Hinubad ni Xian ang suot na jacket at isinuot nya iyon kay Kim. Napalingon sila ng may marinig silang papalapit na yabag.
Nakabalik na si Slater at may kasama itong 2 lalaki. Hindi nila nakita ang mga ito kanina nang umakyat sila sa yate.
My friends nga pala, si Enrique and Luis, pakilala ni Slater sa 2 kasama.
Alexander Xian Lim-Uy, tingnan mo nga naman ang pagkakataon, nakangising sabi ni Luis.
What do you mean, Luis?! Is Alexander a Lim-Uy! Naguguluhang tanong ni Slater kay Luis.
Bobo ka ba o nagbobo-bobohan? Isang ginto ang nakasakay ngayon sa yate ko, sabi ni Luis at humalakhak. Natakot si Kim kaya dumikit sya kay Xian na hinapit naman sya palapit dito.
Ibig mong sabihin ay isang Lim-Uy si Alexander? Paano nangyari iyon? Akala ko ba magkapatid kayo? Takang tanong ni Slater na kay Kim nakatingin.
Hindi kami magkapatid, mag-asawa kami. Si Xian ang sumagot nang maramdaman na natatakot na ang asawa sa mga nangyayari.
Kumusta ka na, Luis? Seryosong tanong ni Xian kay Luis.
Dati ay hindi mabuti, Xian pero ngayon ay mabuting-mabuti, lalo na at makakaganti na ako sa ginawa mo sa akin, tugon ni Luis sa galit na anyo. Naramdaman ni Xian na biglang humigpit ang yakap ni Kim, sa kanya sa sobrang takot na nararamdaman.
Ano ang ibig mong sabihn, Luis? Nagtatakang tanong ni Slater.
Alexander Xian Lim-Uy ang pangalang hindi ko makakalimutan dahil inagaw nya sa akin ang babaeng pinakamamahal ko, sagot ni Luis na hindi inaalis ang tingin kay Xian.
Hindi ko inagaw sa iyo si Melissa, Luis; siya ang lumapit sa akin at sinabi na wala kayong relasyon. Hindi ko ugali ang pumatol sa mga babaeng alam kong may karelasyon, sagot ni Xian.
Huwag na tayong maglokohan dito Lim-Uy. Ngayon mo pagbabayaran ang mga ginawa mo sa akin? Galit na sabi ni Luis.
What do you need, Luis? tanong ni Xian, ngayon lang narinig ni Kim ang ganoong tono ng asawa. Kalmado pero halata mo ang galit sa boses nito.
Hindi naman siguro kalabisan kung ipatutubos ko kayo sa pamilya mo Lim-Uy ng P20M, sagot ni Luis.
Luis sigurado ka ba sa ginagawa mo? Kikidnapin natin ang 2 ito? sabi ni Slater.
Siguradong-sigurado ako, Slater. Hindi kawalan sa pamilya nila ang ganoong halaga.
Kung ganoon, pwede ko palang makuha si Kim ng walang kahirap-hirap? Nakangising sabi ni Slater. Nahintakutan naman si Kim na lalong nagsumiksik ng yakap kay Xian.
Kung ganoon kaya andito ang 2 ito ay dahil type mo ang asawa ni Lim-Uy, paniniguro ni Luis at tiningnan si Kim ng may malisya mula ulo hanggang paa. Well, maganda talaga ang taste mo sa babae, Lim-Uy. Hindi ako magtataka kung bakit pinilit pang hiramin ni Slater ang yate ko para lang sa asawa mo.
Ibibigay ko kahit magkano ang gusto nyo, basta huwag mo lang idamay ang asawa ko, galit na sabi ni Xian.
