كعدنا الصبح وك العاده ريوكنا مثل عشانا عبارة عن بيض وبصل وطحين اكلت وكملت وحمدت ربي يمكن حالنا احسن من غيرنا كملت ريوك ورحت للمدرسه ودمعتي بطرف عيني وضايجه وطالعه روحي وافكر شلون بينه اذ
اتاخرالراتب منو النا اخويه خطيه مايلحك وحته شغل ماعده رحت ضايجه وطالعه روحي وصلت للمدرسه ودخلت وشفت سيف كبالي اليوم سيف مباوع حته بوجهي وهذة الشي ضوجني بزايد ماعرف ليش ضجت يمكن تعلمت على الاهتمام منهيوم ممل وكئيب من بدايته
دخلت للدرس وبدينا ناخذ الدروس وفي نهايه الحصص كانت وحده كاعده يمي ابنيه جديد قبل اسبوع انتقلت النا وكعدت يمي المهم بديت اكتب بدرس العربي ومااحس الة صوت تليفون يرن كل الشعبه بقن يباوعن وحده
بوجه الثانيه واني ألتفت وراي عبالي من البنات الوري يجي الصوت لكن كان ماعدهن شي ست هيام ضلت تصيح وعصبت ودزت رفيف وحده من البنات مديرة المدرسه واجتي وبدت تصيح وتحجي وكامت تفتش بلجنط فتشت السرة الاول
وصلت لرحلتنا وفتشت صاحبتي وماعده شي وصلت الي اني كنت مطمئنه وانطيتها الجنطه اول مافتحتها شافت موبايل بيه طلعته وعاطت بيه وضربتي راشدي
طررراككككك
اني بقت دموعي تجري وساكته ماحجيت شي ماعرف شكول بقيت واكفه ومصدومه واباوع بعيوني وابجي بدون صوت_ميار مع الاسف انتي طالبه مميزة عدنا ليش هيج يطلع منج
ماجاوبت بقيت ابجي شجاوب وشحجي اني ربع دينار ماعدي منين اجاني مبايل منين
_يلة تعالي وياي للأدارة
طلعت ورة المديرة امشي ودموعي تجري مثل الشلال
دخلت وراها وجتمعن مدرسات المادة كانن مصدومات بيه ويباوعن بخيبه أملبداءت المديرة تسئلني واني ابجي مااجاوب اخر شي عاطت بيه وبداءت تقرة بلموبايل رسايل وكانت كلة حب وغزل ومتفقه وي حبيبها علساس تطلع وياة
_ميار احجي لاافصلج من المدرسه كولي شلون تجيبين موبايل وياج
_ست مو الي اهئ اهئ_كافي بجي امشي اطلعي برة يلة وماتجين للمدرسه اله انتي والي أمرج وياج يلة برة
بقيت واكفه وابجي ماكدر احجي الحركه لبكلبي خلاتني مثل المشلوله الماتكدر تحجي
ضلت تعيط علية المديرة لحد ما عصبت حيل وسحبتني من أيدي وطلعتني برة وشمرتني بلباب كعدت بلباب مال المدرسه ابجي خليت اديه على وجهي وابجي بحركه وكاعده بشمسسيف
كنت برة كاعد مليت من الكعده بلباب وطلعت للشارع اشتريت مي ورجعت للمدرسه وشفت ابنيه كاعده بلباب وتبجي من بعيد ماركزت بوجها الحد ما وصلت يمها وكفت كتلة_هاي شبيج تبجين ياابنيه
رفعت راسها وكانت ميار تبجي وخايفه ولونها مخطوف_ميار شبيج احجي شكو
ماجاوبت ورجعت تبجي