ليلة سمر
همس القوارير
البارت الاول
مرحبا اني سمر احجيلكم قصتي من البدايه من كنت طفله امي تزوجت بابا عن حب امي معيده بالكليه كان اسمها هاجر وابويه موضف بشركة النفط كان اسمه طاهر دامت علاقتهم سنتين ونص وامي كانت كولش جميله وابويه كان كولش يغار عليها من اول سنه زواج امي حملت بيه وحسب ما كانت تحجي كنت كولش حركه ومدلله كانت طفولتي حلوه خير ودلال من صار خمس سنوات عمري امي حملت مرة الخ وجابت فهد حبيبي كان يخبل صحيح احنا كنا حلوين بس مطالعين على امي طلعنا على بابا من تسجلت بالمدرسه كنت كولش فرحانه اخذتني بيبي للمدرسه ولمت الجهال وطشت على راسي جوكليت واجوي الجهال يركضون يلگطون بالجوكليت وفرحانين كنت اشوف البنات يبجون بالصف مالتي بس اني كنت قويه وما ابجي كنت اني اسكتهم لا تبجون هو شوي ونروح للبيت وبعدها نطلع ونروح نشتري من الحانوت وعدنا الحانوت ما شاءالله جهاد في سبيل الله هههههه كنا كولش مرتاحين من جميع النواحي ابويه كان كولش يحب امي ويحب خاطرها بس ابويه من النوع الي ميعبر عن حبه لان شخصيته قويه وما يتنازل بس من نجي للواقع كان كولش يحبها وميگدر على زعلها مرت تقريبا على زواج ماما وبابا سبع سنوات وبدت عدنا المشاكل كنت يوميه اشوف امي تتعارك ويه بابا وتگوله طلگني وهو ميقبل يحاول يرضيها ويسكتها بس هي ما تقبل كانت مرات تروح لبيت بيبي ومتاخذني وياها ابقى يم بابا اني وفهودي بس متكول ساعه او ساعتين وترجع كنت ما اهتم لمشاكل ماما وبابا اگول بعدين يتصالحون ومرات من اسمع صوتهم العالي اسد اذاني واضل ابجي هم مكانوا هيج بالبدايه كانت امي تحبه لبابا بس هسه اختلف الوضع الي افتهمته من بعد ما كبرت امي حبت ابن خالتها وهي على ذمت بابا والمشاكل الي كانت تصير هو سببها مره من المرات اخذتني ماما وياها لبيت بيبي واجه ابن خالتها لماما كان اسمه ادهم سلمنا عليه وهو اخذني وباسني وطلعني اشترالي واني مستغربه كنت من تصرفه ليش هو هيج طيب وياي مكنت اتصور علمود ماما ومن دخلت بيت بيبي اخذتني خالتي لغرفتها حتى تلعب وياي واني عيني على الطارمه شفت ماما وادهم كاعدين يسولفون وكانو كولش فرحانين ومتونسين وعيونهم تفسر حبهم واحد للاخ اني معجبني الوضع وگلتلها لخالتي اريدها لماما بس مكانت تخليني اطلع يمها وبدون متحس عفتها ورحت يم ماما وعيطت عليه وگالتلي فوتي جوه شويه ونروح اني فتت وعيني عليها رغم كان عمري ست سنوات ونص بس كنت افهم لان احس اكو شي مو طبيعي بس ما اعرف شنو ومن رجعنا للبيت همين ماما تعاركت ويه بابا وصارت عركه كولش كبيره وسمعته لبابا يعيط ويصرخ ويگول لماما لو تموتين ما اطلگج كانت اصعب سنه بحياتي شفتها بطفولتي يوميه عيطه وعركه وبعدين ماما گامت تاخذ فراشها وتنام بالهول ومتخلي بابا يلمسها كنت بداخلي انقهر على بابا وابجي واگول ليش ماما ما تحبه هو شنو سوه اشو نفسه حلوه وما يحرمنا من طلعه او طبه وشنو نطلبه يجيبه الها وألنا وبالاخص الها يجيبلها خاص مو مثل ميجيبلنا كان يحبها حيل خطيه بس ما اعرف امي ليش هيج كرهته لبابا يمكن لان ادهم يضحك عليها بالكلام الحلو او ما اعرف والله كنت اموت قهر عليه خطيه وكان يهددها اذا تتطلگين ما انطيج الجهال ولا تحلمين تشوفينهم لان انتي مو مال تربين اطفال بس هي ما كانت تسمعله وتگوله هم جهالي والمحكمه راح تنطينياهم ويوميه عركه وعيطه ومكانت ترد على احد لان ادهم مسويلها غسيل مخ ومكانت تشوف غيره مع الاسف ما فكرت بيه اني واخوي كانت انانيه وفكرت بس بنفسها بالرغم كانت كولش حنينه علينا وتحبنا حيل بس كان حبها لادهم فوق كل شي بعدها كولش كثرت المشاكل وزادت وضل واحد ميطيق الخ وحاولت بيبي ام ابويه تدخل بينهم بس مكانت تسمعها ولا ترد عليها اخر شي اجتي بيبي ام امي
وتعاركت ويه بابا
بيبي ام ماما : انت شتريد منها من شافتك شافت الضيم وانت واحد متستحي مره متريدك شعندك مكعدها بيتك هي كوه طلگها وخلصنا شنو انت ما عندك كرامه
بابا : انتي الي ما تستحين جايه بگوات عين تدافعين عن بنتج بدل ما تنصحيها ترجع لبيتها ورجلها وجهالها هيج تحجين لو تموت ما اطلگها وتاخذ ذاك السافل اني ادري بيها عاشگته بس عناد بيها ما اطلگها واله اخليها حسره بگلبها وما تتزوجه واشغلها خدامه عندي
بيبي ام ماما: والله ما عشت ولا كنت وابن اختي احسن منك ومن طوايفك اصلا هي اكبر غلطه بحياتها تزوجتك لو ماخذته من الاول كان عيشها بربيع مو مثلك
بابا : امشي طلعي بره وما اريد اشوف وجهج وطلاك ما اطلك افتهمتي لو لا
بيبي : لا والله تطلك وغصبن عليك واذا ماكو نشتكي عليك بالمحكمه
بابا : وشنو تگوليلهم بنتي عاشگه وهي بحضن رجلها
بيبي : احترم نفسك واحجي عدل اني صوجي انطيتك مجال بس اني الك
وطلعت بيبي وراحت وياها ماما وبقينا اني وفهد يم بابا سوده عليه لو تشوفون شلون حاله بهذيج الليله والله ما يسر لا عدو ولا حبيب مرات اشوفه ودموعه بعيونه وميت قهر وميحجي ومرات يحضنا ويبوسنا ويكول والله بابا خايف عليكم تضيعون ما اعرف شجاها امكم وليش هيج صارت اووف ياربي بالرغم كنت طفله بس احس كبرت قبل اواني من الهم والقهر ثاني يوم الصبح رحت للدوام وبابا اخذ فهودي لبيت بيبي ام ابويه وبعد ما خلص دوامي اجتي ماما للمدرسه واخذتني لبيت بيبي وياها ورحنا جبنا فهودي همين ويانا ودخلت تقريبا الضهر ولگيت ادهم موجود هناك بيت بيبي واني اباع عليه بحقد وكره هو هذا الي دمر حياتنا وخرب صفو السعاده وهجم بيتنا فتت ما سلمت عليه وضل يصيح بيه واني ما ارد عليه ولا اجاوبه واجتي ماما عاطت عليه
ماما : سمر تعالي سلمي على بابا ادهم
سمر : هذا مو بابا اني ابويه بس بابا طاهر
ماما : عيب ولج تعالي سلمي عليه
عفتها ودخلت جوه ابجي لان عرفت راح تاخذه وتعوف بابا وحتى غدى ما تغديت متت قهر على حياتنا شلون صارت وضليت بس ساكته وگاعده لوحدي حتى لعب ويه الجهال ما ألعب وبقيت بيت بيبي
