كنت كاعد فوك واسمع صوت ميار فرحانه وتهوس فرحت حيل من سمعت صوتها وهية تضحك وتهوس بس بنفس الحضه ضجت عليها لان عايشه بحرمان اووف افراك الابو هيج يسوي
نمت واني مرتاح حيل وفرحان لان كدرت افرح قلب يتيم. ....
وثاني يوم كعدت متاخر ولكه مكالمات هواي من صديقي مشتاق
اتصلت بيه رجعت
سيف:الووو السلام عليكم
مشتاق:وعليكم السلام وين جنت شكد اتصلت بيك
سيف:والله جنت نايم
مشتاق:نامت عليك طابوكه لك نقل مالاتك طلع
سيف:اي وين اذمو منطقتنا ماداوم
مشتاق:نوب يدلل علينا اي منطقتكم بقرب مدرسه عليكم
مدرسه يمكن اسمها ثانويه ومتوسطه رفح للبنات بلعافيه عليك يم بيتكم المدرسه وفوكها مال بنات اويلي حضووض
سيف:ههه اي الله كلة صبايا ونوب يموتن
مشتاق:اي ديلة روح من اليوم تباشر بدوام
سيف:اة هسة ادوام
مشتاق:اي دروح كتابك صالة سبوع من وصل واليوم يالة خابرني صاحبي
سيف:ديلة خل اروح ثيمالله
نزلت اركض سبحت وغيرت ملابسي لبست ملابس الجيش وطلعت افلش شعري اني ماامشطه بس ارفعه بطراف اصابعي وارش من عطري المميز الرجولي وابتسامه ساحرة مني اوكع عشرة بنات
طلعت من البيت واني مامتريك لان تاخرت صعدت بدراجتي الحيبيه وتوجهت للمدرسه ك اول يوم الي
👇👇👇
صورتي

دخلت للمدرسه اكو حارس رجال كبير لعمر سلمت عليه وكالي ادخل جوة فتحت باب المدرسه وردت ادخل بس نصدمت بمنظر فضيع ههه
كانن طالبات لابسات تراكسودات وبرمودات ويلعب طوبه مبين عدهن درس رياضه سديت الباب
ورجعت طلعت كتلة للحارس ماكدر افوت كالي ادخل دنك راسك وعلى ايدك اليمنه الادارة
اني سويت مثل ماكالي الحارس ودخلت امدنك بس مااحس الة وطوبه براسي لزمت الطوبه بيدي وضحكت صاحت علية ابنية بصوت عالي وكان صوتها مئلوف الي
ناددين:حباب اشمر الطوبه
ونعمت صوتي لان عجبني هذة الشاب يفلش وكلت مافوته من ايدي تقصدت اشمرالطوبه عليه
سيف باوعت للبنيه واشوفها نادين
كلت بلكبلي حلو راح اخذ حق ميار منج شمرت الطوبه على الكاع وجتته باأقوى ماعندي عبالك ميسي وجاي يهدف
جتت الطوبه عليه وكانت بلهدف ضربته بطنه وكعدته بلكاع ههه
ضحكت عليه ورحت للأدارة
دخلت وبدينا نتناقش اني والمديرة
....
ميار
كنا نلعب طوبه اني والبنات ندرب لان اني احب الطوبه ومشجعه برشلونه المهم بدينا ندرب لان اني ونادين وبعض البنات نمثل فريق مدرستنا
كنا نلعب ومندمجين بس اني شفت باب المدرسه نفتح ودخل شاب بسرعه ختلت جوة الرحلة لان كنت لابسه
برمودة وشعري طالع بقيت اباوع اله انتظرة يروح كان شاب مؤدب مبين لان ابد مارفع راسه
بس بت عمي العرمه شافته وعجبها المهم هو شاب يخبل عدة عضلات ولابس لبس مال جيش طالع يفلش بس
