ليلة سمر
همس القوارير
البارت العاشر
اجيت گعدت وضليت افكر بيني وبين نفسي لازم اكشفه لازم الگي حل ليش هيج ديتصرف وشنو النقص الي عندي واني اجيت وياه بالحلوه والمره طبعا اجه متأخر للبيت تقريبا ١٢ واني دانتضره
باسم : السلام عليكم هاي شنو بعدج منايمه
سمر : لا والله دانتضرك وما اجاني نوم
باسم : اي والله صار عندي شغل وتأخرت
سمر : اصبلك عشى
باسم : لا تعشيت بالدوام
سمر : باسم اريد احجي وياك
باسم : مو وكتها هسه تعبان
سمر : لا هسه موضوع ضروري
باسم : گولي شعندج خير ان شاءالله
سمر : باسم شبيك شنو الي تغير ليش انت هيج متغير شنو الي بدر منا ليش انت هيج اريد افتهم
باسم : اني لا متغير ولا شي بالعكس كولش طبيعي بس لان ما اجيت عليج هيج تحسين يعني شلون واحد عنده شغل انتي ما تعذرين
سمر : لا اعذر شمعنا هسه صار عندك شغل شنو اختلف صارلك سنين بشغلتك شنو الي استجد بالموضوع فهمني غير اعرف
باسم : شوفي انتي ترديلج بس سالفه تسولفين بيها تعبت منج اروح انام احسن
وفعلا خلاني وراح نام واني ضليت بناري ما اعرف شنو اسوي ياربي لازم اكشفه هاي شلون ورطه فعلا متغير باسم ومو باسم ذاك الي اعرفه اصبر والله كريم ثاني يوم من كعد الصبح قبل لا يروح للدوام كوتله اليوم اريد اروح لهلي لان نفسيتي كولش تعبانه ابقى كم يوم وارجع
باسم : مو مشكله خلي يجي عليكم فهد وياخذكم
وطلع واني همين كمت نضفت البيت واخذتلي كم شغله ورحت لبيت امي لان هناك ارتاح اكثر وامي همين استغربت من جيتنا المفاجئه ومن طبيتلهم جانت امي بالدوام واجت وشافتني بالبيت
امي : لج سموره انتي هنا هلا بيج حبيبتي بس شعجب مو وكت زيارتج
سمر : لا يوم ماكو شي بس تعبانه شويه وگلت اجي يمكم اغير جو
امي : ميت هلا بيج شنو اخاف سويتيها وحملتي مرة الخ
سمر: لا يوم ماكو شي لا حمل ولا غيره شنو متردوني اجي
امي : لا يمه ميت هلا ومرحبا بيج بس ضل بالي
سمر : لا يضل بالج حبي اني بخير
امي : اكو شي بينج وبين باسم اشو اني ممرتاحه يمه
سمر : لا يمه شنو سالفتج ماكو شي ارتاحي انتي
وفعلا بقيت عند امي ٥ ايام وضل يخابرنا باسم باليوم بس مره كنت من اروح لهلي يخابرني اقل شي ٣ مرات وكلما يخابرني شوكت تجون البيت وحشه عليه مشتاقلج اشو هسه كولشي ماكو
