كمرايتي ...
الجزء السادس عشر ..
للكاتبة الياسمين...
بقيت وراهم حد مانزلو
بمول
نطيت فلوس للسايق ونزلت وراهم
مااكدر صعب اشوفهه تمشي وي غيري اريد اوصله حته اشرب من دمة هلحقير يريد ياخذ كمرايتي مني
وربك راح اندمك على الساعه الي قررت تخطبهه بس اصبري
واذا مو اليوم يجيك يوم اهم شي اطفي ناري بيك
دخلو جوا
جان المول مزدحم كلش
بقيت وراهم حد ما دخلو للطابق الي بي مطعم
كعدو بمكان حتى يطلبون عشة
واني رحت كعدت وراهم بحيث هية تكون مقابيلي
بس ازدحام
اني كاعد على نار وعيني عليهه مارمشت اخاف هذا الحقير يتقربلهه لو ليزمهه من ايدهه
اووف ااكل بروحي
بودي اجرها واخليهه بحضاني واطفي نار
شوكي وحسرتي وحرماني
قمر
من طلعت من بيتنه شفت سيف
و
ضل واكف بمكانه يباوعلي
عينه عليه وبحزن
متحملت رأسآ طاحت دموعي
بقيت مدنكه وارجف كولي
وبقلبي اكله ولك اخذني وياك اريدك انته
مااريد غيرك
صعدنه بسياره
كال خل نروح للمول هم نفتر وهم نتعشة
حسن فرحان بيه كولش واضح عليه الحب الي الية
ساعات اكول شنو ذنبة ميستاهل
بس مااريده مااحبه مو بيدي شسوي اتمنه يكهرهني ياريت
وصلنه للمكان الي نطلب بي اكل
كعدت مقابيل حسن بس هيج احس بروحي كارهته
مااشتهيه
واباوع على الوقت شوكت يخلص
حتى ارجع للبيت
كمت اتلفت على المكان كولش ازدحام وضجه ولمكان مليان ناس
صفنت على طاوله صايره مقابلي كاعد واحد بس داير وجهه
هذا يشبه سيف ونفس ملابسه دار وجهه عليه
اأاا عزززه هذا سيف شيسوي جاي
اكيد جاي وراي
شيريد يسوي الله يستر
وصل الأكل كمت اكلب بلشوكه
ومالي نفس ونوب سيف عينه عليه
ليش مدا تاكليت لج الاكل برد
هاا لا جاي اكول بس
وينه اكلج هذا صحنج مليان
والله مااشتهي
واني بليل مااكل هوايه
ممم ليش حتى لا سمنين
يي
وج وينج اصلآ انتي كولش ضعيفه وضعفانه هسة اكثر
اي احسن
لا لا مااريد اضعيفن اكلي
حلو اذا سمنتي
بقلبي شووف هاذ لا ونوب يريدني اسمن هوا منو الكضاتي غير خطبتك اليه
خليت ايدي على الطاوله
لا وهذا لكاها فرصه
ولزم ايدي
اني كمزت فورآ سحبت ايدي وصارت عيوني على سيف
يوومه هذا كام
عززه هسه يجي ويضربه وكل هاي الناس كاعده
شسوي ربي
ماكدرت حتريت كوللش
وخفت
حسن
نعم حبي
اني راح اغسل وين الحمامات
حبي طلعي كبل راح تشوفين ممرات ثنين وهناك تلكين الحمامات
ماخطرت بالي غير هاي الفكره حتى اتهرب من الموقف بس ابقى كاعده يمه يكضي اعرفه
كمت وطلعت امشي
ادري بي وراي وهذا الأريده
بس خل يصير بعيد عن حسن لا يسويلة سالفه
مشيت
حد ما وصلت للممرات المكان فارغ مابي ناس بس لا تيهت واكو اكثر من ممر اضاهر انا اخذت غير طريق
شوي ونجرت ايدي سيف
سيف انا شفته مسك ايدهه واحس بسجينه وتكصص بقلبي
عصبت كلش كمت اريد اوصل لهذا النذل
حتى انطي درس عمرا ماشافه
وهيه هم كامت عافت مكانهه وراحت
رحت وراها
ماكدرت لازم احاجيهه واحاسبهه شلوون تطلع وياه شلوون
ضلت تمشي تمشي واني وراها ماتحملت
بعد لهنا وكافي
جريتهه من ايدهه بقت تباوعلي واني هم مارمشت وبقيت لازم ايدهه
قمر ماضلت اي فكره براسي تلخبطت شكوله
تندمت لانو عفت مكاني لو باقية احسن على الاقل اطلب منه اطلع
سيف شجاي تسوي روح
ماكو روحه تعااي
بقيت لازم ايدهه وهيه تتوسل اعوفهه تريد ترجع
شجابك ليش جاي عوفني خلاص مارديت عليهه
دخلت بمكان فارغ مابي ابن بشر ومنعزل
قمر وين جايبني سيف
يلزم ايدج هاا
ااخ اخ وكدام عيني ولسه ساكت ...شلووون
فدوه اروحلك روح ونساني
لويش جاي وراي
اني نخطبت ولازم تشوف طريقك تحجي ولعبره متكسره بصدرهه
اوووس اوس لا تعيدنهه انا ماعندي طريق غيرج
ولج
انتي الي وبس
بقيت اتقرب صوبه واحجي بصوت ناصي ماادري شجارلي من اباوع لعيونهه انسه روحي وترخا اعصابي
قمر ...جان بعيد عني شوي ومعصب ويحجي و شوي وكام يتقرب ناحيتي
اني ابتعد وهوا يتقرب
سيف لزمتهه من خصرها وجريتهه الحضني شبكتهه هيج ونسيت الدنيه وهمومها واهلي وكل طوايفي مشتااااااقلهه
جسمي كله خدر بقيت اشم بشعرها واخذ نفس طويل
قمر تقربلي وحضني شكد مشتاقتله لثواني بقيت بحضنه لان جان شابكني قووي
مكدرت اتحرك
بقيت ادفع بيه
سيف شجاي تسوي
بعد عني
شنو هلحركات
عوفني اني هسه مرتبطه
اتركني
بتعد عني شويه بس كوه فاتح عيونه
كمرتي مااكدر اعوفج مو بيدي عوفني الله عليك اذا تحبني عوفني
شنو نسيتيني جاااااوبي
وبتعد عني وكام يضرب على الحايط بأيده ليش ساكته
كولي
ركضتله سيف فدوه لا تجرح روحك
هههه هوا شبقا بيه مانجرح
انا نتهيت بلياج مابقت بيه روح
اااخ بس الله يعلم شصار بحالي
قمر يي سيف يعني واني متونسه موو
ولك اني واجهت كلشي ضرب واهاين وشما يردون اسوي وكوه عليه
لا كسرت قلبهم دموعي ولا تواسيلي
وجبر وافقت
سيف.. ولج والله مستعد احركلج الدنية بس السبب الوحيد الي خلاني اتردد خوفي عليج
خاف تتأذين خاف يضربوج اذا يدرون بيج تحبيني
هذا الي الله قاسمه النه مااريدك تنضر ويايه
فدوه شوف حياتك
اني هسه مخطوبة
ادري ادري والله ادري مو كل شوي وكلتلي تدرين من دكليلي مخطوبة تموتيني الف موته
يابه مخطوبه الله يهنيج رتااحيني خلاص انا صرت ماضي ونتهى كلشي
قمر
ياريتني أموت واخلص شسوي شبيدي اذا كلشي اسوي بلكوه شتريد تريدني اكلك احبك
اي احبك
شنو صار هذا حل لاا
سيف هذا قدرنه لازم نرضى بي
ولج قمر
مااكدر اعوفج
ولج شلون يلزم ايدج هاي الأيد مامسموح لأي شخص يلزمهه غيري
كام يطك برجله بلكاع قوي ومتعصب كلش
انتي الي جسمج وشفايفج
وكلشي بيج
كلج على بعضج الي
وج اموت اذا ممكن احد يتقربلج غيري
ورجع يتقربلي
بمجرد انو اتخيل اتأذة
وخله ايديه ثنيناتهن على الحايط بحيث ضل حابسني بين اديه
سيف
انتي الي انتي كمرايتي تخصيني بس انا
وعلت انفاسه بقيت مصدومه وتقرب لوجهي جاي اصيح بأسمه
سي...وباسني بشفايفي
هاي شنووو
بعدت عنه شجاي تسوي
لا لا غلط
نصدمت بفعلته عمرا ماتهور
وسوا هيج شي شبي تخبل
دفعته بكل قوتي
وطلعت عنه ركض
بقيت اجر نفس كوه اخ ياربي
والله خلصت روحي شلون بيه
حاولت اهدي نفسي زدت خنكه وبجي
شفت حسن من بعيد يدور بعدهه شافني واجه صوبي لج وين جنتي وكف قلبي بس ادور عليج
شبيج مخطوف لونج
هاا يي تيهت وماندليت خفت كلش كام يضحك شبيج خفتي قابل اخليج وروح
فدوه خل نرجع للبيت
يي ليش بعد وقت
لا بس ختنكت ..
بعد وقت الساعه ب9
مااكدر عفيه اريد اجر نفس راح موت
شصايرلج
يلى اوك براحتج ....
واني راجعه فدوه وكف السياره شبيج قمر يوجعج شي اخذج للمستشفى
لااا بس
مدا اكدر اتنفس بس خل انزل اتنفس هوا
بلفعل طبك السياره ونزلنه بقا واكف وعلى وجهه ملامح التسائلات شبيهه؟؟
بقيت كاعده حد مارتاحيت وهوا ساكت محجة ولا كلمة ....
حد ماكتله يلى رتاحيت هسة
دخلنه للسياره
سيف مدري شصارلي تقربت على شفايفه وبستهه ونسيت روحي
دفعتي وراحت
ابو سيوف عفااا شسويت
هاي مو حركاتك ابد
ماجنت واعي على نفسي ابد
ومن صحصحت ادركت الغلط الي اني سويته
طلعت دورت رحت المكان الي كعدنه بيه
ماكو احد
قمر
بقى الطريق ساكت ومعصب
كلي شبيج ؟
مابيه شي
تره كافي تضمين علي احجي هوا اني من يوم المهرت عليج وماحسيتج فرحانه
وكف السياره
يلى هاي انا وكفت احجي
لا تسكتين
حسن انا اسفه هواي على الي راح اكوله بس افهمني
شنو راح تكولين اسمعج
الصراحه انيي ماوافقت على خطوبتي منك بس ضغطو عليه اهلي وجبروني
شنووو !!
مثل ماسمعت
دارلي وليش جبروج
أمير الى تأثير قوي على بابا هوا الي قنعا بسبب صداقتكم
لا لا مااكدر اصدك
يعني انتي ماترديني
دنكت من كلي هيج ستحيت وطاحت دموعي
ليش قمر اني شبيه لويش معاجبج
اني احبج وشاريج بس كليلي السبب ليش
اكو احد بحياتج
لاا
لعد شنو شبيج ليش ماترديني
باوعيلي رفعي راسج
للمره الثانيه اكو احد بحياتج
جاوبي
اي حسن اكو وخطبني واهلي مقبلو على مودك
هذا عصب ونزل من السياره
نزل كولش حامي وكام يضرب على السياره
اني خفت كلش
عشر دقايق ودخل جوا
شوفي يابنت الناس صح انا رايدج بس ماطول انتي بالج مو ويايه فماكو داعي نكبر السالفه
اذا هيج مااريد اي ارتباط يجمعنه
شنوو راح يصير
لا تخافين
اكيد راح تكول الاهلي وراح انضرب ويمكن يموتوني
لا لا اني راح اكلهم مااكو نصيب وافض السالفه مااكبر الموضوع متوقعته راح يحاجيني بهلهدوء
حرك السياره وصلنه للبيت
مافك حلكه بكلمه
نزلت وطلع علسريع
وللحكايه بقية ....
