ف اليوم السبت
بتول" بعصبيه: اسكتي وانت تتأففي من لما تلاقينا
رند: اوووف خايفه من هالمشروع الزفت يلي قرروهولنا تو بالله احنا سنه اولى شن دخلنا ف سنه رابعه ومشاريعهم يالله نقرو موادنا لين يزيدونا ماده اخرى
بتول: هذا قرار العميد الجدييد
رند: قرارات دايما ف غير صالحنا
بتول: اسرعي عن يخشو قبلنا
رند" تأففت: اوووف
بتول: معش تتأففي
رند" وقفت: ياعليك صباح احرف
بتول" شافت وشدت ضحكتها"
هيثم "قرب منهم هو ووليد: ع راسك احرف
رند" بغيض: و ع راسك انت
وليد: ههه صباح الخير
بتول: صباح النور
وليد" شاف لساعه: باين متأخرين اليوم
هيثم: مرات قعدو يفتحو ف كل القاعات هههههه
رند" بغيض: هيا عطلنا "مشت بغيض ولحقتها بتول"
وليد: انت خيرك
هيثم: هههه ماخيرني شيء هيا "مشى ولحقه وليد وخشوا للقاعه لقو فيها د سعد معاه د محمد بهمس: وووك هذا شن جابه
وليد" ضربه باش يسكت"
د محمد " بعصبيه: وين كنت تسوح انت واياه
هيثم" بغيض: ماكنا نسوحو كانا عند العميد
د محمد: وشن عندكم عند العميد
هيثم: امر خاص
د محمد: حلوو ولله خااص صار
د سعد" تدارك النقاش: تفضلو قعمزو
مشو قعمزو
وليد" بهمس: كم مرة نبهتك معش تتكلم معاه بهذا الاسلوب
هيثم" بغيض: هو يستفز فينا
د محمد" بعصبيه: هيثم ووليد حرف زايد راسبين ف المشروع
د سعد: احنا قسمنا المجموعات كل 4 ف مجموعه طبعا بيقعدو 5 طلاب من سنه اولى وهدم ليهم مشروع خاص بيهم وبنستثنوا الغياب اليوم وهما 4 والشخص الاخير يلي بيقعد هو بيكون معاهم
رند: يارب انا
بتول: ههه تو تشوفي لما يكون اسمك من اول الاسماء المختاره
د محمد: تو كنا نقسمو ف الاسماء وطبعاا ف 4 طلاب جو متأخرين " وهو يشوف لهيثم ووليد : لذالك اخترناهم مع بعض
رند" بصدمه: كانه يقصدنا
بتول" ميته بالضحك: هههه ومع هيثم ووليد ثاني
رند" اتكت ع الكرسي بيأس: رحنا فيها
هيثم: وعلاش اخترت معانا البنتين يلي خشو قبلنا
