مدري شمالهم
كلمن يحب نفسه
وكلما احجي..
روحي تصيح مو هسه
وصل حده التعب تندسني دمعي يطيح
بعد ما جان گلبي ولاية الونسه
سلبوا راحتي
ونشدوني ها مرتاح !
شگد ميت ضميره اليجرح وينسى «منقولة »
********************
ابو احمد: «بغضب وصياح » كتلك وخر
.........:ليش حتى تضربهن؟
ابو احمد: احمد وخر لو يصير تصرفي غير شكل
احمد: شوف اني صبرت على تصرفك هواي بس مال تجي تضرب اختي وامي مستحيل اسكت على هذة الشي
ابو احمد: هيج الحجي يعني لم غراضك واخذ مرتك واطلع من البيت بعد مالك عيشة هنا
احمد: اصلا اني الي مستحيل ابقة هنا « بصياح» عسل لمي غراضنة احنة ماشين منا بعد مالنة عيشة بهاذة البيت الاكشر الي مليان حقد وكره
عسل: بس وين نروح
احمد: عسل امشي لمي غراضج
دخلت عسل و احمد اتصل على اخوانة حتى يجون للبيت ورة نص ساعة الكل مجتمع واجوي حذيفة و محمد و بكر و عثمان وجانو كلش ضايجين من الي سوا ابوهم ..
محمد: يابة هذة الشي غلط
ابو احمد: شنو الغلط بلة؟
عثمان: طرد احمد هو اكبر غلط
ابو احمد: انجب الي يسوي مثلة هم مالة كعدة بيتي
بكر: اوك لعد اني هم مالي كعدة بهذة البيت لان مستحيل اشوف امي واختي متأذيات واضل ساكت
حذيفة: اني هم وياك
بكر : ماما ورد حضرن نفسجن طالعين
ام احمد: يمة وين نروح هسة
بكر: لتخافين اني ادبرهة
ام احمد: لا يمة اني ماعوف بيتي شيكولون علية العالم
ورد: ميحتاج تعوفون البيت هسة اتصل على عبد الرحمن يجي ياخذني ما محتاجة شفقة احد
محمد: شنو ترجعين هو مو طلكج شنو ماعندج ضهر انتي
ورد: هو طلكني مرة وحدة و يريد يرجعني واني هم اريد ارجع
حذيفة: ورد اسكتي احسلج ماكو رجعة
ورد: بصفتكم منو تمنعوني ارجع لزوجي
حذيفة: شنو بصفتنة شنو احنة خوانج
ورد: «بصياح » همزين تذكرتوا عدكم اخت 17 سنة ولا واحد منكم فكر يسال علية وهسة جاين تفرضون ارائكم علية لا والله محد راح يفرض راية علية والي اريد يصير
ابو احمد : لج بربـ....... اسكتي لا اكوم اموت
بكر: هو لو بي خير ما طلگج بعد ماكو رجعة
ورد: مو بكيفك
بكر: اسكتي اخسلج رجعة بعد ماكو
ابو احمد: اي يابة قرروا بكيفكم ولا كأنو اني موجود
محمد: مع احترامي بس رجعت ورد لعبدالرحمن شيلهة من راسك
ورد: «بصراخ » مالكم دخل بعدين اني جبرتة يطلكني واريد ارجع
بكر: «بصياح » ورد اسكتي دكلج ماكو رجعة تموتين هنا ولا ترجعين بعدين من البداية ما جنة موافقين على هذة الزواج
ورد: مو بكيفكم رجعوني لزوجي يا عالم ماريدكم بعدين اني جيت حتى اشوف موقفكم بس مو اضل طول عمري يمكم بعدين عبدالرحمن ما مقصر وياي
بكر: لا صدك ما مقصر من يطلع يسهر و ميرجع الاخر الليل و يطلع وية البنات و حارمج من الدراسة هذة كلة وما مقصر
ورد: «بصدمة » منين جبت هذة الحجي منو كلك هيج شي وشدراك عبدالرحمن جان يسهر؟
بكر: والله يا عيني اصلا زوجوج عندة علاقة وية وحدة اجنبية و متزوجهة بالسر
ورد: «بصدمة » منين جبت هذة الحجي مستحيل ماكو هيج شي من سابع المستحيلات عبدالرحمن يتزوج هو يحبني اني
حذيفة: ليش ما فكرتي ليش زوجج جان يطلع وياهة وهي لحكتة من امريكا لهنا شنو معناتهة
ورد: انتو شدراكم بهيج حجي
جانو يحجون وابو احمد بحالة صدمة صحيح هو ميريد ورد بس هية مرتبطة باسمة يعني اي شي يطلع عليهة من حجي مرجوع علية
ابو احمد: «بغضب » ماكو رجعة اكطعي نفسج بعد متصيرين الة مرة هيج رجال ماتشرف بي يكون نسيبي و اتصلوا علية خلي يجي طلگهة بالثلاث
ورد: مو بكيفكم ماريد اطلك والله اكتل روحي
ابو احمد: بعد احسن اذا تكتلين نفسج ونخلص من جهرتج
*****************
شنو رايكم بالبارت ؟
توقعاتكم للبارت الجاي شنو؟
تعتقدون صحيح حجي بكر انو عبدالرحمن متزوج بالسر لو هاي لعبة ؟
القاكم في البارت القادم ...
أنت تقرأ
زَوّجٍّتُّي اٍّلَّغٌّريبّْة
Teen Fictionقصة تتحدث عن فتاة تعاني من مشكلة مع ابيها منذوا والدتها هو ان والدها يكره الفتياة وبسبب ذلك سوف يربها عمها لاكن في سن 10 من العمر سوف يموت عمها وعائلته في حادث فيأخذها اخيها الاكبر الى امريكا لاكن بعد مرور 7 سنوات سوف تعود الفتاة مع اخيها وزوجت اخيه...
