رند" لبست بلوزه زرقه طويله لعند الركبه وسروال اسود ولفت حجابها الاسود وخدت حقيبتها وطلعت تلاقت هي وهيثم فوق شافتله بربع عين ونزلت"
هيثم" عصب من حركتها ونزل "
الجده" شافت رند نازله: تو بتطلعي يابنتي
رند: اي ياجدتي تو بنطلع
الجده: ديري بالك الغابه خطيره
هيثم: هذه ياروها الحيوانات المفترسه يهجو ههه
رند" شافتله بغيض: يلي سلام ياجدتي "مشت"
الجده: الحقها ياولدي شن بتخليها بروحها
هيثم: سلام "طلع شافها ماشيه "بصوت عالي: هييي تعالي وين مسقده بروحك
رند" وهي تمشي: بالك تبيني نمشي معاك يلا كل حد ف طريق
هيثم" بغيض: تو يبانلها هالمجنونه ماشيه بتشد افاعي بدون العده عليك غروور "لحقها بدون ماتحس بيه"
رند" ماشيه وزاقتلها: مغرووور ونكدي هالانسااان اووف منه
هيثم" يشوف فيها كيف ماشيه ورافعه راسها ضحك: ولله كيخ عليها ع اساس بدور ع الافاعي وهي راسها فوق "خطرت ف باله انه يخليها تخاف بدا يحذف ف رشاد ف جيهات متفرقه "
رند" سمعت صوت وقفت تشوف كل مرة يجي من مكان خاافت : من من هنا
هيثم" بدا يدير ف اصوات كل مرة صوت"
رند" خافت وماقدرت تتحرك ماخطر ف بالها الا تناديه: هيييثممم
هيثم" انصدم منها علاش تناديه هو بالذات "
رند" قعمزت تبكي: ياربي شن هالغباء يلي عندي غابه وبروحي وهذاك ماصدق خلاني بروحي هيييثمممم يازفت تعااال
هيثم" بدون اراده منه مشى بسرعه باتجاهها "
رند" وقفت لما حست بخطوات فرحت لما شافاته بدموع: هيثم
هيثم" لاول مرة يحس ان اسمه ليه رنه غريبه بس حاول يكون بارد : خيرك تنادي شن تبي قابضه الدنيا عليا
رند" مسحت دموعها ونزلت عيونها: بس بس
هيثم: هههه خفتي هههه وين شجاعتك راحت
رند" حست بألم من اهاناته ولفت عنه "
هيثم: تعالي الحقيني يالخوافه بس خلي مسافه بينا مانبي نحتك بيك "مشى وحس انها مالحقاته لقاها واقفه : هي تهالي الحقيني شن انطرشتي "شافها ماشيه ومكمله طريقها لحقها: هييي نكلم فيك انت تعااالي جاااي " وقف قدامها وانصدم من دموعها : شن يبكي فيك
رند" نزلت عيونها"
هيثم: اووووف خير بلاك فوق عللك بكاية تاني .. كيف عيالك متحملينك
رند" دفاته ومشت تجري "
هيثم" خاف عليها اضيع لحقها : هييي انت يابنت وقفي وقفيييي
رند" تجري وتبكي ماتبي توقف"
....
وليد" مقعمز تحت ف صاله الفندق ويحضر ف فلم رعب"
بتول: صاحبك مشى
وليد" شافلها: اي وصاحبتك مشت؟
بتول: اي مشت "لفت لتلفزيون: فلم ؟
وليد: اي
بتول: نوعه؟
وليد: رعب اكيد ماتحبي الرعب
بتول" قعمزت تضحك: ههه صح دلاله بس افلام الرعب عشقي
وليد: هههه كيف يصير هكا
بتول: هههه مش عاااارفه
وليد: ههه خلاص احضري بس كان خفتي ماتبليها فيا
بتول: هههه تطمن مش مقايله وليد هو يلي حط عليه
وليد: هههه تم اتفقنا
....
هيثم " شاف لسماء يلي بدت تغيم بصوت عالي : وقفيييي بلا عنااااد فرخااات الجو غيم بتصب المطر وقفييي " وقف بعصبيه: ولله تريحي ف هالغابه تعااالي احسنلك راه بنولي بروحي للفندق
رند" تمشي وماوقفت ولا دموعها وقفوا"
هيثم" شاف السماء تمطر والجو انقلب بسرعه: هييي تعااالي مرات تصير عاصفه "تمشي وماعبراته عصب منها : تو نوريك " مشى بسرعه باتجاهها"
رند" سمعت خطواته وبدت تجري"
هيثم" بعصبيه: وقفيييي احسنلك وقفييي " وقف مصدوووووووووووووم وجرى بسرعه : رنـــد رنــــــد
.....
الجده" جتهم: وين اصحابكم
وليد: برى قعدين
الجده: الجو تغير واحتمال تصير عاصفه
بتول" وقفت بخوف: عاصفه؟، حيي رند لابسه خفيف
وليد" وقف وشد نقاله: تو نتصل بهيثم نقلهم يرجعو "يجرب يتصل يلقى فيه خارج التغطيه: اوف خارج التغطية
بتول" بخوف: ربي يستر
وليد: نطلع اناديهم
الجده: تو يلقوه مطر يولو خليك
وليد: ربي يحميهم من كل شر
بتول: امييين
يتبع......
