#كمرايتي...
للكاتبة الياسمين
...
يوم ثالث اجتي ماما
يلى بنتي راح اردلهم خبر
ابوج وخوانج موافقين واصلآ
حسن صديق اموري وفرح حيل من سمع بلخطبة
خفت كلش اشو هاي صارت صدك
راح اتردلهم خبر
بس اني مااريده
نتبهت الروحي وج شنو جاي
تسوين بروحج
رجعت كلت لا هيج افضل حتى انسى
رجعت اتصالاته تكثر
بس ماارد واغلب الأحيان اغلق الفون
خلاص انتهى كلشي بيا عين يتصل
وسمر تخابرلي وماارد
مااريد اي شي من طرفا اريد ارتاح
وهسه سمر سمعت اكيد بلخطبة وتريد تسولف..
اجتي هديل.فرحااانه طايره
وج قمور راح تصيرين مرت اخوي
وج هذا حسن راح يتخبل ويريد يحجي وياج
طبعآ اني حاولت انو اخفي حزني وابين طبيعية
كتلهه
عود من التصير الخطبة رسمية ويمهر ذيج الساعه يتصل
هديل..
. قمر انتي ماتهتمين السيف مو
رديت عليهه بكل ثقة
اي لويش اهتملة
ماهوا باعني وراح شاف غيري
هديل ..
شوفي قمر اخوي يحبج وميت عليج رجائآ لا تأذينه
كمتلهه لج بابا شبيج كتلج مااهتملة
سدي هذا الموضوع وبعد مااريده يفتح
رجعت الضحكه الوجهه ورتاحت
بعد ماسولفت
كالت يلى باجر نتشاوف بلجامعه
باي
كتمت عبرتي كبالهه ومابجيت
هيه طلعت منا
واني قفلت الباب وكعدت ابجي كتلت روحي
طلعت صورتهه بنقالي ماكدرت امسحهه شسوي احبه
ولك سيف شلون تسوي بية هيج وينه الجان يكول الزلم مو كلهم سوه
شنو فرقك عن الي ضحك على صديقتي وضيعهه
ولك سيف وينه الي جان يكول
انتي كمرايتي
الي وبس ومتصيرين الغيري
وين جان حبك واهتمامك وغيرتك
وينه الجان ينتضرني بلشارع وبلبرد بس على مود نضره مني
معقوووولة
هذا كله جذب
ماجاي اصدك ولا استوعب
واني جاي ابجي وتعاتب ندك الباب قوي كللش كمزت من
مكاني منوو
مسحت دموعي
فتحت الباب ...
سمر
وج شسويتي انتي مخبلة شلون توافقين
والله ماعندج عقل ..!!
رجعت كعدت مختنكه وكلي حزن
كتلهه وحدة بوحده
اجتي وكفتني ولزمتني من ايدي قوي
وج شنو وحده ب وحده شجاي تكولين
رديت بصوت عالي
كتلهه اييي مو خطب سيف وعافني
بسهولة تركني
اني هم خل اشوف حياتي
مااريد اخلي ايدي على خدي
وابقى ابجي واتحسر
سمرر
..عزززه دكت على خدهه وج مخبله سيف ماخطب
اني..
شجاي تكولين ههه وج بأذني اسمعت امة كالت وكلهه جانت موجوده
ونتي هم كتيلي وسمعتي من عمتج
سمر .
هاي شسويتي
...ولج شمصخمة
اجه سيف وفتح الموضوع وي احمد
ووضحلهه القصه كلهه
وهسة فضت
وماكو اي خطوبة
ليش هيج
شبيج ستعجلتي ضيعتي عمرج
هسة رتاحيتي؟؟
ذبيت روحي بلكاع لا لا كولي غيرها
سمر ...
..شسويتي وج سيف كتل روحهه على مودج
ونتي بسبب غضبج
وحتى مانطيتي فرصه وماسمعتي ولا عرفتي شصار رأسآ واافقتي ..
ليش تهورتي
.
شكول عليج ..والله لو يدري هسة يتخبل
...
ابجي ولكلمات تتكسر من ورا عبرتي
لويش
ماتصل من الاول وفهمني سمر وج شكد انتضرته
يتصل ماكوو شترديني اسوي
حطي نفسج بمكاني ...
سمر.. وبعدين اتصل بيج شكثر ماكو ونتي ماطلعين من الباب
حتى لا شوفينهه
وهوا ضال مناطرج
وتصل عليه حتى اشوفج
شكول عليج اوووف
اني حسيت بروحي على لحضه افقد الوعي دخت كلش وكلبي يدك حييل وماااتنفس
صحت سمررر لحكيني
راح اموت ...
طفرت اسم الله شبيج ركضت جابتلي ماي شربت وغسلتلي منه
هسه شلونج
حاجيني..
اني ابجي وهية تبجي على باجيي
صلي على محمد وآل محمد كلشي واله حل قمر على كيفج وي روحج .
وج سمر شلون شكول الاهلي هسة والله يموتوني
اذا ارفض
ولج ردو للناس كلمه
سمر
الله كريم انشاء الله تنحل اني وياج مااعوفج
بس ردي على نقالج
جاي يدك
وج هذا ابو سيوف ردي عليه ورحمي حالتهه ولله راح يموت
يلكاها من امه لو منج....
سيف....جانت تمر علية ايام
ماانحسد عليهه محتار بدنياي
امي الي قافلة على الموضوع
واحمد الي استحي اباوع الوجهه
شيكول عليه
هذا شلون يخطب اختي
وهوا هاويلة وحده ...
كمت اطب للبيت حتى مااكعد يم امي هواي
بس اطمن عليهه واشوفهه اذا خذت علاجهه
لانو بهاي الفترة الضغط عدهه يتخربط
ولا اكل بلبيت طالعه روحي
ادخل الغرفتي ارتاح انام واطلع
ماارجع للبيت الا تالي اليل
اكضيهه لو وي الولد لو وحدي
هاي اذا ماجنت بشغل....
قوت علاقتي بمهند كللش
وكلي راح احجي وي ابوي حتى اتوضف بشركتهم ...
لانو يشوف شغلي شلون متعب
قمر ....اااااخ قمر
ماشفتهه ولا تصلت عليهه
اكيد راح تسمع وراح تكرهني
سمر مااضم عليهه شي ادري
المشكلة امي
كولشي يهون مامتقيد من احد ماطول احبهه مستعد الاي شي
واكدر احجي وي احمد وكنسل الموضوع
بس المشكلة امي
شلون بيهه واأصرارها
ماتشوفني
ماتدري بحالتي
شلون تضغط علية هيج
ماكدرت اتفاهم وياها
ولمشكلة انا مااتفاهم ادري بروحي افقد واعلي صوتي
واخاف يصير بيهه شي
مشتاقلهه اريد اموت حتى اسمع صوتهه لو
اشوفهه
اوووف ياربي فدوه رحتلك ارحم حالي
وطلعني من هلشده
ايي شدة
حياتي بلياها شده
ولكم هاي كمرايتي
يعني مالتي..
النفس البيه
النبض الي بقلبي
نضر عيوني
شلون اعيش بلياها
والله مااكدر
كلت خل اطلع ازور ابو الجوادين واطلب منه باب الحوائج مايردني
والله طلعت رحت زرت وندعيت وصليت المغرب
ورجعت متأخر كلش
دخلت للبيت ...
هلا يمة
وينك لسة مو خوفتني عليك يمة
لا تخافين بس مخنوك ورحت ازور
اا خوش يمة الزياره مقبولة
شبيك مخنوك؟
يمة هسة انا تعبان وراي شغل من الصبح اريد انام ...
باجر نحجي
تصبحين على خير
بستهه من راسهه
ورحت نمت
كعدتني امي الصبح
لكيتهه مسويتلي الريوك
جابت الصينية خلتهه يمي وكابلتني...
يمة على مود موضوع الخطبة
انته لسة مامقتنع...
رديت
ششوفين ...
وليدي عود شفت البنية حلوه ومعدلة وردتهه الك ...
وانا مااضم عليك
تريد الصدك
كمت امشي واحجي بلموضوع
ضوجني كلامهه بس انا متأكد هيج راح تسوي
هذا طبعها
يووم بس نفسي مو بيهه اذا اخذهه أاذيهه وااذيج وياها
مااكدر اعتبرها مثل اختي ...
انا الخاطرج سكتت ومااريد تتأذين
وانا السبب
صحتج وفرحتج عندي تسوه الدنية
وراحتج اهم من راحتي
بس مااكدر اتقبلهه كزوجه مو بيدي
شوي واشوف امي صبن دموعهه
ييي ولك ابو سيوف منو هاي العاشكهه
هههه بدت نبع الحنان
ماتجاوب ولك
يووم هاي لأحبهه مابدلهه بأي وحده
عزززه هاي شبيج جنهه مسودنتك
ههه لا يمة بس احبهه كلش
تقربت عليهه بست راسهه وايدهه
وحطيت راسي على حضنهه الدافي
يمه موبيدي كلبي ماهوايهه
كامت تكلب بشعري
يلله يمة يلله الي تريده يصير وكامت
بس عود انا هم ونزاح من قلبي
فدوه اروحلك مولاي
ماترد الي ينخاك
طرت من الفرحه
من صدك رتاحيت وكلت بعد ماانتضر مااكدر اتحمل خل اخطبهه
بيومهه شفت احمد وسولفتلهه كلشي وفهمته بس هواي نحرجت من الموقف الصراحه مفشل
شيكولون هسة
بس كلي لتهتم خلي الموضوع يمي
انا احله...
لعيون كمرايتي
كلشي اتحمل
بعدهه فاض صبري وخلصت روحي
كلي لهفة وشوك اريد اشوفهه اروك للكلية ماالكاها
اخابرها مترد
حتى للباب ماتطلع
محروم من شوفت الكمر ومن صوتهه
كمت اغلي مااتحمل بعد ليش مختفية
يجوز سمعت وزعلت
اي اكيد سمعت
بعدهه
اتصلت على سمر سلمت عليهه وكتلهه على السالفه ليش مختفيه
وطلبت منهم تشوفهه
اتصل عليهه كل شوي ماترد بقيت اتصل كلت بلكي حاجتهه سمر
كل شوي ادك حد ما
الو وبصوت مخنوك
اااخ ولج وينج مو قلبي خلص مشتاقلج والله
سيف..
روحه وعيونه
شلونج يابعد بيتي
بس احس بصوتهه مخنوك
شبيج قمر شصاير....
سيف خلاص انساني
اني نخطبت .....
وللحكاية بقية
