تركت ورد عبدالرحمن يحجي وية كريسي وطلعت من الغرفة نزلت للصالة جانت جمانة كاعدة تباوع على التلفزيون راحت يمهة وهية تتأفأف ..
جمانة: هاا ورد صاير شي
ورد: « بأنزعاج » لا
جمانة: 😒 احجي شصاير
ورد: اففف افف غير اخرج
جمانة: عبدالرحمن؟ !
ورد: اي
جمانة: خير شبي هذة شسوالج؟
ورد: « ما كدرت تضل ساكتة لان جانت محتاجة تحجي لاحد » افف هاي صديقتة كريسي من جنة بأمريكا وهية تحاول تتقرب من عبدالرحمن لا ولاخ مكيف و ميصدهة ولا عبالك اني زوجتة وهية كل الوقت تتقرب منة وتضحك و لا كأنو متزوج
جمانة: امممم غيورة
ورد: منو؟ اني! لا على شنو اغار
جمانة: ايي صحيح هسة نعرف
ورد: شنو قصدج
ضلت جمانة ساكتة وهية تباوع على التلفزيون ورة دقايق التفتت على ورد ..
جمانة: بس هوة شلون يحجي وياهة شنو ما مخليلج اعتبار
ورد: ايي هوة هذة الي مضوجني بعدين ليش كل ما اتصلت علية هوة يرد
جمانة: شوفي حبي الي تحاول تقترب من زوجچ لازم تسوين كلشي حتى تبعديهة عنة
ورد: حاولت قبل بس ما نجحت
جمانة: «باوعت على ورد من فوك ليجوة » وبهذة الشكل والملابس؟!
ورد: ليش شبي شكلي و ملابسي شبيهة؟
جمانة: حبي شوفي حواجبچ كل واحد شعرضة و ممرتبات وجهج كلة شعر بعدين اني متأكدة حتى حمرة محاطة كل حياتج «قصفتهة 😂»
ورد: اشكرج كلش ساعدتيني «بصوت ناصي » من هذة حتى مينام وياي
جمانة: «سمعتهة » شنوووووووو لحد الان منايمين سوة
ورد: هسس فضحتيني
جمانة: عززززة صارلكم هواي سوة ولحد لان ما مسوين شي
ورد: شنو قصدج
جمانة: شبيج هذيج الشغلة
ورد: «بخجل » اسكتي لج
جمانة: اذا ماخلي يركض وراج ما اسمي جمانة
ورد: هااا؟ ! مافهمت
جمانة: انتي شكلج كلشي متفهمين امشي حضري نفسج خلي اخذج للكوافير وبالطريق افهمج كلشي
ورد: بس عبدالرحمن
جمانة: شبي؟
ورد: خاف ميقبل
جمانة: مو هية بكيفة يلة كومة ربع ساعة واريدج جاهزة حتى منتأخر
ورد: اوك
راحت ورد للغرفة حتى تجهز نفسهة لكت عبدالرحمن بعدة يحجي وية كريسي عصبت ورد منه واخذت الملابس ودخلت الحمام بعد دقايق طلعت ولكتة بعدة يحجي وية كريسي ضلت تمشي بالغرفة تحاول تجذب انتباهة بس لا حياة لمن تنادي وكأنو وجودهة وعدمة نفس الشي جهزت نفسهة وطلعت من الغرف وسدت الباب بقوة ..
عبدالرحمن: هههههههه
ضحك عبدالرحمن بعد ما طلعت من الغرفة لان عرف هية غيرانة من كريسي الي حجة وياهة بس خمس دقايق ولحكهة من راحت وكعدت يم جمانة وسمع كل كلامهة وقرر يمثل على انو ما منتبه الهة وهوة بعدة يحجي وية كريسي
نزلت ورد وهية معصبة ولكت جمانة تنتضرهة وهية مبتسمة ..
ورد: على شنو مبتسمة
جمانة: دا اتخيل ردت فعل عبدالرحمن من نرجع
ورد :لتفرحين هواي هوة مو مهتم
جمانة: انشوووف
ورد: 😒😒
جمانة: يلة خلي نروح حتى نلحك ورانة كومة شغل
راحن ورد وجمانة للكوافير و سوو كلشي بعد ساعات طويلة رجعوا للبيت والكل تفاجأو بـ ورد لان شكلهة متغير وصايرة احلة ..
ام عبد: اللهم صلي على محمد يمة بنيتي طالعة گمر
ورد: «بخجل » شكرا عمة
ام عبد: يمة بنيتي ورد لتكولين عمة صيحيلي ماما
ورد: ان شاء الله عمة اقصد ماما
الكل :ههههههههه
دخل عبدالرحمن
عبدالرحمن :السلام عليكم
الكل: وعليكم السلام
عبدالرحمن: «همس لأمة » ماما منو هاي الحلوة
ام عبد: عزة العزاك يا عبدالرحمن
عبدالرحمن: ليش يمة شمسوي
ام عبد : شلون ما عرفت مرتك
عبدالرحمن: «بصدمة » هااا
يتبع ....
***************
شنو رأيكم بالبارت ؟
ممكن طلب يالغوالي؟
صديقتي سوت حساب جديد وخسرت كل متابعينهة ممكن اتابعونهة
وشكرا 😍😘
أنت تقرأ
زَوّجٍّتُّي اٍّلَّغٌّريبّْة
Teen Fictionقصة تتحدث عن فتاة تعاني من مشكلة مع ابيها منذوا والدتها هو ان والدها يكره الفتياة وبسبب ذلك سوف يربها عمها لاكن في سن 10 من العمر سوف يموت عمها وعائلته في حادث فيأخذها اخيها الاكبر الى امريكا لاكن بعد مرور 7 سنوات سوف تعود الفتاة مع اخيها وزوجت اخيه...
