...........:شكلتي؟
عسل: عمة؟!
ام احمد: «راحت على ورد ولزمتهة من زندهة » لج احجي شمصخمة
عسل :«بخوف »عمة اهدي خلي نفتهم كلشي ينحل بالتفاهم
ام احمد: « بغضب » يا تفاهم هذة لج تدرين لو درة عمج شيسوي يدفنهة هية وعايشة
عسل: عمة شنو الحل هسة؟
ام احمد: شوف خليهة هنا لتخليهة تطلع لازم نلكة حل لهاي المصيبة
ورد: وشلون راح تحليهة بالله
ام احمد: انتي سكتي ولا حرف مادري شلون راح تفض هاي المصيبة
............ لج ام احمد وينج
ام احمد :«بخوف » اصخام اجة ابوج عسل خليهة هنا لازم ميشوفهة لما الكي طريقة حتى اكولة بيهة
ورد: « بنرفزة » وخرن على شنو كل هذة الخوف
ام احمد: لج ماما وين رايحة
ورد: اصلا اني مجاية اختل اني اريد افتهم
عسل: تفتهمين شنو؟
ورد طلعت وعافتهن وحدة تباوع على الثانية نزلت وراحت وكفت كدام ابو احمد ..
ابو احمد: انتي شجابج هنا؟
ورد: وين اروح لعد ؟
ابو احمد : احجي عدل شنو جابج هنااا 😡
ورد: عبدالرحمن طلگني
ابو احمد: شدتحجين انتي خبلة؟!
ورد: لا اذا متصدك اتصل علية وسألة
ابو احمد: « اتصل على عبدالرحمن » الوو
عبدالرحمن: هلا مرحبا عمي
ابو احمد: صدك انت طلكت ورد؟
عبدالرحمن: اي بس..... « انقطع الاتصال »
.................
ابو احمد: «لزم ورد من شعرهة » لج شمسوية حتى طلكج ؟
ورد : اه عوفني اه
ام احمد: عيني فدوة عوفهة « تحاول تفلت ورد من ايدة »
ابو احمد: «دفع ام احمد » وخري هاي الكحـ...... اريد اعرف شمسوية وزوجهة طلگهة
ورد: عوفني شنو ذنبي اذا انت تكره البنات
ابو احمد: ذنبج جيتي لهاي الدنيا
ورد: هدني « وفلتت نفسهة » اريد اعرف ليش تكره البنات ليش شمسويلك احنة هاا ليش انتة منو جابك لهاي الدنيا مو امك ؟ امك هم جانت بنية مثلي لا هية غير امي زوجتك هم جانت بنية مثلي ليش هنة وحد واني لا تكرهني ابد ماخليتك تنزل راسك و كلهة تعرف اخلاقي شنية و بحياتي ما سويت شي غلط حتى تكرهني اريد افتهم ليش تكرهني من جيت لهاي الدنيا واني ماعرف شنو حنان الام ولا حنان الاب لك انت حرمتني من ابسط حقوقي لا تضن الله راضي عنك لان انتة حرمتني من طفولتي شنو الفرق بيتي وبين اخواني كلنة من نفس البطن و نفس الاب شنو ذنبي جيت للدنيا بنية هاا تكدر تكلي ليش؟ انتة منو حتى تعترض على خلقت الله هااا؟
ابو احمد: « بغضب » صاير عندج اللسان بربـ...
وصار يضرب بيهة بكل قوتة الى ان زورك جسمهة ..
ورد: «ببكاء » الله فوك ويشوف ظلمك يا ظالم
ابو احمد: « بغضب » لج الظاهر بعدج ما فتهمتي
ورجع يضربهة
ام احمد: « ببكاء و خوف » عسل اركضي اتصلي على احمد و الولد خلي يجون يخلصون ورد من ايدة احنة منكدر انسوي شي
عسل: هاا اي هسة « وراحت تركض لغرفتهة »
ام احمد : « راحت حضنت ورد » اعوفة لخاطر الله عوفهة الله يخليك
ابو احمد: انتي انجبي و خري منا
صار يضرب اقوة بس الضرب كلة على مرتة ام احمد لان حاضنة ورد و متخلي يضرب بيهة
ابو احمد: « بصياح » لج وخري « وسحب الاحزام»
رفع ايدة حتى يضربهة بس ايد وكفتة ..
ابو احمد: لك عوفني ...
........ : « بصياح وغضب » لا ماعوفك وانت كلش تماديت ايدك اذا مديتهة اكسرهة فتهمت.
***************************
مرحبا شلونكم شخباركم؟ اسفة على التاخير الطويل بتنزيل البارت بس والله جانت عندي ضروف تمنعني اكتب او انشر اسفة اسفة اسفة سامحوني 😣 بس ان شاء الله اعوضكم وراح اكتب وانشر اكثر انتضرو البارت الجاي بالليل واريد توقعاتكم للبارت القادم وادري البارت قصير بس والله كتبتة على السريع لخاطركم
شنو رأيكم بالبارت؟
منو تتوقعون الشخص المجهول؟
أنت تقرأ
زَوّجٍّتُّي اٍّلَّغٌّريبّْة
Teen Fictionقصة تتحدث عن فتاة تعاني من مشكلة مع ابيها منذوا والدتها هو ان والدها يكره الفتياة وبسبب ذلك سوف يربها عمها لاكن في سن 10 من العمر سوف يموت عمها وعائلته في حادث فيأخذها اخيها الاكبر الى امريكا لاكن بعد مرور 7 سنوات سوف تعود الفتاة مع اخيها وزوجت اخيه...
