ميار
دخلت للغرفه وجبتلة مثل ماطلب ولكتني المديرة بلممر وكتلة سيف دزني على هذني وشوفتهن الها اجتي وياي وشافت شغلة وطلبت مني اساعده لان ابو علي ماموجود اليوم
اني كيفت حيل وهاي فرصه حته اتقرب منه اكثر
بقيت انطي كلشي يريد وب النهايه
كالي
_ميار شلون صرتي هسة صحتج زينه احسن من قبل
باوعت بعيونه وتذكرت الحادث سحبت نفس على كولة اهلنا ذبيت حسرة وجاوبته
_الحمد الله بس راسي يئذيني مرات واحس بدوخه
_لاتخافين هذا شي بسيط لان عندج.فقر دم يحتاج اتبرع الج ههه
_لا مشكور ماقصرت مانسه فضلك هذا
طول حياتي
_ماسويت شي اصلن كلة بسببي الصار
_لا سيف هذا قضاء وقدر مالك دخل ب الصار اني مو اول مرة اصير وياي هيج قبل من كنت زغيرة تعرضت لحادث وهسة هم يمكن مكتوب الي الموت لكن مااعرف شوكت هاي حادثين انجو منهن ولكن الحادث الثالث
اكيد راح اموت بيه عندي يقين صار ان بعد مالي عيشه بهاي الدنيا لازم الحك ب ابويه بابا يحبني وكل مرة يحاول ياخذني وياة
كلامها حيل ضوجني وبدون وعي جاوبتها لان صارت عندي رده فعل من جابت طاري الموت ابسرعه اتقربت الها حيل صرت قريب عليها واني احجي واباوع بعيونها وهية ترجع ليورة
_صدكيني محد يكدر ياخذج مني حته لو تموتين تاكدي ان راح اجي وراج مستحيل ابقى عايش واتقربت منها واني اباوع بعيونها واتحسس انفاسها
ميار شفت الموت مرة من عفتيني ودخلتي لغرفه العمليات متت الف مرة من اخذوج مني وهسة مستعد.انطيج روحي بس علمود اشوفج كبالي
ارتبكت حيل من سيف وحسيت برجفه بكل جسمي من الخوف صح كلامه كان يعبر عن حبه لكن خفت لايسوي شي لان قريب عليه حيل واني اخاف يشوف ردة فعلي ويزعل عليه لان وقت الدفاع عن النفس اتصرف برعونه وتوصل وياي للضرب
رفعت راسي وجاي اكولة اريد اروح لكن من باوعت بعيونه دخت ماعرف اصارماعرف اوصف شعوري
بس سيف بهاي الحضه ضل يتقرب الي الى ان راد يبوسني غمضت عيوني ومااحسيت الة صوت قوي هز المدرسه هز والتراب تناثر علينا وبداء صريخ
الطالبات اني مدريت بنفسي كمت اعيط وابجي لان صوت الانفجار حيل قريب على المدرسه وصار اطلاق نار وياة واصوات صريخ وناس تتصايح واطفال تبجي صارت ضجه قويه والاصوات حيل مرعبه كمت اعيط وابجي وسيف
ارتبك ونخطف لونه
وضل يصيح عليه
_امشي جوة طبي لداخل الصفوف ولااطلعين ابد
_ما اخاف فدوة لاتعوفني
ولزمت بيده صارت روحي بسيف لزمته وابجي
_حباب ابقى والله اخاف لاتعوفني اهئ اهئ
