هيثم" يشوف لوليد كيف يتوجع : وليد لا تخاف باذن لله تكون بخير
بتول" شاده ف ايد رند وتبكي: يتوجع واجد
رند: باذن لله يكون بخير
الجده" خشت وناهضه صونية فيها اعشاب مدقوقه ومخلطه بشي قربت من وليد وقعمزت وخدت ايده وبدت تحط ف الاعشاب بعدها ربطتها "
هيثم: هالاعشاب نافعه لحالته
الجده: باذن لله هالاعشاب تمتص السم "وقفت: خلوه يرتاح "طلعت"
هيثم" شاف للبنات: انتم ارتاحو وانا نقعد جنبه
بتول" بدموع: لا نبي نطمن عنه
رند: بتول هيثم معاه واكيد هو بيطمنا عنه
هيثم : اذا صار شي طول نكلمكم
بتول" طلعت بسرعه"
رند: الف سلامه عليه "لفت وطلعت وهي تمشي بشوي بشوي بسبب رجلها "
: رند
رند" لفت لصوت"
هيثم" قرب منها : اا كيف صحتك
رند: تمام بخير
هيثم: ورجلك
رند: الحمد لله احسن
هيثم: اهتمي بصحتك كويس
رند: حاضر "لفت"
هيثم: رند
رند" لفتله"
هيثم" ارتبك: اا ولا شي "مشى"
رند" قعدت تشوفله لين خش لغرفه وليد لفت ومشت"
هيثم" قعمز جنب وليد وحاس قلبه يدق بقوة: شن يلي يصير معاي لما نشوف لعيونها نضييييع ياترى هذا حب ع قولت وليد !انا نحبها؟ نحب رند؟؟ او مجرد شعور عابر .. وهي ياترى تحبني او لا !!
*******
صباحااا
طق الباب فتح عيونه بتعب وشاف لوليد وقاس حرارته تنهد براحه انها انخفضت ع امس وقف واتجه للباب وفتحه"
بتول" بربكه: صباح الخير
هيثم: صباح النور
بتول" شافت لوليد : اعتذر ع الازعاج بس حبيت نطمن عن
هيثم: تطمني هو بخير وصحه
بتول: يعني مافيه شي متأكد
هيثم : الليل كله وهو عنده حراره بس تو الحمد لله انخفضت
وليد" بتعب: هيثم
هيثم" خش بسرعه وخشت وراه بتول: وليد كيف صحتك ؟
بتول: ولييد
وليد" فتح عيونه وشافلها"
بتول" مسحت دمعتها: الحمد لله ع سلامتك
وليد" ابتسم: لله يسلمك
هيثم: كيف حاس تو
وليد" سند نفسه ع السرير : الحمد لله
