اللايك حق علي دا بهدلني بهدله حسيتو بس قشطني كف..😐 قلت معقوله يا ريان انتي زوله كبيره وواعيه عمرك 26 سنه 😕لو جا اتكلم معاك وقفي في حدو لانو دي حاجه خاصه بيك😠 ونفخت ليك نفسي بالكلام ورقدت😁 ..مرت الايام انا وحسن عرسنا وديك يا الصاله الما خمج😍 وماسكني من يدي ولابس البدله يا يمه ومحنن انا بالزفاف جمبه😍 والبخور مطلوق والجرتق ...ورش اللبن هو رش فيني وانا مسكت الكبايه ورشيته 😍وكل ما ارشو يجلي وتاني أملا خشمي بس فجأه في زول قشطني كف قال لي بتبزقي وتكوركي مالك نص الليل وانا صحيت بوجع شدوق من النفخ 😂وانا فيني باقي نعسه وبعد الكف انا ما مصدقه انو دي حلمه اصلا 😂 قلت لأمي حسن وينو .😲.امي قالت لي حسن منو يا بت الحرام دايره تجيبي لي جريمه اتي..😒 قلت ليها كنا مسافرين بعد الجرتق 😍..سعدلتني بالتاني وقالت لي جابت ليها سفر .😒. لمن لقيت روحي في سريري لمن بكيت😂 اصبحت الصباح علي اخوي شغال مهندس في المصنع بجيهو الترحيل من 5 بمرق😋 ..وانا صاحيه 6 معناها يعني علي بكون مرق شلت فرشتي وخاشه الحمام لمحتو ليك في البرنده.. جيتو بتظارف عشان ما يفتح معاي موضوع بالليل 😂😂 قلت ليهو علوش شنو ماف شغل الليله ولا شنو 😁..قال لي العروس 😑بس كانو كشحو فيني جردل مويه بارده.. 😂 قال لي دا شنو المهبباهو امس دا.😡.. قلت لي دا بدل أكتب ممنوع الخاص😁 دي الوهمه الجديد ياا ..وضحكت بصوت عالي وضربته في كتفه نظام بتظارف والحاله وحده 😅لقيتو لسه صاري..😰 رجعت سنوني براحه واحترمت نفسي قبل ما تجيني سفنجه طايره 😂 ومشيت سريع وانقشطت في الحمام.... استحميت جاني تلفون من ولد جيرانا قال لي انا ماشي الشركه لو ماشه معاي اجهزي كلمت أمي قالت لي مافي عوجه عشان أرتاح من وشك دا😓
المهم قشرت قشره تمااام ومرقت لمن بقينا في الزلط مستنيين المواصلات لمحت حسن واقف ف الصيدليه😍 قلت لمحمد نمشي شويه كدا لحدي ما تجي مواصلات وبقينا ماشين قام تلفوني دقه.. فتحت لقيته حسن قلت ألوو..😍. قال لي ازيك.. 😍قلت ليهو تمام وانت.. 😍قال لي بعد شوفتك ولا قبل شوفتك ( يلا دا الكلام الببشتن حالي وبخليني اتعولق وما اقدر أتحرك) ابتسمت ابتسامتي المعولقه المعتاده وقلت ليهو الاتنين.. ونسيت ليك محمد انو واقف جمبي😂 قال لي قبل ما اشوفك كنت مستاء ويومي عاضي هسه بعد ما شفتك ياداب يومي بدا... 😍 يلا كرعيني دخلو ف بعض وبقيت عايشه ف دنيا تانيه ومحمد واقف بعاين لي..😂 ..طوالي حسن قال لي دا منو المعاك دا..😒 قلت ليهو دا محمد ود حلتي وقرا معاي😶.. قال لي أممم 😒حسيته م طبيعي قلت ليهو مالك... قال لي وانتي ماشه معاهو وين😒.. قلت ليهو عايزين نقدم لشغل ف شركه..😁 قال لي طيب يا ريان انتي ليه ما بتوريني.. ليه ما عايزه تتدخليني فيك وتديني فرصه اعرف كل حاجه عنك وفيك.😐. (طبعا انا الكلام دا انا من سمعته حيلي ما شالني😍) قلت لي ف سري انا ابقي ليك اشعة x ) المهم ولو ما جات حافله وانا ركبت كان سمعتو بي في مستشفي القلب) 😂اها ركبت كدا قال لي بتصل ليك بعدين نتم كلامنا.. وقفلنا😅.. قعدت في كرسي فاضي جمب الشباك الجمبو كرسي النص وتكلت راسي في القزاز واديتها وضعية الهائمه في دروب العشق.😂.. وشايفاهو واقف برا احححي انا (ربنا يحفظو لي كلو ببنطلون جنزيهو😍 وغمازاتو 😍وعروق يدو 😍وتفاحة آدمو😂) ولا ساعة يدو ونظراتو..😍. ولا في الاحلام... 😂اتلفت شمالي أشوف ليك واحد لابس ليهو شبشب بلاستيك طرقة آبري بس😂 ولابس ليهو قميص وبنطلون ومدقر طاقية الجلابيه البيضا دي في جلحاتو وخاتي ليهو سفه دقار..😂 رادمه في شلوفتو التحت دي لمن ما قادر يصم خشمو.. 😁طوالي استعدلت وقلت سلام قول من رب رحيم.. ختيت فايلي في رجليني واتمنيت زول ينزل عشان العولاق دا يقوم من جمبي.. 😂 شويه كدا مده يدو قال لي جيبي جنيه لمن جفلت..😯 قمت نكت شنطتي طلعت ليهو جنيه اديتو ليهو.. قام جاب لي وشو بقدام ورفع لي حواجبينو.😰. قلت سجمي الراجل دا ما نصيح.. شويه كدا مرق السفه من شلوفتو التحت ودردمه وختاها في الفوق 😰وبقي يعزف في شلوفتو التحت😰.. هنا انا اتأكدت انو الراجل دا مخو ما كويس.😭. بقيت اتضاير منو... فجأه مدا صدره لي قدام واتمغى ولطشني ام دلدوم في رقبتي لمن مشيت لقدام..😳قولة لوت دي لمن بقيت ما شايفه شي..😳. والمشكله انا بعاين للناس عشان يتكلمو معاهو مافي زول جايب خبري ولا هم ما شايفينو ما عارفه!😢 قمت علي حيلي قلت بنزل بس😥 المره دي دلدوم المره الجايه شنو 😅 بس مرق لي حديده من تحت الكرسي.(شفتو الحديده حقة العجله البكونو كتار حول اللستك بس زيها) 😂. انا طوالي قعدت.. قلت يلقاني قصادو طوالي يقوم يصقعني بيها.. 😂وانا من الخوف قلبي مرق من مكانو.. بلعت ريقي تزعطاشر مره وكتفي شغال هزاز...😅 بس شال الحديده الرقيقه دي ووزنها قصاد شدقي بس عيني دي رت تغمز براها وجاني ليك وجع بطن واسهال ولا دسنتاريا ما عارفه.😂. وهو يشيل ويوزن لي في شدقي بس دايره اخت يديني في وشي طزاني ليك في اضاني😂 المخادع المعولق دا 😶 يعني انت كنت وازن شدقي البوديك اضاني شنو انت ما بتشوف😭 بس كوركت باعلي صوت وهو زاتو بقى يكورك الناس لمو حكيت ليهم نزلوهو وانا قلت لمحمد بس راجعه البيت وحلفت ما بواصل قال لي طيب ركبني أمجاد😅 قلت ليهو انت امشي شوف نتيجتك وانا بصل البيت.. 😅 وضربت لحسن وانا في الشارع وببكي😭...واوفرت طبعا في الموضوع😂.. قال لي انتي وين انا جاييك قلت ليهو ما عارفه قال لي ادي التلفون لبتاع الامجاد.. اديتو التلفون بتاع الأمجاد قال ليهو انا جمب برج البركه قال ليهو اطلع لي من العربي وانا مسافة السكه بكون معاك المهم وصف ليهو مكان ينزلني فيهو بس نزلت كدا اشوف حسن وقف العربيه وجاني جاري وانا من شفته مرقت لي دميعات كان لازم اتم الدراما دي للنهايه 😂 قال انتي كويسه.. 😨دخلت يدي في الشنطه عشان احاسب قال لي لا انتي هبله ولا شنو.😟. ودفع لي قروش الامجاد ومسكني من يدي ساندني( وانا شدييييده ممكن اشيلو في صفحتي واجري بي 🌚😂 ) وصلنا العربيه قال لي وين الولد الكان معاكي وليه ما جابك.😦. قلت ليهو انا اصريت عليهو الليله كان عندو نتيجة المعاينه..😩 قال لي برضو كان يوصلك.. 😟مسك يدي قال لي ريان انتي ما عارفه انتي لمن ضربتي لي وبتبكي انا حسيت بشنو.😥. عارفه لو حصل ليكي شي انا اعيش ليه تاني.😥.. خلي بالك من نفسك عشاني.😥.. ف اللحظه ديك نسيت ليك طزة المجنون ونسيت ليك الدنيا دي كلها وبقيت مركزه مع حسن قام ابتسم قال لي شفتي النظره دي هي المبهدلاني ههه ( هو ما عارف اني متلشه فيهو) 😂لمن قلبي رفه.... واحنا طول الشارع بنتكلم لمن قربنا للبيت.. قال لي تاني يا ريان لو طالعه الدكان تكلميني عشان م اقلق عليك... ( قلت لي تقلق علي شنو هو ما عارف اني مخوفه عيال حلتنا 😂 وعامله ليهم ارهاب😂) قال لي خلي بالك من نفسك واول ما تصلي اضربي لي... ونزلت واول ما دخلت البيت ف خشم الباب اتصلت عليهو قلت ليهو انا وصلت قال لي تمام.. قفلت.. امي قالت لي مالك جايه بدري كدا قلت ليها هو انا وصلت😂.. وحكيت ليها..😂 قالت لي مالو ما سله عينك.😂... اليوم داك عدي واصبحت بصداع خرافي لبست عبايتي ومشيت الصيدليه لقيت دكتوره سمحه سماحة الحرامي السرق الساوند والحفله شغاله قاعده مع حسن بتونسو وبضحكو 😐من شفتهم الشيطان لعب لي في راسي
واتغظت لمن بهناك شافني وقف وابتسم..😇قلت السلام عليكم وقفت قالت لي اهلا اي خدمه.😊. قلت ليها عايزه مسكن للصداع.. 😐قال لي ريان كيفك قلت ليهو الحمد لله..😐. قال لي صحه وسلامه ما تشوفي شر مالك😇 قلت ليهو صداع بس.😁. قام اداني مسكن ومديت القروش قال لي لا..😑 واعرفك دكتوره ساره زميلتي في الصيدليه.. هي دوامها صباح وانا مساء.. قلت ليهو تمام شلت حاجاتي وطلعت ولا ختى استنيتو يتم كلامو ويعرفها بي... ما عارفه عملت كدا ليه😕 محتاره... المهم دق لي لمن وصلت رديت قال لي مالك... قلت ليهو مافي شي كنت مستعجله ومصدعه..😊. قال لي لا في حاجه تانيه.. وعلي فكره انا ما عندي ليها شي.. 😑قلت ليهو انت دوامك ليل ومداوم معاها نهار ليه..😕. قال لي الصيدليه دي حقتي انا لازم اجي اشوفها من فتره للتانيه دا كل الموضوع... 😐يا بت انا عايزك انتي..😣 ومافي بت ماليه عيني في الكون غيرك يا ريان.😣.. (يلا عايزك انتي دي) انا بالنسبه لي عرس عديل وكسرت الحنك وبقينا نتونس لكن يا خوفي منك يا دكتوره ساره...
يتبع....
