ليلة سمر
همس القوارير
البارت الثاني
من بعد ما رحنا لبيت بيبي اني وماما وفهودي ولگينا ادهم عدهم وما سلمت عليه ولا تغديت وياهن هم كعدو يتغدون ومنحس اله الباب يندك بكل قوه وحيل ينضرب واسمعه لبابا من ورى الباب يصيح افتحي الباب لو افضحكم افتحوا الباب راح اكسره على روسكم يا حوش بسرعه امي اخذت ادهم وفاتوا بالغرفه وقفلوا الباب من داخل ورحت اني اركض على صوت الباب وصياح بابا فتحتله الباب ودفعني ودخل يعيط وعيونه تجدح نار وصاير حيل اعصاب بالرغم من حبي أله بس بهذيج اللحضه خفت حيل منه ولا كانما هو هذا بابا الطيب الحنون انگلب وحش دخل للبيت ويصيح وينج يا كذا وكذا طبعا يغلط اطلعي يا كذا وين خاتله اليوم اموتج ليش اخذتي الجهال والله ما اعوفهم الج ودخل يدور بالبيت وهو فاقد لاعصابه وصل للغرفه الي بيها امي وبده يدك حيل ومحد يجاوبه ويضرب ويضرب ويكسر بالباب الى ان نكسر الباب بأيده وشاف ادهم جوه هو وماما وهو بعد فقد اكثر واكثر ونهارت اعصابه ونزل ضرب على ادهم كول قوته وادهم همين يضربه بس مگدر على بابا لان بابا كان طويل وهيبه وامي تحاول تكون بينهم حتى تفكها للعركه وهمين يضربها ومگدرتلهم واني وقتها كولش خفت وضليت ابجي بالطارمه واصرخ لحد ما تهسترت من الصراخ والخوف على بابا بعدين خالتي راحت فزعت جيرانهم لان اخوانها مكانوا بالبيت واجوي جيرانهم ولد اثنين وفكوهم بالگوه وطلعوا بابا بره وبقى ادهم دمه بطوله ونكسر خشمه واخذوه للمستشفى وراح بابا والف حسره وقهره بداخله والف دمعه بعينه اووووف الله يعينك حبيبي بذيج الساعه شلون كان شعورك كان حالته حيل حيل صعبه خفت لا يصير بيه شي اوووف ياربي وين كانت هالمصيبه احنا بقينا يم ماما ورى ما طلع بابا ادهم يسولف ويه ماما ويگلها لا تخافين ما اعوفج لو الدنيا تنگلب وراح الله لا يوفقه لا دنيا ولا اخره ضلت امي تبجي وكتها وتغلط على بابا واني هم ابجي والليل كوله ما نمته اجتي حضنتني وتكولي
ماما : لا تخافين حبيبتي انتي ما اعوفكم لو على جثتي انتم جهالي وحياتي راح اخذكم يمي لا تخافون
سمر : ماما بس اني اريدكم انتي وبابا ماما بابا خطيه من طلع شفته يبجي ليش هيج عمو ادهم يسوي بابا
ماما : لا حبيبتي عمو ادهم طيب هو ابوج تهجم عليه وبعدين اني ما احرمكم من بابا همين ترحون وتشوفونه وتبقون يمه لا تخافين حبيبتي
وفعلا بقينا فتره بيت بيبي تقريبا اسبوع اتعس فتره بحياتي ورى الاسبوع ماما وبابا تطلگو وكل واحد راح لحاله وابويه رفع دعوه بالمحكمه بحضانة الاطفال وامي مكانت تقبل كانت تريدنا يمها وتبجي علينا وكانت تشترينا العاب وحاجات وحلويات حتى من يسئلنا القاضي ويه منو نريد نعيش نگوله ويه ماما كانت تقشمرنا بهاي السوالف واحنا اطفال كولشي منعرف لان كانت تريد كولشي الها وما فكرت بابا ولو قليل ولا كانما كانت اكو عشره بينهم واطفال تعاملوا على كانما اعداء معقوله هيج الانسان يتغير من يريد رغباته وحددو جلسة المحكمه واخذونا اني وفهد واجلوها اسبوع وبعدها اخذونا مرة الخ واجلوها ١٥ يوم لان اثنينهم ما يتنازلون وبالمره الثالثه حكمت المحكمه ان الاطفال من حق الزوجه لان هي الام والقانون بصفها بيومها صاحنا بابا ودمعته بعينه
بابا : سموره باباتي ديري بالج على نفسج وعلى اخوج حبيبتي وان شاءالله كلما صحتلي الفرصه اجي اشوفكم وشنو تحتاجونه بابا تگولولي حبيبتي
ودعنا وراح وكولش انقهرت عليه ضليت الطريق كوله ساكته ودموعي تنزل سكته ياريت كان بأيدي شي واسويه انتهت حياتنا وانتهى كولشي حلو رجعنا لبيت بيبي اني وماما وفهودي وخلونا بغرفه كانو خالين بيها بس كنتور ابو بابين وحسيره وفراشات وگالوا هذه موقت لحد ما ماما تطلع من العده وتتزوج ادهم وننتقل لبيتنا الجديد بقيت هذه الفتره كولها بيت بيبي هم كانوا يحبونا ويحبون ماما بس مو ألنا لشخصنا كانوا يحبونا لان ماما تنطيهم فلوس وتسكتهم وما يحجون وكنت اروح للدوام بيبي توديني وبعدين ترجع عليه من يخلص الدوام ومرات يجيني بابا يشوفني بالمدرسه ويسألني عن فهودي وما يجيب طاري امي ابد وينطيني مصرف ويروح ومره من المرات اني بالمدرسه اجتي المعلمه وگالت بابا ينتضرج بره رحت عليه وكنت كولش مشتاقتله وحضنته وبسته
بابا : هلا بسمورتي الحلوه شلونج بابا حبيبتي وشلونه فهودي
سمر : الحمدلله بابا احنا بخير بس مشتاقيلك بابا نريد نرجع لبيتنا
بابا : ان شاءالله بابا ارجعكم اصبري شويه بابا انتي صرتي كبيره وفاهمه امج بعد ما تريدني يا بابا وانتي شفتيها شنو سوت فانا قررت اتزوج راح اتزوج جيرانا امنيه اذا تعرفينها البارحه خطبتها واهلها وافقوا
سمر : بابا واحنا شلون يعني بعد منشوفك
بابا : لا حبيبتي ليش متشوفوني راح تجون يمي بين فتره وفتره وتبقون كم يوم عندي تتونسون والله لو بيدي ما اخليكم يم امكم بس شسوي المحكمه حكمت الها مو الي
سمر : ماشي بابا براحتك بس لازم تجي تشوفنا
وبعدها ودعني بابا وراح واني رجعت للصف مالتي وضليت ابجي واجتي صديقتي تسألني ليش تبجين گولتلها بطني تأذيني ورجعت للبيت وحجيت لماما الي گاله بابا وامي ما علقت بس گالت اي خوش الله فكانا ولا كانت اكو بينهم عشره او اطفال ما اعرف شنو صار وليش هم هالشكل عجيبه هاي الدنيا والله كلمن يفكر بروحه واني وفهد طحنا بيها
بعد ما ماما طلعت العده بيوم بس يوم واحد تزوجت ادهم وكانت كولش فرحانه وسعيده وتحبه لادهم كان يقشمرها بالكلام الحلو والمزيف وهي كانت مصدكته بيوم عرسها راح تمكيجت ولبست بدله حلوه وصارت تخبل وهي اصلا حيل جميله وخلتنا بيت بيبي وراحت بالسياره ويه ادهم ضلينا ٣ ايام لوحدنا بيت بيبي وبعدها اجتي اخذتنا لبيتها الجديد طبعا البيت هي مأجرته وهي تدفع الاجار من بعد ما كان بيتنا ملك فبقينا ويه ماما بالبيت وكانت معاملة ادهم زينه ويانا حتى يرضي ماما بس كان طمعان بيها كان الاجار ومصرف البيت كوله منها لان كان راتبها كولش زين وحتى مرات اشوفها تنطيه مصرف ونسيت اكوللكم اصلا ادهم متزوج وعنده عائله و٣ اولاد يعني امي الزوجه الثانيه وكان يستغلها ياخذ منها مصرف حتى يصرف على ذاك البيت قشمرها بالحب وبالسوالف الحلوه ودمر حياتنا علمود فلوسها وبقى الحال مثل ماهو عليه امي تشتغل وتتعب وادهم كاعد مرتاح ويصرف بفلوسها ويتونس وهي تعرف بهذا الشي بس شسوي الفاس وطاح بالراس
