هيثم " يجرى لما اختفت من قدامه: رند رندددد " وقف مصدووووم وهو يشوف ف الجرف الموجود خاااف لما مالقاهاش يعني طاحت من الجرف كان غارق شوي وفيه امية قرر ينزل ويشوفها .. نزل تحت وغطس ف المية وبدا يدور عليها بعيونه شافها شاده ف حجر كبير قرب منها وهو يحاول مايزلف وخصوصا ان المية امية مطر مش نهر وصل لعندها : رند
رند"فتحت عيونها بتعب"
هيثم" بخوف عليها: انت بخير
رند" هزت راسها بنعم: بس رجلي
هيثم" بخوف: خيرها
رند: مش عارفه طحت عليها وجت ع حجر كبير اكيد انكسرت
هيثم" مد ايده: تعالي نساعدك لازم نطلعو من هنا قبل ماتقوى المطر
رند" بعدت عيونها عنه"
هيثم: رند مش وقت عنادك هيا "مد ايده: شدي ف ايدي نمشو مع تيار الجرف لين نصلو للحجر الكبير ونرقو فوقه
رند" ترددت شوي بعدها مدت ايدها وشدت ف ايده"
هيثم"حس باحساس غرريييب لما شد ايدها وتجاهله مشى يعوم وهو شاد ايدها لين وصلو للحجر الكبير : انت ارقي وانا بعدك " ساعدها ترقى ف الجحر"
رند" رقت ومدت ايدها ليه : هات ايدك نساعدك
هيثم" مد ايده وساعداته لين رقى وبعدهو عن الجرف وهو شادها لانها مش قادرة تتحرك برجلها قعمزت ترتاح : رند مش وقت الراحه نصلو للفندق وارتاحي
رند" ببكاء: ولله رجلي تعباااانه منها
هيثم " مد ايده: نساعدك لين تصلي المطر قوية والتغطية مافيش اصلا حتى لو فيه بعد غطسنا ف الميا معش نقدرو نستخدمو جوالاتنا هيا رند تحملي
رند" مدت ايدها وشدت ف ايده"
هيثم" خدا عود غليظ وعطاهولها : يساعدك ف المشي اذا تعبتي شدي ف كتفي
رند" هزت راسها بنعم وتحركو يحاولو يسرعو قبل ماتقوى المطر"
....
بتول" وهي تشوف من الروشن : ولله عطلو والمطر قوية
وليد: مانقدرش نلحقهم مانعرفش وين مشو
الجده: اذا عطلو نتصلو بالانقاذ تجي ادور عليهم
بتول" شافت للجده: متأكده مافي حيوانات مفترسه ف الغابه نخاف يجيهم شي
الجده: عايشه فوق 60 سنه هنا والحيوانات اختفت من اكثر من 15 سنه لا تخافي
وليد: لله يرجعهم سالمين ف اقرب وقت
بتول: ياااارب
....
هيثم" شاف لرند يلي ترعش : تره شوي "بعد ايدها من ع ايده وسلب كبوطه عطاهولها : البسيه
رند: لا خليه عندك
هيثم" قرب منها ولبسهولها غصب وشد ايدها: لازم نسرعوا
رند: تعرف وين الفندق بالزبط
هيثم: انت تعرفي؟
رند: لا
هيثم: وكيف تمشي بدون ماتعرفي وين الاتجاهات
رند" سكتت"
هيثم: انا اسف كان ضايقتك بس عنادك عصبني
رند" ساكته"
هيثم" فضل يسكت ويسرع لين يصلو للفندق بسرعه"
....
وليد" شاف لساعه وشاف البرى : عطلووو وبظلم الدنيا لازم ندورهم "خدا كبوطه وجا طالع"
الجده: خلي نتصلو بالانقاذ خير
وليد: مايصلو لين يموتو اصحابنا ف هالعاصفه " فتح الباب وانصدم : هيثم
هيثم " بتعب: ساعدني رند رجلها " شاف لرند يلي مستنده ع الباب وطاحت خاف عليها: رنددد
بتول" دفت وليد بخوف: رننندددد
الجده" بخوف: ساعدوها ودخلوها
هيثم" نهضها ودخلها داخل ورقاها لغرفتها وحطها ع السرير"
بتول" تبكي: خيرهااا شن صارلها
هيثم" يتنهد بتعب: اكيد رجلها مكسورة طول الطريق تتألم وترجع
وليد: كيف نديرولها تو
الجده: ف دكتور نعرفه قريب من هنا تو اناديه " نادت الجده الدكتور وفحص رند بعد ماغيرتلها بتول ملابسها المبلوله وقلهم ان عندها كسر ف رجليا ولازم ترتاح اقل شي شهرين "
بتول: الحمد لله ع سلامتك
رند: لله يسلمك
وليد: الف سلامه عليك
رند: لله يسلمك
الجده: ماتشوفي شر يابنتي
رند: لله يسلمك ياجدتي
هيثم " بتردد: سلامتك رند
رند: لله يسلمك وشكرا ليك
هيثم: مافيش داعي لشكر "طلع وطلع وراه وليد ولحقه لغرفته"
وليد: شن صار احكيلي
هيثم" قعمز ع السرير: خفت
وليد: خفت؟؟ انت تخاف؟؟
هيثم: عليها خفت عليها تصور هيثم يخاف وع بنت
وليد" قعمز جنبه: عادي تصير ف نفس موقفك اكيد بتخاف عليها
هيثم" نزل راسه : احساس غريب كان وهي قريبه مني
وليد" بصدمه: احساس حب ؟
هيثم" رفع راسه بصدمه: حب!!!
يتبع....
