ليلة سمر
همس القوارير
البارت الرابع
كتلكم كان تفكيري كوله باسم واحب اشوفه دائما لان ما اعرف بيبي من حجت وياي عبالك دخلته ابالي مره من المرات كنت بيت بيبي واجه باسم بصراحه ضلينا واحد يباع للاخ وين ميروح اباع عليه وهو نفس الشي
باسم : بيبي جوعان شنو ما تغدينا اليوم
بيبي : لا بيبي يخسي الجوع كومي سموره صبيلنا غدى اني وياج وباسم
سمر: اي بيبي ان شاءالله
كمت داصب غدى واجه باسم وراي للمطبخ وديحضرلي المواعين اني داخذ منه الماعون ولزم ايدي واني عبالك انتلت وكهرباء سرت بجسمي هو ضل لازم ايدي وباع بعيوني اني بسرعه نزلت عيني وسحبت ايدي وصبيت الاكل وهو عينه عليه وكعدت اكل وكل شويه اشوفه يباوعلي بصراحه ضليت احبه وتمنيت اكون مرته وام جهاله بس امي شلون اقنعها امي متريدنا نتقرب لابويه تعرفون الام تحب يكونون اطفالها يمها بس اني كنت احبه لباسم ومرت تقريبا سنه كامله واحنا نلتقي بالصدف اني وباسم ومرات اختلق الف عذر وعذر حتى اروح لبيت بيبي واشوفه باسم كان عنده خوات اربعه ٣ متزوجات وحده ما متزوجه وابوه متوفي وعايشه وياه امه واخته بالبيت يعني باسم الولد الوحيد عدهم على اربع بنات اني همين كيفت لان العائله صغيره وباجر عگبه اخته تتزوج ويبقى البيت بس اني وامه وبلعكس امه انسانه طيبه وحبابه مره صادف عرس اخته الثالثه ورحت للعرس اني وفهد وبقينا بتنا يمهم لان كول عمامي وعماتي موجودات وبناتهم وولدهم وكنت كولش فرحانه بلمتهم وكان جاي ابن خالته لباسم وكان معجب بيه اطب واطلع عينه عليه ويشمر حجي عليه واني ما مهتمتله لان الگلب بسم باسم انكتب وما اشوف غيره واني داطلع للحديقه اجه وراي نواف ابن خالت باسم
نواف: شلونج سموره شخبارج
سمر : اهلا نواف بخير الله يسلمك
نواف : سمعت من خالتي ام باسم على اساس خاطبينج لباسم الف مبروك
سمر : الله يبارك بيك شكرا
نواف : اكو شي انتي ما تعرفينه عن باسم انو هو صاحب رغبه يومين ويمل منج وهو همين كولش عصبي وانتي الف واحد يتمناج بس انتي ما تشوفين غير باسم
سمر : اي اعرف بيه عصبي واني قابله ميهم هو ابن عمي واني اولى بيه واذا كان صاحب رغبه مثل متكول كان صار عنده علاقات
بعدني داحجي وياه واجه باسم
باسم : شكو خير ان شاءالله شعندك نواف هنا
نواف : لا ماكو شي سلامتك بس هيج كنا نسولف من رخصتكم
باسم : شعنده نواف وياج بشنو كنتوا تسولفون
سمر : ماكو شي بس يتباركلي لان امك حجتله انو راح تخطبني الك
باسم : وانتي شنو رايج
سمر كولش خجلت وعيوني كامت تلمع ما عرفت شلون ارده سكتت
باسم : سمر انتي كولش عاجبتني وداخله مزاجي وانتي بنت عمي واحسن الي من الغريبه وما شاءالله ادب واخلاق وجمال واني اليوم قبل باجر اريد اخطبج ويهمني رايج
سمر : اني ما عندي مانع بالعكس ابن عمي وما الگه احسن منك بس امي معارضه تصبرلي لحد ما اقنعها
باسم : ماشي وهذا نواف ما اريدج تسولفين وياه ولا تلتقين بيه هذا نسونجي واخاف عليج منه يالله دخلي جوه يم البنات
صدك وكتها حسيت براحه وبفرحه لان حسيته يحبني ويغار عليه وصار العرس مالت اخته لباسم وبدلت وتمكيجت وصرت كولش حلوه وباسم وام باسم تخبلوا عليه وكل شويه يمه جنتي تخبل وتبوسني وباسم ما شال عيونه من عليه كلما التفت اشوفه يباوعلي ونواف همين بقى يباوعلي بس ما اهتميتله لان كان الحب محذرني منه وخلصت الحفله ورجعت لبيتنا ومثل كل يوم شغل وكراب لحد ما فد يوم اجتي امي من الدوام من وكت واجيت صبيتهلها الاكل واتغدت وشلت المواعين گولت بعدين اغسلهم خليني الحگ عليها قبل ما تنام
سمر : ماما اريد احجي وياج
ماما : عرفتج مخاليه اليوم وتحومين عليه گولي شعندج سمره خاتون
سمر : ماما والله لشوكت انتي دترفضين باسم مو مليت اني لشوكت ابقى انتضر وانتي متقبلين
ماما : سمر ماما والله ميفيدج اني اعرف بيت ابوج حاقدين عليه واخاف يأذونج
سمر : والله ميذكرونج اله بالطيب ويحبونج لا تكولين عنهم هشكل انتي بس وافقي وربي راح انسعد وياهم
ماما : لج ماما بعدج صغيره وما تعرفينهم اسئليني اني وصدكيني راح تتندمين
سمر : ماما انتي مجربه الحب ومتعذبه بيه اكيد ما تحرميني من حبيبي
ماما : مو اني لان جربت الحب دامنعج وج يوم والله لمصلحتج
سمر : حبيبتي بس اقبلي والله راح تفرحين گلبي واني شرايده فدوه لعينج
ماما : اقبل ماما ميخالف بس صدكي غصبن عني وانتي راح تتحملين
سمر : والله اتحمل ربي يخليج الي يالغاليه
وكلش فرحت وكتها وحسيت ملكت الدنيا كولها موافقة ماما وبابا اكيد مراح يعترض على ابن اخوه وبقت عندي شلون اوصللهم الرد
