زَوّجٍّتُّي اٍّلَّغٌّريبّْة

الحلقة 11

ورد : لا شكرا لا اريد
الرجل : حسنا
.....
عبدالرحمن : ورد صار مقعدهة بغير مكان التفتت وراية لكيته كاعدة و بجنبهة رجل و جان يحجي وياهة اني ما اتحملت و كمت ..
المضيفة : ارجوا منك الجلوس في مكانك الطائرة على وشك الطيران
عبدالرحمن : اسف لكن هل استطيع تغيير مقعدي ؟
المضيفة : اه اجل بالطبع ان كنت لست مرتاح في مقعدك
عبدالرحمن : الحقيقة اريد تغيير مقعدي مع ذلك الرجل فانا افضل الجلوس قرب زوجتي
المضيفة : تفضل معي سيدي ..

الرجل : هل ستبقين ساكتة
ورد : ماذا
الرجل : انا ماكس وانتي ؟
ورد : ورد
المضيفة : عذرا سيدي لاكن هل تستطيع ان تغير مقعدك
ماكس : لماذا
المضيفة : الحقيقة هذا السيد يريد تغيير مقعده معك
ماكس : وانا لا اريد ذلك فمقعدي مريح
ورد : جنت اباوع من الشباك واسمع ماكس يحجي وية المضيفة لان اكو شخص ايغير مقعدة وية ماكس بس ماكس ميقبل وفجأة سمعت صوت عبدالرحمن ..
عبدالرحمن : هل تستطيع تبديل مقعدك مع مقعدي ؟
ماكس : لماذا تريد تبديل مقعدك معي ؟
عبدالرحمن : لان الفتاة التي جالسة بقربك تكون زوجتي
ماكس : وكيف سوف اصدق انك زوجها ؟
ورد : لانه زوجي حقا
ماكس : حسنا لقد كانت الرحلة ستكون ممتعة معك ورد لكن مع الاسف زوجك غيور 😊 هيي انت زوج الجميلة ورد سوف ادعك تأخذ مقعدي هذه المرة
عبدالرحمن : شكرا لك
ماكس : وداعا ورد
ورد : وداعا سيد ماكس
عبدالرحمن : اممم خايفة ؟
ورد : هئ « بمعنى لا »

بعد مرور ساعات حبطت الطيارة ..

راحو للبيت بس جان البيت كلش حزين و كأيب ستقبلتهم ام عبد بأبتسامة حضنهة عبدالرحمن و ضلو الاثنين يبجون اما ورد جانت متصنمة من المنضر الي كدامهة بعدين اجة قتيبة وسلام سلمو على عبدالرحمن جان سلام كلة دموع بعدين جتي جمانة تركض وحضنت عبد الرحمن وضلو يبجون و جمانة تبجي بصوت عالي اما ورد جان تبجي بصمت وجتي ام عبد وحضنتهة و كامت تبجي بصوت عالي هية وحاضنة ورد و ورد تهدي بيهة خلص السلام  و دخلو للبيت حتى يرتاحون ورة ساعة طلع عبد الرحمن و سلام و ام عبد راحو للمستشفى حتى يشوفون ابو عبد و ضلن ورد و جمانة و زوجت سلام خديجة..

ورد : جنت بعدني مصدومة عمي مريض بس عبد الرحمن ابد ما حسسني شكد جان مقهور بس من شفتة شلون يبجي وية اهلة ماتحملت وكمت ابجي وياهم دخلت شفت البيت مبهذل و محد منضفة صار سبوع لان جمانة و خديجة حالتهن النفسية كلش تعبانة علة مرض عمي وعمتي امر منهن كعد شوية و بعدين كمت وكلتلهن.
ورد : جمانة خديجة كومن
جمانة : وين ؟
ورد : سؤال ليش تبجن هاا
خديجة : شلون منبجي وعمي مريض نايم مستشفى عقلج شبي
ورد : اني ما راح ابجي تدرن ليش لان ماريد عمي من يرجع للبيت يشوفني فلم رعب اخوف خلي ابقة حلوة حتى من يشوفني ميخترع مثل ما من يشوفجن
جمانة : شنو قصدج اني اخوف
ورد : روحي شوفي نفسج بالمراية صايرة جوكر
خديجة : هههههههه لج جمانة رحتي بيهة
ورد : حبي انتي هم نفس الشي احمدي ربج ما سلام طفر منج
جمانة : هههههههه
خديجة : شكرا ورد ماقصرتي
ورد : يلة كافي سوالف كومن خلي نضف البيت و نرتبة و بعدين نسوي اكل هسة يجون تعبانين و جوعانين
جمانة : ليش هو اني اكدر اسوي شي
ورد : ليش شبيج شناقصج ايد رجل يلة كبالي بعدين شلون تقبلنهة اذا اجة عمي وشاف البيت هيج شيكول علينة مكسرات يلة كومن خلي نضف وبعدين نكعد نقرة قرأن
جمانة : هااا يلة لعد
خديجة : يلة خلي نشوف جمانة شلون تشتغل
ورد : جمانة كبلج علة المطبخ صاير حوثانة اريد من اطبلة الكي يلمع لمع
جمانة : حاضر سيدي النقيب
ورد : وانتي خديجة روحي امسحي الاخشاب و طلعي الفراش
خديجة : حاضر
جمانة : لج ورد شو ذبيتي الشغل علينة وانتي شراح تسوين 😒
ورد : اني اكعد واحط رجل على رجل و اباوع التلفزيون بعد شتردين اكثر من هيج ترة شغلة تعب
جمانة : اوي عيني يالنازوكية
ورد : ههههه لا لتخافين اني اروح اشوف الثلاجة شبيهة ما بيهة دسويلكم اكل
جمانة : اي اي انتي توسخين مواعين و جمانة تغسل خاب دطيري رجلج اكسرهة اذا دخلتي المطبخ
خديجة : هههههههه اذا نخليهة على جمانة اليوم كلشي مناكل
ورد : هههههه اي والله
جمانة : والله هذة الموجود
خديجة : اني اتصل على سلام يجبي اكل ويا احسن لان يلة نلحك نضف البيت
جمانة : اي فديتج ركض
ورد : ماشي انتي تصلي على سلام واني راح اطلع الفراش حتة نشمسة و وبعدين نكنس الكاع
جمانة : المكنسة تلكيهة بالمخزن
ورد : اوك

يتبع..
كومنت + فوت