدك فكل مستلزمات الزفاف انتي عروس وتستاهلي كل خير
لين(بدموع):- الله يديمك فوق راسنا ويعلي مراتبك ويرجعك إلنا بخير وعافية
وليد(ببسمة مسح على شعرها):- اللهم آمين .. هاه يا عم عماد مكانش وداع ؟
عماد(ببكاء عنقه):- غادي تخلي مكانك فارغ لكن غادي تبقى فقلوبنا حتى ترجع لينا بالسلامة
وليد(مستقبل حضنه الطيب):- انتبه لصحتك و خفف هاد الكرش راحنا عاد ناويين نشوفولك عروس
عماد(ضحك بشغب):- هههه مشات علينا يا ولدي …
وليد(زفر بعمق وتحرك):- نشوفكم على خير
غادرهم وخلا مكانته فقلوبهم نابضة ، و انطلق لآخر مشوار باقيلو وعليها يسافر في حال سبيله .. جاد كان مستغرب تصرفه لكنو كان ضروري يأيد صاحبه فقراراته ، وليد برغم تعبه الطفيف ثبت نفسه باش يكمل كل اللي موراه باش يمشي وهوا مرتاح البال .. هاد الشي اللي ستغرباتو هيا حيت معرفتش أساسا علاش وليد طلب يشوفها وخبرها جاد أنه غادي يجيو عندها زيارة هاد المساء باش تحضر نفسها وداكشي اللي دارت مسكينة صحابلها راه غادي يسامحها انما كانت واهمة ومكتشفت ذلك حتى لمبعد ، المهم حضرت نفسها تجهزت بفستان جميل وتعطرت ودارت مايكاب خفيف وعدلت شعرها وبقات تشوف فالساعة وتستناهم وكل دقيقة تمر كتزيد توترها أكثر .. ماتهنات حتى سمعت رنة الجرس وبتلعت ريقها مرتجفة وخدات نفس عميق عاد فتحت ، هاهوا قلبها جاي عندها برجلو وبعكازته مزال غي شافتو قلبها تخطف من محلو وتوترت بشكل أكبر لكن ابتلعت ريقها وحاولت تتماسك أكثر
حنين:- تفضل أوليد مرحبا بيك
وليد(دخل وانتبه أنها جاية تقفل الباب عليهم ونطق):- خلي الباب مفتوح جاد جاي من بعدي
حنينّ(رفو عينيها لكن سايراته وجات كلست مقابله على الكنبة اللي ختارها للجلوس):- كيف صحتك اليوم ؟
وليد(تنهد باختناق كل حاجة فهاد الدار كتجيبلو اختناق امتا غير يكملو هادشي):- ندخلو صوب لموضوع حيت المكان هنا لا يطاق وانا مباغيش نضيع الوقت بزاف
حنين(متذمرة مشافش كاع فهندامها بل دخل مباشرة فالحديث وابتلعت غصة الجملة اللي قال):- خير ؟
وليد:- الجنين ..أ
حنين(بعيون دامعة قبل ميكمل جملتو نفاجرت تقول كانت تسناه):- مستحيل نزله أوليد كاع متطلبش مني هاد الأمر مستحيل أوليد يكون هادا قرارك تقتل روح بدووووون ذنب عفاك ن
وليد(زفر بعمق):- سكتي … خليني نكمل كلامي شكون قالك غادي نخليك تنزلي الجنين أصلا ؟
حنين(مسحت دموعها اللي كانو على سبة):- أوووف خفت
وليد:- حنا غادي نعقدو قراننا من دبا شوية باغي نسمع جوابك واش موافقة ؟
حنين(حكت ودنها كأنها مسمعتش مزيان وحلت فمها عينيها فيه):-هااااه ؟؟؟؟؟؟؟
وليد(حرك يدو):- فين المقطع اللي ممفهومش بالنسبة ليك أمدام حنين ؟
حنين(ريشت بصبعها بتثاقل ليها وليه):- نتا باغي تزوجني أنااااا متأكد ؟
وليد(بتعب):- مباغيش ولدي يتزاد وهوا مجهول الهوية الحمد لله عندو أب ملزم بيه وبحاجياته لذلك محتاج نسمع منك جواب واضح دبااااا ؟
حنين(وقفت ببكاء):- موافقة طبعا طبعااا هههه موافقة
وليد(متوقع):- تمام …
جبد هاتفه وغير بيبا على جاد مكملتش 5 دقايق كان داخل للشقة هوا والعدول ومصعب وحياو حنين اللي كانت تبكي من الفرح والسرور آخيرا حلمها غادي يتحقق وتقترن بوليد يااااااااه ولا في الأحلام .. المهم العدول قام باللازم و تم الزواج على سنة الله ورسوله وشهدو عليه مصعب وجاد اللي مبعد مباركولهم مباركة مزيفة خرجو رفقة العدول وبقا هوا معاها
حنين(مقتربة ليه وعنقاتو):- يااااه يا حبيبي مقادراش نصدق ؟؟
وليد(علا راسو للسما وزفر بعمق ساخر من نفسه وما يحدث وبعدها بيدو بشوية):- حنين أنا تزوجتك من أجل ولدي باش ميكبرش ويكون بدون أب لذلك ميمشيش فكرك لبعيد نتي بعمرك مغادي تكوني زوجتي إلا على الورق وباش نوفر عليك عناء الحرج والعذاب والذي منو أنا مسافر هاد الليلة وحبذا تغادري المغرب وترجعي لعند أمك ففترة الحمل يهمني تكوني مرتاحة حيت باغي ولدي يكون فصحة ممتازة مفهوم ؟
حنين(كتبكي وحاسة بكبريائها تجرح):- علاش هاد القسوة علاش كتعاقبني على حبي و
وليد(وقفها بيدو بإشارة وحدة):- مباغي نسمع والو وراني خبرتك أسباب زواجنا فرجاء متزيديش تنقصي من قيمتك وتحطي نفسك فموقف محرج قدامي .. لذلك منا ليومين نتمنى نسمع أنك بفرنسا وغادي يقوم جاد باللازم وغايدخل لحسابك مبلغ مالي غادي يتحط فحسابك كل شهر باش تكوني بخير نتي والجنين …آه قبل ماننسى هدية زواجك غادي تلقايها عند والدتك كتستناك إلى اللقاء ..
حنين(بحزن ستوقفاته):- نتا السبب حبك الأفلاطوني ليها هوا اللي خلاني نبغيك كن على يقين بابي غادي يكون مفتوحلك دايما ومغاديش نحرمك من طفلك وغادي نسمع لكل اللي بغيتو باغيني نسافر طيب على راسي وعيني
وليد(علا حاجبو وزفر بعمق مغاديش يتخدع فيها دبا):- انتبهي لنفسك
خلاها صريعة دموعها كيفاش فلحظة كانت طايرة بالفرحة وفاللحظة الموالية كانت أتعس امرأة فالكون ، عايشت شعورين مختلفين والأخير قسم وسطها وحست بالحزن الكبير في قلبها بمغادرة وليد غادرت معاه آمالها وكل أمانيها .. حطت يدها على بطنها كتحسس دفا صغيرها اللي بوحدو اللي غادي يحسسها بأمان ودعم ديك اللحظة لكن دقيقة هي فعلا ولات زوجة وليد الجوهري إذن هادا بحد ذاتو راه شيء جميل بحد ذاته .. برغم الأسى المحيط بيها قدرت تبتسم وزفت الخبر لأمها اللي معرفت واش تفرح لبنتها ولا تجهز نفسها لمعاناة أشد .. كان هوا نطالق للمطار رفقة صحابو مصعب وجاد اللي مخلاوهش يسافر بوحدو وقررو يمشيو معاه منها مصعب يطمن على سيرورة العلاج فديك المشفى ومنها جاد يطمن عليه من جهة كل المستلزمات الواجبة لحياة جيدة ..
وليد:- صراحة مكان ليه تاشي داعي تكلفو راسكم وتجيو معايا يكفي غادي كل فترة تشرفو عندي
مصعب(كيستنا توره باش يطبعو البيي):- هششش ولا كلمة رجلنا على رجلك
جاد:- حمق هادا باغينا نخليوه بوحدو يتمتع بالليديز هههه
وليد:- عيب يارجل راك غادي تولي أب دير عقلك
مصعب:- أنا متجرونيش لديك الطريق عاد ناوي نشوف الدنيا
وليد:- أووه انا كنفكر كيفاش غادي نتحملكم هاد الساعات فالطيارة يا إلهي
جاد:- آسف كان لازم تسافر فالطيارة الخاصة إنما منعنا الشريف اللي قبلك
مصعب:- ممنوع منعا باتا الخوصصة خصو يختلط بالناس ماشي تحبسه فدائرة محددة هادشي مهم للعلاج
جاد:- ذكرني فإينا مجزوئة قريت هاد النصيحة من غدا نمشي للمكتبة
وليد:- سكتنا راك قلبت المطار وزايدون انا بصحة جيدة ووافقت بطيب خاطر
مصعب(التفت عند جاد):- شفت صاحبي كيسمعلي الكلمة
جاد(علا حاجبو):- لا دبا راك تتعدى على الأراضي ديالي فوليد
وليد:- ناااااري دغيا رديتوني قطعة أرضية كتخاصمو عليها ههه
مصعب(ضحك):- ههه مجانين شنو غادير
أنجيلا(بصوت باكي):- ولييييييييييد
وليد(التفت عندها بحسرة وهوا كيشوفها مهرولة عنده وموراها أحمد كيحاول يمسكها):- أماه
أنجيلا(تخطات الحاضرين بينما هوا تخطى الناس اللي كيستناو طبع البيي):- وليد بني
أحمد(وصل عندهم):- آسف يا حبيبي لكنها أصرت باش تجي تودعك فالمطار ومقدرتش نمنعها
وليد(عنقها بحب):- هممم يا مدللة
أنجيلا(كتبكي فحضنه):- غادي نتوحشك باغية نجي عندك نبقى معاك أرجوك متحرمنيش من هادشي ؟
وليد(باس راسها بدموع مكبوتة فخاطره زايدة وتزيد):- لا يمكن ونتي عارفاني منقدرش
أنت تقرأ
رواية السارقة
Pertualanganالسلام عليكم، انا جيت باش نقدم ليكم واحد القصة رائعة بكل ما تحمله الكلمة من معنى، هي قصة مغربية، منقولة، يعني ماشي انا لي كاتباها، الكاتبة هي "الكونتيسة لينا"، انا هاد القصة عجباتني وبغيت نشاركها معاكم، اسم القصة هو "السارقة"، كتحكي قصة واحد البنت،...
