اليوم داك كلوو انا اتقلب ما نمت يا ربي انا قفلت الخط ولا خليته فاتح يا ربي بكون قفلتو طيب كان رجع تاني وعلي رد عليهو 😢💔 خلاص الفيني كملت انا للصباح عيني ما شافت النوم.. سمعت الصبح قمت اتوضيت وجيت صليت وقعدت في المصلايه ورفعت يديني وقلت يا الله هيييي الليله تفك كربتي ويا ربي تفك كربتي بس جاتني أمي جاريه ( ريان كربة شنو دي الله يفكها ليكي ..انتي حامل يا بتي 😭 قلت ليها حامل شنووو 😅 يمه عليك الله بطلي شغل المسلسلات دي قالت لي انا امك وريني مافي زول بسترك غيري 💔😭 ) .. قلت ليها يمه عليك الله دا شنو الكلام دا بسترك وبتاع 🌚 ما في شي..🌚✋ علي دا بس شال تلفوني قبضني بتكلم.. 😰 قالت لي يتكلمو بكلامك انتي يا المسنوحه مية مره كلمتك تقفلي باب الاوضه😰.. وانا براي متوتره وشلاليفي بقن يرجفن هبابه بس من الخوف.😰. زي الساعه 6 كدا اسمع ليك علي بكورك لي بأعلي صوت😩.. بس قريت سدا ومرقت..😩 أداني التلفون قال لي دقي ليهو وافتحي الإسبيكر 😰قلت لي هو منو قال لي ما تناقشيني عشان انا كثافتي جات هنا منك😰 (بصووت عالي لمن انا وأمي رجفنا) 😰بس مسكت التلفون ضربت ليهو ما رد قال لي تاني أضربي.😩. بس الخط فتح.. قال لي قولي ألوو.. 😩قلت ألو😰 قال لي أيوه حبيبي 😢كيفك غريبه داقه لي بدري😥.. خير... 😥 بس شال التلفون من يدي وقال ألوو قام حسن سكت.. قال ليهو رد يا حيوان..😡 حسن قال ليهو أيوا معاك .😐. قال ليهو انت منو وعايز شنوو وبتتصل علي أختي داير منها شنو...😡 قال ليهو انا اسمي حسن .😐.ما عايز منها شي اختك تستاهل كل خير ..😐 لانها بت ناس وأحسن زوله 😇.. وانا خلاااص دمووعي عشره عشره نازلات 😭( انا كل ما اجيب عريس علي يطفشه لي 😭) وانا سامعه كلام حسن وشكله خلاص اي شي انتهى.😭. علي قال ليهو تاني ما تدق هنا وريان دي أنساها.. 😭 بس حسن قال ليهو انا ريان ما بنساها اعتبرو تحدي اعتبرو اي شي.😐. .قال ليهو اختي انا واثق منها وانت لو راجل لاقيني😈.. حسن قال ليهو انا بلاقيك وهسه لو عايز لكن بتمنى كان الاقيك ف ظروف احسن من كدا..😐 علي قال ليهو ما فاهمك وقع لي كلامك دا...😑 حسن قال ليهو بكرا الخميس ان شاء الله انا جاي أطلب يد ريان علي سنة الله ورسوله.. 😐 علي طوالي فصل وجره واطي وعاين لي بقعر عينو قال ليهو مدام جيت بالباب حبابك ونحن في انتظارك...😑.. وقفل الخط وجدع لي التلفون ..😐 انا هنا لسه ما مجمعه ومن الخلعه مسكت ليك أمي دي من رقبته وعمكتها فكيته دايخه قلت ليها سمعتي امي قالت لي سمعت وبباقي دوخته ديك انا وهي فكينا الزغاريد وانا اجري جمب اي حيطه من حيط جيرانا أزغرت فيها مغرزه بس😂 غايتو كان رجع في رايو الهوا ضربني... عندي صحبتي عندها فساتين سمحه انصلت عليها قلت ليها اسمعي يا منى انا عرسي بكرا أقصد خطوبتي.😂. المهم يا زوله حيتقدمو لي دايره فستان سمح😍 قالت لي تعالي لي في البيت مشيت ليها وقعدنا اتونسنا..😶 جابت لي عصير جوافه بارد وحسب جايه من سخانه.😍. ختتو وقالت لي اجيب ليك الفستان شربت منو حته.. عندها ولدها سميين نوع الشفع الشريرين ديلك المهما حاولت انك تريدهم م بتقدر 😂 أها جا وقف لي قدامي.. خمشتو كدا من جضمو قلت لي حلاتو.. خت يدو كدا في الكبايه قال لي دا حقك 😛 قلت لي آي بس (بچغ) دخل لي أصبعه في الكبايه ومصه اصبعو قال لي حلو حلا ( نقرتو في كرشته قلت لي يحل بيك يا يمه قطر نيالا.. مشيت قلت اجيب لي ملعقه المطبخ فاتح في الصاله اشيل بيها مكان الاصبع دا😂 وانا شايله الملعقه. وجايه لقيتو ليك شال الكبايه وصنقع بيها فوق وجوووتك.. 😵لمن وصلته لقيته كمله وبدا يفرتك في الحلاوه 😞بس خمشتها منو كدا امو جات قلت لي ما بفتحوها كدا.. 😞اقيف افتحه ليك😞 فتحتها ليهو واديتها فتح شلاضيهو وبقي يكوضم.. اتغظت غيظ.. شلت الفستان ومرقت منها خشمي اغباش.. 😂 دا كلوو كوم وانا ماشه في الشارع كوم تاني.. الشارع كان صاااني فجأه اسمع ليك صوت كواريك 😳شديده اتلفت وراي القى ليك شفع الحله جارين كلهم عمر 13 سنه واصغر جارين 😂علي قلت ليهم مالكم مافي زول بتفاهم.. فجأه اشوف ليك كلب.. كبير لمن عندو شلاضيم وشو كبير ومانع جاري وراهم شكلهم نخسو.😰. والشافع شغال لي اجري دا سعران... 😣قلت بري البوقفني شنو هسه يعضيني يدوني 55 صره في حقنتي..😣. ورفعت لي عبايتي وقلت للجري يا واحد ودخلت لي في طيب ومع التراب جزمتي بقت تقيييله اشيل الجزمه اجدعها هناك واجري الحقها تاني..😣 بس عاينت وراي لقيتو قرب خليت الجزمه وجاريه حفيانه وانا في نص الشفع بس البقره التابعه العجول.. 😂💔 وصدري مرق من الستيانه حسيت بيهو في ركبي اتدلدل ..وانا جاريه و( شطوري يلكلك) .. مشوار انا بمشيهو بالركشه في خمسه دقايب جابني البيت برجليني في خمسه دقايق انقشطت وقفلت الباب صلبي يرجف من التعب نشافه خسرانه بس 😂💔 اخدت بكيتي وقمت.. البركه في الفستان بس.. 💔
أصبح الصباح انا ما نمت مسكت ليك البيت دا كنسنا بالقلبه والعدله وفرشنا وطلقنا البخور وما خلينا شي الساعه 12 دي لمن جات نحن انتهينا.. وجبت لي كرسي وفتحت الباب حق الشارع ضلفتين بس علي جا داخل لقاني معنقله فوق بفك في الترباس . حمر لي بس طوالي قفلته في محله 😂😂💔 دخلت استحميت وسرحت واتمكيجت... اها بعد المغرب كدا اسمع ليك صوت العربات برا بس وقفت في الشباك وبقيت مركزه مع الباب فجأه الجلاليب بقت تتطاقش بس شفت حسن جاي داخل لابس جلابيه احيييه انا من الجلابيه يخلوها ليهو ولا الطاقيه والملفحه والساعه والدقن.. انا لصقت في الشباك زي الضب متلشه لمن مربعات الشباك ظهرت في جبهتي.. اها قعدو شويه امي ادتني العصير قالت لي ودي ليهم شلت العصير ختيته في التربيزه وطلعت... شويه كدا جاني علي قال لي ريان انتي عايزاهو.. (في قلبي قلت لي عاوزاهو جنس عوز) قال لي افتحي خشمك دا.. قال لي داير أعرسه انا.. قلت لي آي... شويه كدا صلو العشا معانا وطلعو.. بس طلعو كدا جانا علي قال لينا الف مبروك.. انا من الزقاريت لمن حلقي اتقرش ..والشمار اتنشر ساعه مافي في الحله...
لمن بقت زي الساعه 9 .. لقيا منو رساله في الواتساب قال لي ألف مبروك لينا.. قلت ليهو الله يبارك فيك.. قال لي كداخلاص ضمنت انك حقتي... قلت ليهو لسه باقي ما تفرح... ضحك وقال لي إلا خلاص ما يفرقني منك إلا الموت تاني وقريب حتكوني حقتي وحلالي ( في سري قلت لي دا يوم المنى متين يجي اليوم دا) 😂💔 وبتذكر اليوم دا للصباح ما نمنا..
يتبع.....
