عبد الرحمن : جهزت نفسي وطلعت طبعا طلعنة من وكت لان الطريق بعيد لان ساكنين بمحافظات مختلفة وعلمود منتاخر طول الطريق وامي تنصح بية ولتسوي هيج ولتحجي هيج و من هاي السوالف البايخة اني ما اهتم بالجمال اهم شي عندي الاخلاق واهلي نفس الشي مرت ساعتين وطبعا ابوية مقبل يروحلهم بأيد فارغة وشترينة حلويات بالطريق وصلنة نزلت امي من السيارة طبعا جانت كلش فرحانة وابوية نفس الشي دكيت الجرس وطلع صديق ابوية سلمنة عليهم وامي دخلت جوة واحنة كعدنة بالاستقبال شوية حجو ابوية وصديقة من هاي السوالف الي متعجبني ..
ابو احمد : يا هلة ومية هلة نورتنة او عبد ..
ابو عبد « اختصار عبد الرحمن » : بوجودك اخي و الله كلش فرحت من انطيتني بنتك الابني عبد الرحمن..
ابو احمد : ولو هذا فخر الي من ابنك يتزوج بنتي ..
******* لننتقل يم ورد *******
ام عبد : ما شاء الله تبارك الرحمن والله يا ام احمد بنتج اية من الجمال الله يخليهة الج ..
ام احمد : تسمين ام عبد ويخليلج ولدج ..
ام عبد : اذا ما بيهة زحمة بس اريد اشوف شعرهة ..
« اهووو بدة سوالف العجايز اريد اشوف شعرهة واريد اشوف رجليهة واديهة ومشيتهة وشلون تطلع اذا تلبس بنطرون وشلون تطلع اذا تلبس تنورة 😩 سوالف سخيفة خلي نكمل القصة 😜 »
ام احمد : مو تدللين ورد نزعي الشال خلي تشوف شعرج ..
ورد : ضليت صافنة من طلبهة بعدين سمعت امي دكلي نزعل الشال ونزعتة ..
ام عبد : هذة لون شعرج الطبيعي لو صابغتة ؟
ورد : طبيعي ..
ام عبد : همزين سمعنة صوتج انتي شكد عمرج ..
ورد : 17 ..
ام عبد : بعمر بنتي جمانة ..
ام احمد : الله يخليهة الج ..
ام عبد : تسلمين ، بس اذا ماكو زحمة ..
ام احمد : تفضلي مابيهة اي زحمة ..
ام عبد : ابني عبدالرحمن يريد ايشوف ورد ويحجي وياهة ..
ام احمد : اي اكيد اصلا ابو احمد حاجاني بهاذة الشي وما عندي مانع ..
******** يم عبدالرحمن ********
عبدالرحمن : جنت كاعد وجتي دخلت امي علينة للاستقبال و ياهة ورة جبيرة وراهن بنية شابة كعدنة وكعدت البنية كدامي امي جانت كاعدة بصفي شوية وهمستلهة .. يوم اريد احجي وياهة وحدنة...
ام عبد : مو تدلل ، اشرت لابو عبد ..
عبدالرحمن : ما شاء الله ابوي وامي بالاشارات شوية وابوية كال لابو احمد وبقينة بس اني والبنية بالستقبال والبقية طلعو للحديقة ..
عبدالرحمن : اني عبدالرحمن وانتي ؟
ورد : ورد ..
عبدالرحمن : شكد عمرج ؟
ورد : 17 ..
عبدالرحمن : تدرسين ؟
ورد : اي ..
عبدالرحمن : تنهد اني مخلص دراسة واشتغل بشركة اجنبية ..
ورد :امم ..
عبدالرحمن : انتي هيج هادئة لو بس كدامي ؟
ورد : هاي طبيعتي ..
عبدالرحمن : ما راح تسأليني علة شخصيتي متردين تعرفين اي شي عني ..
ورد : هئ « بمعنى لا »
عبدالرحمن : زين شنية طلباتج ؟
ورد : دراسة ..
عبدالرحمن : ماشي بس دراسة والمهر ؟
ورد : هذة الشي يبقة يم ابوية ويمك ..
عبدالرحمن : وانتي متردين شي ؟
ورد : هئ « بمعنى لا »
دخلت ام عبد ...
ام عبد : هاا يومة خلصتو حجي ؟
عبدالرحمن : اي يمة خلصنة ..خلصنة ورحنة للبيت طبعا امي عاجبتة البنية وماوفقة وقررو اسبوع الجاي الخطبة وراهة العرس عل سريع خاف اغير رأيي ..
********** يم ورد **********
ورد : خلصو وراحو واني صعدت للغرفة وضليت ابجي نمت وماصحيت لثاني يوم كعدت الصبح الساعة 4 توضيت وصليت و ردت اقرة قرآن بس ما اعرف وين حاطي نزلت للمطبخ اكيتة كلة مواعين وصخة مال العشة غسلتهن وبعدين رحت للحمام لكيتة كلة هدوم شغلت الغسالة وغسلت الهدمو الملونة وحد والحدوم السودة وحد والبيضة وحد حتى متندمج الالوان نضفت البيت وخلصت باوعت عل ساعة جانت 8 شغلت التلفزيون وضليت الكلب بالقنوات بعدين حسيت نفسي جوعانة رحت للمطبخ فتحت الثلاجة لكيت بيهة اكل من البارحة مال العشة حميتة وكعدتت اكل خلصت وجنت كلش ضايجة حتى موبايل ماعندي اخذو مني رحت لجنطة مال احمد طلعت الابتوب وكعدت فتحت نت وضليت الكلب ما ادري شلون ما حسيت وطار الوكت وصارت 10 كعدو كلهم سديت الابتوب وصعدت لغرفتي شوية واجتي علية عسل كالتلي حضري نفسج راح نروح انجيب الذهب لان الثلاثاء تعقدون عند السيد وراهة بالمحكمة ..
ورد : ماشي ، حضرت نفسي ورحت طبعا رحت بس هيج لان ام عبدالرحمن وامي اختارو الذهب والملابس واني ضليت بس ساكتة ولافندي الي راح اتزوجة كلشي ميحجي بس يدفع من هسة معقد ..
عبدالرحمن : اه نمشي بالسوك و هنة يشترن واني ادفع كسرنهن لرجلية بس بمشن و ورد بس تمشي ماسمعت صوتة شنو هل تعقيد هاي باجر عگبة شلون يطلعون جهالنة هم معقيدن نفسنة ههه حلو يعني ماكو هوسة بالمستقبل ..
ام عبد : يمة شبيك تضحك وية نفسك ؟
عبدالرحمن : لا مابية شي بس تذكرت شي وضحك ..
ام عبد : هاا شنو رأيج بنتي ورد بالذهب والملابس حلوات ؟
ورد : كلشي من ايدج حلو خالة ..
ام عبد : يلة وليدي عبد هسة ويدينة لشي مطعم نرتاح بي لان تعبنة ..
عبدالرحمن : حقج تتعبين تدرين هذة المحل مرينة من گبالة 3 مرات هسة عبالة ضايعين بالسوگ ..
ورد : رحنة للمطعم وطلبنة كباب وراهة رجعنة وضلت عسل هي وامي يگلبن بالمهر او النيشان « احنة عدنة انسمي النيشان » واني رحت بسابع نومة من التعب ..
يتبع ...
أنت تقرأ
زَوّجٍّتُّي اٍّلَّغٌّريبّْة
Teen Fictionقصة تتحدث عن فتاة تعاني من مشكلة مع ابيها منذوا والدتها هو ان والدها يكره الفتياة وبسبب ذلك سوف يربها عمها لاكن في سن 10 من العمر سوف يموت عمها وعائلته في حادث فيأخذها اخيها الاكبر الى امريكا لاكن بعد مرور 7 سنوات سوف تعود الفتاة مع اخيها وزوجت اخيه...
