كمرايتي..
الجزء الثامن
للكاتبة الياسمين..
نزلت راسي بسرعة
الحمد لله ماشافني
والله لو شايفني جا رحت بيه
ههه لا تخافين انا وياج
يابعد بيتي
مايصيرلج شي
اخذج وياي يم امي
الله الله شلون سهلة عندك
هاي اذا خلوك تشوفني مره ثانيه
يكطعوني والله...
غير اقضي عليهم واحد واحد
والله
ولج انا
الألي
مااخلي احد ياخذة
زييين...
وهسة كعدي عدل
ماكو احد
لا اخاف.....
ولج شبيج
ترى اطلع بيج كبل والله
شنووو
رأسن كعدت
شكد جبانه
اي طبعآ
راح يصير دنية ليل
ليش هية سهلة
هههه لا ولج
هاي وصلنه
وجبتج من هذا الدرب حتى محد يشوفج
اها
يلى باي
تعاي تعاي
شنوو
راح اتصل بيج جاوبي
ههه اوك..
يلى باي
نتبهت
اهووو ولك هاي بيش الساعه
فتحت نقالي
مخلي صامت
لكيت مكالمات من احمد
وامي
يوو والله زحمه
صارت ضلمه واني طلعت حتى ماكتلهم...
رحت لبيت خالي
هاي وينك كمت
اتحجج
المهم خلصنه عشه ورجعنه
فتحت نقالي...
دزيتله واتساب
حتى اتأكد الفون يمهة
ردت علي
اتصلت بيهه
كمنه نسولف وعرفت عنهه هواي شغلات وهية هم
عدت سنة
قوت علاقتنه اكثر
تعلقت بيهه كلش
صارت جزء مني
كمت ماانام الا اسمع صوتهه
وسوالفهه
حياتي صارت كلهه قمر
روحي من الدنية
شغلي ماشي حاله.
كمت اضم الفلس حتى الم نفسي واكدر اتقدملهه...
لان مااكدر اتحمل بعد..
مااصور حياتي بلياها
تعرفت على خوانهه وعلاقتي بيهم حلوه
...
.......
......
دك الفون يلى قمر وينج شو مااجيتي
هلا سمور اي حبي ..
بس خل اشوف سيف..
اهووو شنو هاي انوب...
شسويلة ياعيني
مايقبل اطلع الا اكله..
يلى حبي هسه اشوفه واشوف اهلي خل يوقعون كلهم على الاوراق بعد تعرفين راح اطلع
ههه واجيج
رحت كلت الماما قبلت
بعدهه صعدت لغرفة امير
هلو اموري
هلو بيج..
فدوه وصلني لبيت خالتي منا
اووو وج انتي والله ماعندج سالفه
شسوين رايحتلهم
قمر..لا اموري فدوه الكلبك صديقتي وراح تزوج ولا زم
اووكف وياهاا....
أمير...شعدهه اشو صايره معدله
قمر ..ليش يابه شنو شايفني وبدلع
أممممور يلى
أمير.. ولج وين احطج بلدراجه
ووصلج
قمر.. اي يعني شكو بيهه واذا بلدراجه
وذكرت سيف خررب غير يموتني ههه
أمير يلى يلى روحي بدلي وعود اأجرلج تكسي شسويلج بعد
قمر..ركضت عليه بسته
يمة فديتة لضلعي .
ههه تخيلت الموقف اني راكبه
دراجه
وصورت موقف سيف
ضحكت
سيف
الهوه الي بريتي
تعلقت بيهه هواية
متخبل عليه
وين مااروح اشوفه كبالي
اطلع من بيتنه
اشوفه كاعد بابهم
ومرات
اشوفهه ينتضرني بسيارته بس حتى يشوفني
بدوامي كذلك
شحجي عنه
بس يغااااار موت علية
يركز على لبسي على طلعتي
على كلشي
واذا رحت المكان وي اهلي
الكاه مراقبتي
لو ميخليني اطلع
برغم يضوجني بهاي حركاته
بس احبه واتحملة واحب كلشي يسويه
لانو احس بدلال وياه ويحسسني كأنو ملكة
يدرايني
و يدلعني
مثل الاب ويعامل بنتهه
بس وياه احس هلشكل
بلبيت غير شكل
ماكو حياة
بابا ميهتملي ابد
واذا راد شي اصبله اكل
احضرله الحمام...
معاملته كله صياح..
الاوضاع تغيرت بلبيت امي وابويه على طول يتعاركون
ويصيح عليهه
لو يطلع وياخذلة مده يلى يرجع
ومايكول وين يروح
ولو خابرناله
يوم يكول اني يم صديقي
ويوم يكول
عندي شغل لازم اجيب البضاعه من سوريا
او تركيا
ويكضيلهه سبوع اكثر
للعلم ابوية وانور
عدهم محل ملابس
وهذا الشغل يطلب سفر
امي من النوع الي هامله نفسهه
ماتتعدل وتخلي مكياج مثل ما الرجال يريد لا
وابوية كثرت سفراته وجاي يشوف اشكال والوان
ماما
كاضيه وكتهه بس تنضف
وتلمع
ومتهتم بي
حتى لو مااكو شي
لازم تسوي تعزيلات بلبيت
لو تطلع يم خالتي لو لبيت عمي
وهيج كاضيتهه
ومطلعه قهرها بيه
وبزوجة اخوي
ساره كامت تصعد لغرفتهه
ماتنزل
بس من تريد تكضي شغلها
او تاكل لكمه
وزين تسوي اريحلهه
....
لان اجواء البيت مو حلوه ابد
كمت اشتاق الألونه....
بس اغلب الاوقات اصعد يمهه
الاعبها لو هية تنزل يمي واطع اشتريلهه
خلصت السادس الحمد لله
وهسه اني بلجامعه
مرحلة اولى
برغم من همي
واشوف اهلي وحالهم
مو مثل باقي الناس
بس من اتذكر سيف همومي كلهه تختفي
اااه ياربي شوكت تجمعني بيه
والله احبه
يارب رزقه ووفقه افتحهه يارب بوجهه
حتى يكدر يخطبني واصير حلاله
واعيش وياه بيت واحد
خابرته
فت الخط...
هله بكمرايتي..
هلا بهصوت
رديت عليه
يمة يمة
هسه ردت روحي من سمعت صوتك
ياعمري انتة..
رد علي وهوا يضحك
وج شنو هلسان..
غير تعلمت منك ياعيني
ممم عيارتج...
جنتي حارمتني من هلكلام الحلو ليش؟؟
ولك والله اخجل مو بيدي
بس هسه مدا اعرف شنو جاي
يصيرلي تعلقت بيك هواي واشوف دلالك وياي
فما اكدر اضم مشاعري
اااويلي يابه
وج تروحلج فدوه كل عشيرتي زين....
يابعد رويحتي انتي..
هههههه
والله اموت على كلماتك هاي
ولك حتى نسيتني شريد اكول تعرف سمر ولاهيه بلتحضيرات باجر الحنه واريد اروحلهه من هسة
....
اهاا روحي بس لا تطلعين
زين
قمر..لييش
سيف ..هيج بكيفي وج من اتصور احد يشوفج غيري نار وتشب بصدري
قمر..زين بس للسوك
سيف... يلى ميخالف
لو ماشغل عندي جان اجيت وصلتلج
قمر..لا يمعود اصلآ امير موجود بلبيت وكوه قنعته وهسه راح يوصلني راح تخبلوني انتم والله
سيف.. ههههه
اي صدك لتشترين فستان للعرس
اني اريد اجيبلج على ذوقي
قمر.. على ذوقك لوو حتى جيبلي فستان رداناته طوال
كمنه نضحك
سديته منه
رحت بدلت سويت شعري كعكه
لبست جينز ازرق
وبدي طويل اسود ..
وحذاء رياضي لونه وردي قوي ..
كملت غراضي وطلعت
ورحت للسوك وي سمر شترينه هواي شغلات
فساتين للحفله واحذية وميكياج وعطور لان عدهه نواقص ممكملة كلشي
واجرت بدلة العرس
جانت كلش حلوه لونهه اوف وايت
واخذت هواي شغلات
عزمت صديقاتهه على الحنة
اجواء البيت حلوه كلهه فرح همات
خالاتي موجودات ثنين عايشات
وحده ب الكوت
وثانية بأربيل مانشوفهن بس بلماناسبات واجن على مود زواج سمر
وامي وساره وروان اختهن الزغيره
وجهال خالاتي
شوي
اجالي واتساب من سيوف
حضري روحج ماطول عند بيت خالتج اريد اخذج ونطلع
اني مطالعه وياه بس مره وجبر
على طول يجي يشوفني بدوام لو باب بيتهم
ويلح علي بس ماقبل
قمر..وك مااكدر اطلع
شكلهم
سيف مااعرف لكيلج حل
وثاني شي عندي موضوع وياج مهم
خير شنو صاير
شو مو على بعضك
سيف.. خل اشوفج بلأول واحجيلج
قمر ..الله كريم شوي واردلك خبر
قمر ..حاجيت سمر وكلت لماما
نسيت شغلات عند ابو المحل
قمر تكدر تجيبيهن
اي خاله عادي
بس ولج مو تتأخرين
ضحكت مكدرت اي ماما انشاله
طلعت
هوا منتضرني بضهر البيت
فتت بسياره شافتي باوعلي واخذلة حسره
ها ابو سيوف شبيك
سيف.. لا حبي مابية بس مشتاقلج
مشينة
دخلنه المتنزهه
كمنه نتمشة
ونسولف..
احس بأصابيع ادية
اتلامس ايدي
عرفت انو يريد يلزم ايدي
شوي ولزم ايدي قوي
قلبي كام يرجف ستحيت
حاولت اسحبهه
باوعتلة
سيف.. لا توخرين ايدج
ماكلت شي
وجهه مايتفسر
حسيته مهموم
كمنه نفتر ونسولف وهوا عينه على اليمشون خاف يباوعولي
سيف..
نعم
شنو موضوعك ...
ترى اني حاسه انو انته مو طبيعي
متغير ..
سيف .اااوف ياربي وجرها حسره
قمر حجيلي شصاير
من الاخر قمر امي البارحه كلش تعبت
اسم الله شبيهه
صعد عدهه الضغط
ايي وهسه شلونهه
هسه اهون و جاي تلح علي بموضوع
قمر. وخرت ايدي عنه ييي وشنو الموضوع
سيف.تريدني ازوج بنت خالي
شنووووو
...
وللحكاية بقية....
