............
......
رند " ركبت ف السيارة "
هيثم: وين حوشكم
رند: لف ع اليمين
هيثم" حرك السيارة ومافي صوت نهائيا الا صوت الاداعه يلي فاتحها ف السيارة لفلها وباين الضيق ع وجها : نكمل طريقي القدام
رند: بعد يجي تقاطع طريق لف ع اليسار " قعدت ساكته لين شافت حوشهم : وقف هنا
هيثم" وقف ع جنب الطريق: وينه حوشكم
رند: مش بعيد تو نكمل مشي
هيثم: خليني نوصلك لعند الباب
رند: مافي داعي شكر " خدت شنطتها وفتخت الباب ونزلت وشافتله: شكرا ع كل شي
هيثم: ماساويت شي ديري بالك ع صحتك
رند: وانت اهتم بنفسك سلام " مشت"
هيثم" قعد واقف يشوفلها لين دخلت لحوش قرب من الخوش وشافله كان صغير وباين انه قديم حرك السيارة ومشى"
......
مرت الايام سريعه وكانوا الاربعه يشتغلوا يوميا مع بعض بعد انتهاء محاضراتهم ف مختبر خاص .. كانوا ياخدو ف سم الافاعي يلي احضروهم ويديرو عليهم فحوصات وتحاليل وكله يدونوه كتابي وكذالك بالصور .. ويحاولو يطلعوا مضاد لسم .. كان وقتهم بين جد ومزح وضحك كانوا الاربعه كأنهم روح وحده .. يشتغلوا بيد واحده وهدفهم النجاح وبامتياز ..
وليد" كل يوم ويوم يقرب من بتول ويحاول يخليها تتقرب منه .. يحس ان مشاعره اتجاهها مشاعر حب حقيقيه وليس مجرد نزوه .. اما بتول كانت تحس باهتمام وليد وتحس انه فعلا يحبها وهالاهتمام يحسسها بمشاعر دافئه ف قلبها تحسها مع وليد وبس كانت تحكي لرند ع احساسها ...
اما رند ماكانت تحس باهتمام من هيثم مع انه خوفه عليها كل مايصير لها شي او تتعب واااضح فيه مشاعر قوية .. بس كان تعامله ف الغالب هو الغضب والعصبيه .. تحس انها محتاجه مشاعر ك مشاعر وليد لبتول كانت محتاجه المشاعر من شخص واحد ويلي هو هيثم بس هيثم مش واضح عليه اي مشاعر .. قررت تخفي مشاعرها الوليده وتدفنها داخل صدرها ..
اما هيثم كان يحس بتناقض ف مشاعره ساعه يحب وساعه يحس احساسه مجرد احساس عابر مايبي يورط نفسه ويورط رند فيه..
سلموا مشارعيهم خلال المده المحدده لاستلامها وهما يدعوا ينجحو ف هالمشروع الصعب
جا وقت النتائج وهما ايديهم ع قلوبهم خايفين من الفشل بعد هالتعب ..
وقف الاستاذ سعد مع الاستاذ محمد ومعهم النتائج وكل القلبه خايفين من النتيجه
بتول: ياجماعه اعصاااب معده خلاااص
وليد: لا تخافي باذن لله ننجحوا
رند " سانده نفسها ع عكازها يلي مازال مرافقها: مش قااادرة نوقف
هيثم" خدا كرسي من جنبه ومدهولها: ارتاحي
رند: شكرا " خدت الكرسي وقعمزت عليه"
د سعد: هدوووء تو اعلان النتائج ويلي ماينذكر اسمه راسب ف المشروع
د محمد: طبعا بنسمي النتائج عشوائيا بعدها التراتيب الاولى
بدا يسمي ف اسماء الناجحين ف المشروع
بتول: قلبي ياجماعه
وليد" جنبها بهمس: سلامتك ياقلبي
بتول" لفت لوليد بصدمه"
وليد" انتبه انها سمعاته قعد يشوفلها"
بتول" بعدت عيونها عنه وتحس دقاتها ترتفع"
د سعد: هدم الطلبه الناجحين
رند" بصدمه: ما ذكر اسماءنا
بتول" قعمزت :لاااا مستحيل
د محمد" بعصبيه: هدووووء لو سمحتووو
د سعد: تو التراتيب الخمسه الاولى
وليد: ادعوا نكونو منهم
د سعد : الترتيب الخامس.....
الترتيب الرابع ......
د محمد: تو بنسمي الترتيب الثاني والاول
الترتيب التاني لطالبات مريم و رزان ونهى و غفران
الترتيب الاول
بتول: يارب يارب
د محمد: الترتيب الاول سميره و اسماء و
بتول" بدت تبكي: ساقطييين
وليد" حط ايده ع كتفها: لله غالب درنا جهدنا كله
هيثم" شاف لرند لقاها منزله راسها : رند
رند" شافتله"
هيثم "ابتسم وقبل مايتكلم تكلم الدكتور"
د سعد: الترتيب الثالث الطلاب وليد وهيثم ورند وبتول درجاتكم تستلموها من رئيس القسم "طلع هو و د محمد"
بتول" بفرح: نجحنا يعني
رند" بزعل: كل هالتغب ونحصلو الثالث
هيثم: واضح لعبه من د محمد مشروعنا اصغب مشروع وتحصلنا ع الثالث
وليد" بهزوه: مدام معانا بنات به يلي ماسقطنا
رند" وقفت : المهم نجحنا ف الاخير
وليد" ابتسم: وكسبنا معرفه بعض "شاف لبتول"
بتول" ابتسمت بخجل: هيا رند تعبتي اليوم
رند: اي تعبت
هيثم: سلامتك من التعب
رند: لله يسلمك
وليد: بنات راكم تنسو نهاية الاسبوع الجاي
بتول: شن فيه نهاية الاسبوع الجاي
وليد" ابتسم: حفل تخرجنا
رند: يعني خلاص بتتخرجو ونقعدو فيها احنا
هيثم: اذا قصدك معش بتشوفينا تطمني كل يوم نديرولكم زيارة هنا
رند" بخجل: يشرفنا هالشي
وليد: ويشرفنا تحضرو مشروع تخرجنا لانكم سبب نجاحنا فيه
بتول: عقبال نجاح التخرج
وليد: لاا عاد هذاك حفله بروحها
هيثم: وف الفندق مع الجده
الكل : هههههه
.... يتبع
