الاسبوع الثالث ف الكلية التحاليل والمختبارات
ف القاعه يلي فيها 20 طالبة و4 طلاب الكل منتبهين لدكتور وهو يشرح
الدكتور: زي ما قلتلكم بنديرلكم مشروع عملي اضافه للمشروع الكتابي يلي بتقدموه ف نهاية الفصل طبعاا المشروع بيكون مع طلبه ف سنه اولى
وليد: استاذ علاش مع طلبه ف سنه اولى
الدكتور : نبيهم يتعلمو منكم كيف اديرو ف مشاريعكم باش لما يصلو سنه رابعه يكون عندهم افكار جديده وهالقرار قرره العميد ف هذه السنه
هيثم: ياعيني يعني اذا هما متكاسلين بيريح علينا المشروع
الدكتور: حتى هما هالمشروع يعتبر ماده فيها سقاط مش لعب
منير: وامتى بنبدو
الدكتور: من غدوة الساعه 9 تمام كلكم تجتمعو ف القاعه 10 "خدا شنطته وطلع"
هيثم: هذا يلي ناقص سقاطنا ونجاحنا يعتمد ع فروخ سنه اولى
وليد: هههه خيرك معصب ماتندري مرات تنجح بسببهم
هيثم " خدا مذكراته: مانبيهش النجاح لما يجي من طلبه اصغر مني "طلع"
منير: صاحبك اعصابه ديما ع راس خشمه
وليد: هههه لله يعين امه وخواته
حسام: ويلي بتتزوجه
الثلاثه: هههههههه
.....
اليوم الثالي
الجو كان مغيم و مطر قوية
هيثم" يدور ويشوف لساعه: وينه الدكتور ع اساس الساعه9 تمام وصلنا لساعه 10 وماشرفش
وليد" يشوف من الروشن: اكيد ف هالجو رقد هههه
هيثم" قرب من الباب : انا مليت بنطلع "كيف بيفتح الباب انفتح وضرب وجها ف الباب الكل ضحكو شد وجها وشاف للباب بغيض : هييي ف حد يفتح الباب بهذه القوة
رند" باحراج: اا اسفه
هيثم" شد الباب بغيض: اسفه ؟
رند" نخوف: مش قصدي هو كنت كنت
هيثم" بعصبيه: كنت ف مداهمه ولا شن هي مش كلية بدت
وليد" قرب منه وشد كتفه: هيثم خلاص ماصار شي البنت اعتذرت
بتول" صاحبت رند: هو احنا كنا ندورو ع مجموعه وكلما دخلنا معمل كان فارغ وكل مافتحنا قاعه وقعدنا نطقو مالقينا حد وخفنا يضيع الوقت وبدينا نفتحو طول
رند" نزلت عيونها : ولله ماقصدي
وليد" ابتسم: ماصار شيء "شاف لهيثم يبيه يهدى"
رند: اا انتم سنه رابعه قسم تحاليل ومختبرات
هيثم: لا غالطين ف العنوان
رند" باحراج: ااا اسفين هيا بتول
وليد: هيي وقفوا
رند" شافتله"
وليد: اي احنا سنه رابعه قسم تحاليل ومختبرات
رند" شافت لهيثم: صاحبك قال
وليد: ههه صاحبي يمزح
منير: من انتم
بتول: احنا سنه اولى قاللنا دكتور سعد ان بندربو معاكم
هيثم: انتم ههههههه
رند" عصبت: علاش تضحك
هيثم: هههه
وليد: ااا هو قصده ان انتم بس؟
بتول: لا احنا بس جينا والباقي ماجوش
هيثم: خلاص روحو وتعالو لما تجو كلكم
رند: انت من تأمر فينا تعالو ولا روحو
هيثم: هههه انا هيثم
رند" بهزوه: هاها ها بجوده ولله
وليد: ههه وانا وليد وهذا حسام ومنير والبنات روان ورزان وسمر والباقي غياب
بتول: انا بتول وهذه رند
هيثم" بهزوه: رند ؟ اسم مش طالع ابدا
رند: ماحد خدا رايك وين الدكتور
حسام: للاسف كنصلنا وماجاش
بتول: به كيف نديرو مش ع اساس يقسمنا باش من السبت نبدو
وليد: يالله حصل خير وتعارفنا ههه تعالو غدوة وتو يجي يقسمنا
هيثم" ضرب وليد ع راسه: غدوة جمعه ياغبي هههههه
وليد" باحراج: نسيت
رند: هيا بتوول "لفت"
هيثم: وراك تفتحي الباب بقوة مرة اخرى
رند" طنشاته ومشت هي وبتول"
وليد: خيرك انت
هيثم" حط ايديه ف جيوبه وطلع : ماخيرني شي هيا كان بتروح جيتنا بدون فايده ماحصلنا الا تكفيخه ع الجبهه
وليد" يمشي محاديه: ههههه وتعرفنا ع بنتين حلوات"غمز لهيثم"
هيثم" ضربه ع راسه: ركز ف قرايتك وفكك من دوة البنوت
انتهت الحلقه:
