Suot ang aking tsinelas,
Magsisimula akong maglakbay
Patungo sa aking bukas
Mula sa gabing napakatamlay
Ihahanda ko rin ang aking baro
Na proteksyon sa lamig hangin at bagyo
Na kahit puno ng putik at mabaho
Tatakip naman sa katawan kong buto-buto
Bato man ng pighati aking matapakan
Bubog man ng pagsubok ang malakaran
Kahit umabot ito sa aking kalamnan
Di ako susuko sa aking kinabukasan
Suot parin ang aking tsinelas
Na kahit na magkabutas-butas
Marating ko lamang ang landas
Na tiyak na magtataguyod ng wakas
-Oct. 8, 2012
BINABASA MO ANG
Ang Mga Talata : Tula/Poem collection
PoetryIto ay koleksyon ng aking mga akda sa kategoryang tula. Galing sa aking blog ay sininop kong muli at pinagsama-sama para maging isang libro dito sa mundo ng wattpad. hehe. Sana mag enjoy po kayo sa pagbabasa, mayroong mga english at karamihan naman...
