احببتك واغمضت عيني معك لم اعلم ان حبي لك سوف يقودني الى الهاوية
اي هاويه وهل هنالك اجمل منها ان التقي بك ثم بروحاً قد فارقتني من قبل جميعكم معي وتحيطون بي اجمل هاويه سقطت بها لوكنت اعلم انها من تجمعني ب اابي لحببتك من زمن وودعت كبريائي جانباً انثرة واتركه واجلس بجانبك .......
ميار...
كلبي مامرتاح لطلب سيف طلب غريب لكن ماكو باليد حيلة اعمامي عرفو وخل شيصيريصير اول تالي ميته اني على بس خليني اموت وبين ادين سيف
..
لزمت مبايل ماما واتصلت بسيف
ميار:ها سيف هاي هية راح اجي وياك
سيف:فدوة اروحلج حبيبتي والله علمودج ماريد احد يلمسج وياذيج بس يجي فارس اسلمه الامانه
ميار:ان شاء الله بس كلبي مامرتاح سيف خاف يكذب عليك شوقي طلعتنه غلط
سيف:ميار حتى لو جذب اهم شي انتي باأمان ماريد احد يقربلج يجي اخوج ويصير خيرحضري نفسج واني جاي الج
ميار:ان شاء الله يلة مع السلامه
سديت الموبايل ورجعته جوة راس امي ورحت غيرت ملابسي لبست دشداشه عاديه قديمه حتى لايكولون معدلة وكاشخه ورايحه وجواها بنطرون وجواريب سود خفت لااركض لو اوكع بشارع كلشي يصير واخذت وياي جنطه زغيرة ملابس مهمه ردت اخذ فلوس بس ماكدرت خاف امي ماعده خليت جنطتي بلباب ورجعت باوعت بوجهي امي خنكتني العبرة اتمنيت اشم ريحتها وارتاح ريحه الام ماتتعوض بهيج ايام صعبه مااحتاج بس امي لكن اليوم راح اعوفها ماكدرت خاف تفز ابوسها عفتها وطلعت واابجي كوة مسيطرة على صوت شهكاتي خاف تنسمع وصلت يم اختي باوعت الها وزاد ونيني واحزاني اختي وحيده راح اعوفها منو الها مسحت دموعي وعضيت اطراف اصابيعي حتى اكتم صوتي وطلعت فتحت باب الشارع والكه سيف واكفلي بسيارة مالت صديقه ركضت صعدت وحركت السيارة
كنت ارجف وابجي بس من صعدت
شافني سيف خايفه وكف سيارة ونزل كعد يم ب الخلف
سيف:لاتخافين محد كاعد
ميار:اول ماحجه وياي كمت اشهك وابجي بصوت عالي مثل المخنوكه كنت
سيف:شبيج ميار لاتبجين ولج تخافين مني اني اريد احميج شلون تبجين مني ميار حياتي كافي ولج راح اخذج لبيت عمتي بس بنات عدهم وابقيج يمهم لحد مايجي فارس ميمو حبيبتي كافي
:ميار:وانت تعوفني لو اهى اهئ تبقى وياي
سيف:لااروح اكيد.حتى اذ دورو عليج عمامج اني موجود بيتي مالي شغل
ميار:ابقى وياي اخاف
سيف:لاتخافين محد يوصلج اخذج للحلة هناك محد يوصل وبعيده عن بغداد شبيج خايفه
ميار:اي ابقى خابرني
سيف : احاول
ميار:ها تحاول شنو سيف انت جذب عليه خطفتني وتطلب من اخويه افلوس ادري بيك عصابجي انته يلة نزلني يلة
سيف:اشش كافي سوتني اخطف باعي هاج رسايل هاي
اذ ماصدكين شوفي ابن عمج الشفيه شيكول اذ تردين ارجعج بس غير اخاف عليج
ميار:انتبهت لكلامي وسكتت عصبته حيل كتلة واني ابجي
اسفه اهئ اهى
