Bág-o magsírak an adláw
Ako mamatá, mamáhaw
Mákape maski na lasáw
Makáon maski na báhaw
Kag nakatáklos sin súndang
Mangángul warán baidán
Bagán lagádi an gibáng
Kag punô na sin kaláwang
Pabukíd warán tsinélas
Igwa man ako birigtás
Sa tunók sa dálan samád
Sa ínit san dútà lumpát
Pag-abót sa ákon umá
An ákon tanóm luyós na
Kay an dúta mara-mára
Pán-o harayó an subâ
Kapagál san para-úma
Warán áni kapóy ka pa
Pán-o an ákon pamílya?
Náno'n ihátag sa índa?
Kapagál san parého ko
Kun ígwa man áni akó
Báklon man peró baráto
An kápoy katúmpar séntimo
Mapagál an para-úma
Peró guinabáton ko na
Ámo la iní'n ákon káya
Di na mahánap pa'n ibá
BINABASA MO ANG
Kurit and Other Poems
PoetryA poem is partly like a recipe. A poet has to have a cupful of experiences, a spoonful of creativity, a tinge of inspiration, and a bit of solitude. These pieces are combined and mixed without any external stirring but by a mere desire for self-expr...
