زَوّجٍّتُّي اٍّلَّغٌّريبّْة

الحلقة 20

الساعة 12:00 ليلا ..

جانت ورد كاعدة بالغرفة تنتضر رجعت عبدالرحمن الي طلع وية كريسي وبعد ما رجع باوعت على الساعة شافتهة نص الليل وبعدة ماكو و اول مرة يتأخر لهاي الدرجة ضلت تنتضر الى ان غفت بدون متدري .. حست ورد وكعدت باوعت على الساعة جانت 1:45 و عبدالرحمن ما رجع كلش خافت علية و اخذت جهازهة واتصلت علية ميرد اتصلت اكثر من مرة بس ميجاوب وينطيهة رفض كلش خافت ورد ليكون صار وياا شي كامت على حيلهة وضلت تمشي ذهاب واياب بالغرفة من القلق قربت الساعة تصير 2:30 وهوة ماكو قررت تنام وهية تتمنى تكعد الصبح تلكي راجع ونايم جنبهة ..

الصبح .....

كعدت ورد ولكت جهت عبدالرحمن من السرير غير مرتبة ارتاحت لان عرفت هوة رجع للبيت بس باوعت حوليه ماجان موجود استمر هذة الوضع لمدة شهر عبدالرحمن يطلع من الصبح ميرجع لاخر الليل تتصل ورد علية ينطيهة رفض واذا تسألة يكللهة عندة شغل ويعوفهة ويمشي ..

الى ان جا اليوم المشؤم ..

ورد: صباح الخير

عبدالرحمن: صباح النور

ورد: البارحة شوكت رجعت

عبدالرحمن: «يحجي وهوة يباوع على نفسة بالمراية ويرتب بشعرة » ليش تسألين

ورد: لان البارحة ضليت انتضرك

عبدالرحمن: ليش اني صغير حتى نتضلين تنتضريني لما ارجع

ورد: لا مو صغير بس اني زوجتك لازم تنطيني خبر راح تتأخر لان خفت عليك هواي

عبدالرحمن: اهوووو واذا انتي زوجتي لتسويلي هسة تحقيق جانت كريسي محتاجتني بشغل وتأخرت رتاحيتي هسة

ورد: وشنو هذة الشغل الي يخليك مترجع للبيت للـ 2:00 بالليل؟

عبدالرحمن: كتلج لتسويلي تحقيق كتلج شغل و نتهت السالفة

ورد: لا ما نتهت شلون تنهيهة هيج

عبدالرحمن: ورد اسكتي كافي تعبان

ورد: شلون اسكت بالله وين لكيتهة هاي اي وحدة بمكاني تسوي نفسي زوجي طالع من البيت وية وحدة و ميرجع لاخر الليل وتسكت وليش تعبان عيني ليش شنو الشغل الي متعبك لا حبيبت الگلب تعبتك

عبدالرحمن: شدتحجين انتي شنو حبيبت الگلب منين طلعتيهة هاي

ورد: شنو منين طلعتهة مو هية تكلك مشتاقتلك ولحكتك من امريكة للعراق كل هذة الطريق شبعدة لحكتك وجتك للبيت وانتة البارحة الليل كلة يمهة وتگلي منين طلعتهة

عبدالرحمن: ورد شكلهة الغيرة عامية عيونج هسة من تهدين راح تتندمين لان حجيتي هيج واسكتي ولتوازيني امد ايدي عليج

ورد:«بصوت عالي » لا عوزة تمد ايدك علية وعلى شنو تمدهة بالله

عبدالرحمن: لتصيحين