كمرايتي...
الجزء الخامس..
للكاتبة الياسمين.
سلمت على البنية
وطبت
..
بقيت واكف باب بيتنه
شنو اسوي وياها
احسهه احتوتني
صارت جزء من تفكيري
افكر بيهه واني مااعرفهه
مامتعرف عليهه
بس نضرات
ومن احجي وياها تتهرب مني
عجبني هذا الشي الي بيهه
لانو ماموجوده هلصفة عند بنات
هلوكت
اتمسكت بيهه اكثر من قبل وبقيت مصر
انو احاول وياها
....
.....
............
دك الفون
الو هله هدوله
هلو بيج .
هاي صوتهه مو طبيعي
شبيج...
تعاركنة
ليش...
انتي موجوده بلبيت هسة
اي....
جايتج...
اجتلي وكامت تحجي وتبجي
اني احسه مايحبهه وجاي يتلاعب
بمشاعرها.
مااكدر اكلهه بهذا الشي
لانو هية كلش حساسة حتى لا تزعل ...
المهم حسيتهه رتاحت
كالت يلى رايحه
طلعت وراها
شفته
واكف بابهم
ويباوعلي
فتت وسديت الباب
اذكرت من حجه وياي
مااعرف شريد
اني
دايخه ومتخوفه
اخاف امر بهيج تجربه
بلله اخواني لزموني وياه
غير يكطعوني
خليني هيج احسن
بقت الافكار تجيبني وتوديني
خابرت السمر
كتلهه اريد احجي وياج
ماتكدرين تجين
اجتي للبيت
ولج جبتيني بهلمطر شعندج
سمر
اكو موضوع كلش شاغل بالي
هاا
كولي شنو صاير احجي
كمت اسولفهه على المواقف الي صرات ويايه كلهه
سمر
لااااا
حلفي
وج هذا متخبل عليج
ههه
حزري منو هذا..
ليش انا اعرفا
بلي
منووو
هذا قرايب احمد اسمه سيف
هاااي شنو
حلفي
والله
شنو هلمفاجئات
هم زين اجيت
لج هذا والله ولد خلوق وحباب ووحلووو
تعالي
تعالي
لا دخليني بدروبج
ترى واضح اعجابج بي
اي
عجبني مااخفيج
لعد شنو الي مخوفج
واذا تخابرتو
وج سمر
لج بابا صعبه
اذا يلزموني اخواني اخابره
غير يسووني وصل
شكد خوافه
لا تفكرين بهيج شي
الي يريد شي يعوف شي
واخذي حتياطاتج
ماادري
المهم سدي الموضوع كافي
...
ماقبلت ضل كالت مااكدر
عندي دارسه
طلعت الصبح للدوام ...
ييي هم زين وكف المطر
بس مغيمة كلش
ولشارع فاضي
وابو الخط اتصل كال مااجي
يعني لازم ادبر وضعي
بقيت اتمشه
لاحضت اكو شخص وراي يمشي ويذب علي حجي الوان واشكال
درت عليه
هذا شكلهه غريب
خفت منه
سرعت خطواتي
وهوا هم
ويحاجيني
يكلي امشي وياي
اوكفي
ضل يمشي وراي سريع
كمت اتناكث من الخوف
وانا امشي دكتهه مطره
كلش قوية
لا اكدر وارجع
اخاف
وصلت للشارع
وماكو ناس قليل
شفت سياره صافه
ركضت صوبهه
كمت ادك علجامه
وخوف ماخذني
فتح الجامه
هذااا سيف
فتحت الباب وطبيت
مبين على وجهه الاستغراب
شبيج شصايرلج احجي
اني مااكدر اجر نفس
شعري
ملابسي كلي ناكعه ماي
درت مالكيته
رتاحيت
كتله اني اسفه
عطلتك
وكفتي قلبي شصاير وياج
اكو شخص يمشي وراي
خفت منه كلش
شنو
منو هذا ..
انا شدراني ..
وكف السياره
وبعدهه كال
لاا
خل ارجعلهه انا اعلمه
شنو من اخلاق عندهه هذا مايسحتي
فدوه لا ترجع
راح اموت من الخوف
اسم الله على قلبج
فديت اليخافون انا
خليني ارجعلهه والله اسوي الج وصل
يروحلج فدوه هذا النذل
بقى صافن علي
مارمش
كتله
ونته شبيك هيج تباوعلي
ونتبه للسانك
لا تحجي هيج ويايه
ترى انزل
شنو هلتهديات هاي
كل ماتصعدين وياي بسياره
هيج تحجين
وج انا من الصبح منتضرج
ليش....
غير ارد اشوفج
مدري ادعي علولد
مدري
اروح اتشكر منه
بفضله
صعدتي بسيارتي
وشفت هلوجه
وكام يضحك
.....
....
بقت ساكته
تاخذ كلينكس
وتنشف بروحهه
اني اباوع عليهه
وعلى شعرها المبلول
حلوه
ويمكن صارت احلة وهية مبلله
خجولة وجذابه
كلشي الله حاط بيهة
احب خجلهه
يعجبني
حلوه البنية الثكيلة
خليتهه على راحتهه
ماحبيت ازيد عليهه بلحجي
كافي صعدت بسيارتي
وكافي انا اوصلهه الدوامهه
وصلتهه
نزلت دنكت علجامه
شكرآ
مواقفك هوايه وياي
بتسمتلهه
يدلل الحلوو..
ضحكت وراحت..
وللحكاية بقية ....
