كمرايتي...
الجزء التاسع عشر ....
للكاتبة الياسمين....
ماراح من بالي وجهه وآثار الضرب
اشبع قهر من اتصور شكلهه
ليش هيج تسوون بيهه يلماتخافون الله
شنو انتم عيب يتسماكم اهل
وصلنه للمستشفى
نزلت ركض...
نزلوهه من سيارة الاسعاف ..
دخلوهه جوا
ليش قمر ليش
ولج تردين تموتين روحج مافكرتي بيه
بعدج شيصير بحالي والله اموت
اسولف وي نفسي وامسح بدموعي
اخوهه الجبير موجود وابوهه
وهذا الحقير الزغير ما اجة
لو موجود
ماراح يبقه عايش
بس اريد اكضه انا اعلمه
والله لأشرب من دمة
بقيت برا مااردت اطب ماكدرت خاف بيهه شي
كلي احمد انته ابقى هنا كاعد انا راح اشوف واجيك
عشر دقايق لا اكثر
بس شفت بيهه الموت
اجاي انتضر خبرها
يجوز يكولي البقيه بحياتك
يعني لحضات مريت بيهه ماتنوصف ابد
اقسة انواع العذاب
فعلآ جنت اتعذب بس افتر
اجه احمد
ركضت صوبا
ها بيهه شي موو
هاي شبيك مفاول على البنية
لا بس عسريع فوتوهه يسوولهه غسيل معده بالعه حبوب هواي
ورجع دخل حاول يقنعني افوت
وبلفعل دخلت ...
بس بقيت جوا ..
ماردت اسوي مشكلة
بقيت نص ساعه ومكدرت شيريد يصير خل يصير
صعدت شافوني بس محجو شي
وابوهه بس يبجي
طلع الدكتور من يمهه
رحتلهه قبلهم. ها دكتور بشر شلون صارت
هسه وضعهه احسن تعدت منطقة الخطر بس تعبانه
لانو متعرضه للضرب
منو الي ضربهه هيج
انتو اهلهه مو
جاي اسألكم جاوبو
شنو من أهل انتو البنيه زين ماماتت
حرام هذا التعذيب
احمد لازمني من ايدي ويكلي اهدء ابو سيوف مو تسويلنه مشكله خل اتعدي على خير خويه
الدكتور المهم هيه هسه صحت بس متريد تشوف احد
حالتهه النفسية كلش مضرره
لاكن اكو واحد بيكم اسمه سيف تره بس تحجي بي
اني سيف دكتور
اذا انته فوت شوف المريضه
باوعلي ابوها فوت ابني ...
انا ماعولت اشوفهه منتضر هاي اللحضه دخلت عليهه
هية مغمضه عيونهه
متحملت طاحت دموعي
حالتهه حاله
لزمت ايدهة وكمت ابوسهه
كمرايتي اني يمج مااعوفج بعد
فتحت عيونهه
وبصوت ناصي
سيف
هذا انته
وكامت تبجي
واني متحملت هم نزلت دموعي بس مخليتهه تحس
لا تبجين يابعد عيني اي هذا انا ومااعوفج بعد قربت وجهي الهه وكمت امسح بشعرها
شلون تأذين روحج هيج ليش لو صايرلج شي
مافكرتي بيه
ماكدرت سيف امير كلي ماازوجج اياه لو شمايصير
وخفت ينطوني الغيرك
وانا بعد مااتحمل يصير شي تعبت تعبت والله
اووس كافي انسي الموضوع
انتي تعبانه لتتحجين
وامير ماموجود
انا يمج بعد محد يكدر ايأذيج
وبابا ليشوفك
ابوج يدري بيه ومكال شي
انا هسة راح اعوفج
وييين رايح
خل اكمل
راح اعوفج شويه وارجعلج اهلج هم خطيه كلبهم يغلي عليج
مااريد احد
لا تعوفني
ومحمد مااعوفج
بس راح افاركج شوي وارجع
قمر
طلع سيف وطبو. اهلي يبجون امي تكسر الخاطر
بابا
بنتي شلون هان عليج تسوين بروحج هيج ولج تردين تموتين لهلدرجه
انا دايره وجهي وابجي ماباوعتله
قمر انتي بنتي الغاليه مااريد اشوفج بهيج حالة ابد
الله سلمج ولحمد لله
ربي ماقصر
تقرب الي قمر باوعيلي تقربلي وبوسني
بنيتي انتي بس صيريلي زينة وشنو تردينه يصير
مايصير خاطرج اله طيب يلى انا وراي سفر ضروري ماطول شفتج هسة احسن ولحمد لله
اكدر اسافر موو
اي بابا الحمد لله احسن
واذا على سالفه امير ترى بابا والله من خوفه عليج هوا تعباان هسه كلش وندمان
وماله عين يجي
ترى لو ما سفر اجباري مااعوفج
بأمان الله بابا لا يضل بالك عليه
انور موجود وماما
طلع بابا
يوم كافي اني زينه مو هل يمج كولشي مابيه
انور ها ولج هسه رتاحيتي
ههههه ايي
باسني من راسي حبيبتي الحمد لله على سلامتج
الله يسلمك
راح نعوفج ترتاحين هسة
مثل ماكال الدكتور
طبعآ اني بالي يم سيف
اريده
يجي
لانو الصراحه اتمناه يمي ارتاح اكثر ماتغمضلي عين
ورا نص ساعه نفتح الباب على كيف
اجه سيف فرحت ورسمت ضحكه عريضه
كلي اسف
يابعد عمري اتأخرت عليج بس شسوي اهلج كاعدين يم الباب
خو ماافوت
نتضرتهم يرحون ياكلون
واجيتج
ونته مااكلت شي
لا
ليش
مااشتهي وداعتج
ولج هوا اليشوفج حتى الجوعان يشبع
هههه شنو هلجذب
هههه
سيف
نتضرتهه لحد مانامت
ويوم ثاني اجيت المغرب نتضرت اهلهه يرحون يتعشون حتى تصيرلي فرصه اشوفهه
دخلت على كيف
حسيتهه احسن اليوم كمنه نسولف
سيف نعسانه كولش
ودايخه
كمت اصيحلج للدكتور
لالا مابيه شي
بس لا تخليني
مااخليج والله
ماطول نعسانه
يلى اذا هيج للنوم ماكو سوالف
لزمت اديه قوي
سيف
هاا
بابا قبل لا يسافر كلي خل ارجع وشنو تردينه يصير
مااكدر اوصف فرحته بهلخبر وشلون ارتاح
الحمد لله وشكر ربي
يعني واخيرآ
سيف
نعم
ليش هيج رموشك حلوات
هههه والله ماادري
من الله
حلوه هاي
هههه
هوا خال عكسه على السرير منتجي وقريب اليه
بس شنو قصدج بس رموشي حلوات يعني هذا الجمال كله ماهزج
الله الله اشتغل الغرور على كيفك توم كروز
وشنو توم كروز احلة مني
ههه ولك سيف ولك يلأملح البصراوي
وشبيهم الملاحان ماعاجبينج
لا والله يخبلون الملاحان
اموت على الاسمر اني
مم شتغلت كامت تتغزل
وين الدوخه راحت
لو
اضاهر متقاوميني
ههه فديت اليخجل انا
اي ادري بيج ماتقاوميني
هااا سيف
شنو هلكلام
استحي شوي
عابت والله شايف روحك
يلى ارد انام اطلع
مم ها هيج صار الكلام
اني رايح وكام
هاي شبيك دا اتشاقه
هههه لا وج لازم اروح هسه لا يجون اهلج وبعدين كل شوي دك امي لازم اروح...
اوكي على راحتك
سيف
نعم
لو ادري هيج يصير جان من الاول انتحرت
ههه ثول شنو هلتفكير
ترى احجي جد
والله انتي ماضال براسج عقل خبلة
....
سيف ثاني يوم هم اجيت
سألت عنهه الدكتور قبل لا افوت واشوفهه
كال حالتهه تحسنت الحمد لله بلكثير يومين ونطلعهه
رتاحيت كلش
بس مكدرت اطب لانو اخوهه وامهه وزحمه يشوفوني
دك نقالي
هلا كمرايتي
هاي وينك سيف ليش اتأخرت
انا بلمستشفى والله بس اخوج موجود وزحمه منة شيكول لا ونوب خاف تصير سالفه
ماعايزين
ابو سيوف انور راح طلع عنده شغل وحتى
وماما راح اجيبلي اغراض
لا تروح ارد اشوفك
نتضرت نص ساعه على ماطلعو ودخلت عليهه
بس اليوم احسن
وواكفه لابسة
تشيرت احمر ربع ردن وبنطرون عريض نيلي وبيه شيالات وشعرها مفتوح طويل
كاعده
هيه شافتني وكامت
ااخ على كيفج وياي انتي متخافين من الله
ياا ليش
وج تخبلين كلشي بيج حلو تقربت يمهه
هاي ليش واكفه رجعي تمددي
لا فدوه مليت والله
احجي وياها وكل شوي اصفن عليهه
وضل عيوني تكلبهه من فوك ليجوه
تخيلت نفسي اخليه بحضني وابقى اشم بخصلات شعرها ونوب ابوسهه من شفايفه وانزل
هاي شبيك سيف اصبر اصبر
كله يصير بس انتضر شوي
خليت اصابيعي على ايدهه وكمت اتلمس
كمنه نسولف ونتشاقه
شوي وطلعت
قمر ..جنت كاعده وماله كولش صح كل البنات اجوني خاصه سمر وساره والونه حبيبت قلبي
بس مليت وحدي
اختنك من جو المستشفى
كولش
على فكره هديل ماجتي ولا اتصلت حقهه ماالومهه لانو هيه من الاول حذرتني واني عفته الاخوهه
لاكن طلعت من الموت ولا اتصال
جنت اشوفهه بلكليه مجانت تحجي وياي ولا كلمة شايله بخاطرها لاكن ولا عاتبت
واني سراحنه بهديل ندك الباب هله بنيتي قمر
هاي ام سيف
بوستني الحمد لله على سلامتج يمه
الله يسلمج خاله
طبعآ امي جانت يمي
كعدت قريبه يمي وكمنه نسولف
قبل لا تطلع
كامت تسولف وي ماما
شوفي خاله بنيتج وابني نشلع قلبهم
من تطلع قموره بسلامه اجي اخطبهه
الف هلا بيكم خاله
هاي الساعه المباركه
كافي بعد هم خل نرتاح ونريحهم ويانه
اني من فرحتي بودي تكوم واكمز واركص كولش كولش فرحانه
سيف مكدر يجي كلي بعد لازم اقلل جياتي
مايصير
لو يجي بلبوكه يشوفني
ههه
كمنه نكضيهه سوالف على الفون
واذا ماما موجوده انتضرها من تنام
يوم خامس العصر طب عليه انور
شكله تعبان وخجلان مني تقرب الي وباسني من راسي
الحمد لله على سلامتج
خيتي الي صار بيج كله بسببي ماتوقعت راح تسوين بروحج شي من وراي
اني اسف غلطان والله وشبكني وكام يبجي واني هم
والله لو صاير بيج شي ماراح اسامح نفسي
الي صار صار يلى اني هسه زينه
...
وطلعت من المستشفى بيومهه من طلعت العصر
كمت ادور عليه
لكيته واكف من بعيد ويباوعلي
دزلي مسج حبيبي الحمد لله على سلامتج احبج احبج اتخربط عليج وحك علي
رتاحيلج كم يوم حتى ادز امي ومرت خالي يخطبونج الي مااتحمل فراك بعد
اني بقيت اضحك وباوعلهه
يلى قمر طبي بسياره
دخلت
من وصلنة لكيتهم مزينين البيت
كله بالونات وزينة وتلكتني خاالتي ولبنات
امير والونه
شبكت سمر وساره وسلمو عليه البقية
راحتي وفرحتي متنوصف
سمر ...وج فاتتج هواي محاضرات ودرو بيج البنات كتلهم مريضه
وكلهن يردن يجن
وحده من عدهم خطيه مسلجه كل المحاضرات الج
لا والله
اي وداعتج
العشه خطيه ماما مسويتلي دولمه وجايبين بيتزا تدري بيه احبهه
ثاني يوم الصبح كعدتني الونه عمتووو يلى كومي
اجه جدو يريد يشوفج
اول مره اكعد من النوم هيج مرتاحه واحس بأهلي زينين ويدورن راحتي
كمت غسلت ضفرت شعري صفح
ولبست بجامه مقلمه ابيض واسود وتشيرت لونه بصلي فاتح ربع ردن
اول مشافني بابا حضني شلون صارت بنوتي
الحمد لله بابا كولش زينه
بلفعل كامت اثار الضرب الي بوجهي وجسمي تروح
وامير زين ويايه صح اغلب الاوقات ميحجي وساكت لاكن مايدخل بشي ابد ...
بابا فتح الموضوع وحنه كاعدين على الطاوله نتغده
وكال الماما يمته ماتحب تتفضل ام سيف حياها
الولد ماكو منه وماراح الكه شخص أامن عليه بنتي مثله
اني ستحيت ودنكت
وكمت الم بلمواعين حتى افوتهم للمطبخ لانو صار وجهي احمر بدا يبين عليه
دخلت للمطبخ ع السريع فرحانه وكمت اكمز دخلت ساره هههه شبيج مخبله
وج واخيرآ والله خلصت روحي
كالت
اووه تعالي بحضني وحده حضنت الاخ وكمنه نطفر ونضحك ههههههه
لليل اجن البنات خطيه كلهن يتحمدلي السلامه
ومهما جابت كولشي فايتني
بقيت ليلتهه ادرس ادرس
كعدت الصبح
اريد اروح للكيلة
بدلت
وشعري برغم انو هوا ناعم لاكن احب اكسره يلوك عليه
المنفوش
رحت للكليه
خلصت كول محاضراتي وبس طلعت
شفت سيف واكف ينتضرني يمة فدوه يخبل
رجف كلبي ورحتله ركض
هلة
يمة فدوه اروح الهلوجه مشتااااقلج
وج اووف لو افتحلج قلبي وتشوفينه ودي اخطفج وما ارجعج للبيت
هههه لا تخرعني
صار بيهه خطف
كمنه نسولف وكال ترى اليوم تجي امي العصر
ممم ادري
متأخرت وياه بس وصلني لانو ماما كل شوي متصلة
للعصر
اجت ام سيف
لبست
بدلة ضيقه لونهه وردي قوي ومكسره شعري الجزء الامامي رافعته ولباقي نازل
سمر موجوده اوو شنو هلكيكه يمه لو يشوف سيف
والله يكضيج
هاي شنو ولج اتأدبي
ههه اخذتلي صور
وكالت
يلى يلى تعاي ودي العصير
وج استحي
لا لا ماكو مستحه
اخذت العصير وقدمت الهم
ولعيون عليه
طلعت عسريع لانو فعلآ خجلانه اتفقن النسوان على كلشي وكالو مستعجلين
مايتأخرون يردون يمهرون منا
ويسوون حفلة
اني كلش فرحت يارب تكمل فرحتي
بودي هسه يمهرون لانو اخاف يصير شي
شوي ودك نقالي
هاي منوو
هدييل!!
وللحكاية بقية...
