صباحااا
وليد" يمشي بتكاسل: ولله نعساااااان
هيثم: نصلو غادي وارقد كانك نعسان
وليد: وهذا الباص واصل
هيثم" شاف الطلاب طالعين قرب منهم"
وليد: ههه وصلو قبلنا صباح الخير
بتول: صباح النور
رند: صباح الخير وينكم ولا فاتت عليكم نومه
هيثم: باين انت مارقدتيش من الخوف هههه ولا راقده ف فم الكلية هههه
رند" شافتله بغيض ومشت ركبت ف الباص"
وليد: خيرك انت
هيثم" حط ايديه ف جيوبه: شيء
ركبو كلهم ف الباص واتجهو للفندق المقرر سكنتهم فيه لتحضير مشاريعهم
كانو طول الطريق ساكتين والطريق كانت طويييله ووقفوا وتغدو بعدها كملو مشوارهم وصلو ونزلو من الباص هيثم ووليد ورند وبتول بس لان الباقي بيكونو ف الجهه الشماليه من الغابه
بتول" تشوف للفندق: يما خيره هكا يخوف
هيثم: هههه يخوف كيف
بتول: قديم ومظلم
وليد: ماتخافيش الفندق اثري
رند: عليك اثار
هيثم" لفلها: ابشري بالليله مليئه بالاشباح والوحوش ههههه
انفتح الباب والكل فزو لما شافو عزوز كبيره ف السن فتحتلهم الباب
بتول" شدت ف وليد من الخوف بدون ماتنتبه"
هيثم: السلام عليكم
العزوز: وعليكم السلام تفضلو
بتول" بخوف: لا لا خلونا نرجعو
رند" نخستها: هي خيرك يالدلاله صدقتي خرافاته بعدين اطلقي الراجل
بتول" بعدت عن وليد بسرعه: اا اسفه
وليد" بربكه: ولا يهمك
هيثم: هههه خيره وجهك احمر
وليد" بربكه : حميت ف الطريق
هيثم" حط ايديه ف جيوبه وخش وهو يضحك"
والكل خشو وراه لقو العزوز واقفه
العزوز: كم تبو غرفه
هيثم: 4 غرف
العزوز: علاش 4 مش انتم متزوجين
الكل تحشمو
وليد: لا لا ياخالتي احنا طلاب جينا ع خاطر مشروع
العزوز: خالتك؟ انا بعمر جدتك تقول خالتي
هيثم: حاضر ياجدتي ممكن 4 غرف
العزوز: اكيد من وقت معش جا حد لهذا الفندق يارو فيه قديم يخافو منه ومايعرفو انه من اثار الاجداد والحكومه ترمم فيه كل سنه من الداخل اما البرى ماتغير فيه شي لان لو صار تغير بيفسد البناء القديم و ..."بدت تحكي واثرثر وهما يستمعو لها لين تعبو واستأذنو يرتاحو ف غرفهم واول ماوصلو كل واحد لغرفته طول رقدو"
