زَوّجٍّتُّي اٍّلَّغٌّريبّْة

الحلقة2

ورد : شفت الخمسة يحجون سو ويتشاقون واني جنت مثل الاطرش بالزفة كلشي بس الي جان معجبني سلامهم الثگيل وية عسل مهتميت جنت صافنة عليهم جنت كلش متشوقة اشوف خواني الكبر مني وهسة شفتهم و بعد ما شفتهم تشوقت اكثر لشوفت امي اسئلة هواية عندي اريد اله اجوبة بس راح الكي الاجوبة عدهم هاي الفكرة ما راحت عن بالي طول الطريق وصلنة للبيت و اخواني تسابقوا منو راح يدخل اول واني جنت متصنمة بمكاني جنت كلش خايفة لزمتني عسل من ايدي وجنت كلش متفاجئة من حركتهة اكيد سوة هيج حتى تبين كدام اهلي حبابة ..
عسل : شفتهة كلش متوترة لا اراديا لزمت ايدهة و جانت كلش متفاجئة سحبتهة ودخلنة طبعا اول مدخل احمد بدة الهلاهل و الچكليت يوكع من فوك علينة و الورد نفس الشي جانت ورد بكل خطوة تشد بايدي بقوة من خوفهة و توترهة ..
ورد : شفت مرة جبيرة بالعمر لازمة احمد و تبوس بي وتحضن و عسل تركت ايدي وراحت عليهة وسلمت عليهة اني جنت واكفة يم الباب و جسمي متصنم جتي علية بنية يطلع عمرهة 10 ..
البنية : خالة هاي منو وتأشر علة ورد ؟
ورد : اجتي علية عسل ..
عسل : هاي ورد اخت احمد ..
بكر : هاي اختي الصغير ورد جانت يم احمد بأمريكا وهسة اجتي ..
ورد : اجتي امرة الجبيرة الي جانت يم احمد و حضنتني وضلت تبجي واني عرفتهة مني هاي نفسهة الي جنت متشوقة اشوفهة واشم ريحتهة حضنتهة حيل و صرت ابجي وياهة وجانت تلفض كلمات وهي ..
ام احمد : الله يعينج بنتي الله يعينج الله فوك وراح يصبرج ..
ابو احمد : بصوت مخيف يلة كملتو طبو جوة عندي حجي وياكم ..
ورد : عرفتة ابوية من صوتة المخيف عافتني ولحكتة جوة واخواني جانو واحد يباوع عل لاخ ميعرفون شيريد دخلنة بالستقبال على ما اعتقد ..
ابو احمد : عندي كلمة وراح تتنفذ بدون الي رفض والي يرفض يرگع راسة بالحايط ماشي ..
الكل : حاضر ..
ابو احمد : هاي البنية واشر علة ورد .. راح تتزوج ..
احمد : شنو تتزوج يابة ترة بعدهة صغيرة مو مال زواج ..
ابو احمد : انت انجب اريد ازوجهة واخلص منهة شو ميصير يبقة اسمهة مربوط باسمي اريد احطهة علة ذمت رجال واخلص ..
احمد : ميحقلك هيج تسوي هاي البنية الي تريد تخلص منهة اني الي ربيتهة مو انت ..
ابو احمد : انت انجب و ما اريد اسمع منك ولا كلمة فتهمت بعدين الولد راح يجي باجر وية ابو ديشوفهة اني هديتهة الة ..
بكر : يعنب ما طلبوهة منك انت هاديهة الهم ..
ابو احمد : اي اني الي هديتهة الهم عندك مانع استاذ بكر ؟
احمد : ورد انتي سمعتي كلشي وفتهمتي انتي قابلة بهذا الشي ؟
ورد : جنت ساكتة واسمع كلشي وفجاة سمعت احمد يكولي انتي موافقة ما عرفت شجاوب لان ابوية متخذ القرار وبدون اي شي هو يكرهني وميرغبني واذا رفضت راح يكرهني اكثر عل اقل هو سوالي فضل من خلاني ارجع للعراق واشوف امي واشم ريحتهة و اشوف خواني لفضة كلماتي واني بعقلي رد الجميل الي سوا الي . اني موافقة علة كلشي يريدة مني ..
احمد : ههههههه لا تشاقين مو لج راح تزوجين تعرفين شنو يعني راح تزوجين ؟
بكر : احمد علة كيفك ..
حذيفة : احمد هية موافقة لتعب نفسك ..
احمد : اسكتو انتو الاثنين لكم هاي اني الي ربيتهة كبرت بين ادية واني ما موافق فتهمتو ؟
ابو احمد : اسسس ولا كلمة انت تعرف شسوي للي يكولي لا ..
تسريع احداث ..
اجة ثاني يوم « هسة خلينة نكلب يم البطل عوفو البطلة ترتاح شوية من السفر »
**********
عبد الرحمن : اني شاب عمري 25 اشتغل بشركة بالخارج وضيفتي عالية وراتبي هم عالي وحالة عائلتي كلش زينة عند خوان ثنين واحد دكتور والثاني طالب جامعة واختي صف رابع علمي ابوية موضف حكومي متقاعد وامي نفس الشي لهذا السبب ما ناقصنة شي المهم خلي اوصف نفسي او شخصيتي اني شخص هادء و ما احب المشاكل و ما اسوي شي الة اذا اني اريدة شخصيتي غريبة عصبي صعب الكي شخص يفهمني وهاي الصفة اكرهة بية كتوم و اهم شي عندي عائلتي وشغلي ادري بنفسي مغرور المهم ابوية يريد يزوجني بما انو اخوي الاكبر مني متزوج واني حطية البوية خيار صعب انو اني اريد بنية عراقية بس ساكنة بالخارج وتعرف حياة الاجانب زين طبعا ابوية بقة هواية يدورلي علة بنية وهو وامي بالاخير طلع صديق ابوية صفح وهداني بنتة والاصت الشغلة علية وهسة لازم التزم بكلامي واتزوج البنية و بعد ساعتين تروح اشوفهة وتحجي وياهة علمود اتعرف عليهة ومن هاي الشغلات الي ما يهمني ..

يتبع ..

لاتنسو « الفوت » 😍 « الكومنت » 💋
ولاتنسو التعليق مكتوب به أرائكم 😄..