دخلت للمحل وتلكاني يشكه ويحجي ليش متاخر ويحاسب بيه ماجاوبته كان عقلي مشغول بلحب
وافكر بميار حبيبتي
....
تسريع الاحداث
مر على لقائي بميار اسبوعين وطكت روحي لان ماتصلت بيه لذالك رحت الهم بحجه اطمئن على والده فارس ....
ميار
ليوم علساس يجي اخويه وامي فرحانه بجيته خطيه راحت للسوك تتسوك هية واختي طيبه سمج ودجاج تريد تسويلة شنو مشتهي من اكلة طيبه وبقيت وحدي اني بلبيت ورة دقائق من طلعت ماما الباب ندكت
رحت عبالي امي بدون مالبس حجاب فتحت الباب وكتلة
_ها ماماااا
نصدمت بسيف واكف بلباب بقيت امتمت بلحجي ورجعت ليورة ركضت على حجابي لبسته وهو دك الباب مرة ثانيه وثالثه ولكن كنت استحي اروح مدري شبيه حسيت رجلي مربوطات ماكدرت اروح متت خجل لحد مافتح الباب ودخل وسده وراة وتقدم الي
بقيت صافنه واني خايفه منه ومن تصرفه وافكر شسوي اذ حاول يعتدي عليه
او يسوي شي
سيف
...
دكيت الباب عبالي تطلع ام ميار لكن طلعت الي ميار وكان تخبل متغيرة حيل شعرها الاسود حيل حلو عليها بقيت سارح بجمالها الخلاب ونسيت على شنو جاي عافتني وراحت هية من خجلها مني واني بقيت ادك بلباب اخرشي اتاكدت ان محد موجود لو كان احد بلبيت كان اجه طلع الي لذالك قررت مافوت الفرصه وادخل للبيت
دخلت وكانت ميار وكفه ومصدومه بتصرفي باين عليه
_السلام عليكم
....لاجواب
_ميار احجي ردي سلام على الاقل
_لاجواب
_لج ام لسان مو كنتي بلمدرسه السانج شطولة وين راح ههه
_لا جواب
اخر شي مليت وقررت اغيضه طلعت ورقه من جيبي
اكيد كلكم تسئلون ورقه شنو
هاي ورقه الي كتبته ميار وصارت مشكلة هية وصديقتها بلمدرسه علمودها احتفضت بلورقه لهذا اليوم واجه ليوم الي اكر حاجز الخجل الي بيناتنا
فتحت الورقه وقريتها
'♡♡♡ ارواح معلقه ببعض♡♡♡'
سلاما على من سكن القلب والفؤاد وتعلقت روحي بحبه
واستولى على عرش ومملكه قلبي وجعلني اسيرة لهواة وعشقه
اخط لك بقلمي تغاريد عشقي لك وجنوني وهيامي بحبك لقد عجز السان عن الاعتراف امام عينيك الساحرتين بحبي وفي كل مرة اقع في دووامه من المتاهات عندما اقف امام عينيك لااعبر لك عن مدى عشقي وهيامي بك
فلا يقاوم قلبي الصغيرسحر جمالك الذي اوقعني اسيرة لحبك اخط لك هذة الكلمات البسيطه التي تحمل بين طياتها كل الحب والشوق لك احبك بعدد النجوم احبك بعدد قطرات المطر وفي نهايه احبك بقدر خوفك عليه عندما كدت ان اموت بين يديك في اليوم الذي قبلتني به وتركتك هاربتا منك الى الخارج ولولا انقاذك لي لكنت الان في عالم اخر لم انسى ذالك اليوم حقا وكلما تذكرته احسست بحرارة تجري في عروقي هل خجلاً منك.ام عشقاً لاادري فقط اعلم انه كان يوما جميلا اتمنى ان يتكرر لكن عندما اكون زوجتك في الشرع والحلال
تحيات ميار رسالة الى حبيبي سيف
ميار غطيت وجهي بديه وهو يقرة وجسمي كلة يرجف من الخجل بلحضات حسيت كلبي راد يوكف
سيف
قريت رسالة ونتهيت منه باوعت بوجه ميار كانت منتهيه الابنيه وجهها ينطي الوان وعيونها طاكه ههه يعني لوما اشويه كان ماتت من المستحه اتقربت منها وقريت اخرسطر واني اباوع بعيونها
