Susuko naba?
yan ang sabi ng pusong kumakapit ng sadya
Sumuko kana!
At ang isip na ayaw tumigil sa pag husga..
Dalawang parte sa aking pagkatao ang naglalaban at sabay na nagbabadya,
Ang isa'y sinasabing bumitaw dahil paulit ulit kanang nagpapakatanga.
Ang isa nama'y patuloy kumakapit at ninanais na tiisin ang sakit dahil umaasa pa nga.
Kaya't sarili'y hirap na hirap sa pagpili kung alin ang hahayaang mamuno't magdikta.
Susuko naba?
Bibitawan naba lahat ng pinaghirapan?
Isipin mo ang lahat ng sakripisyo!
Iiwanan nalang ba ang piniling kapalaran?
Manatili nalang dito!
Ganoon ba ang ninanais na maging kahantungan?
Binigay mo ang lahat lahat mo sa kanya,
Iniwan ang mundo para lamang sa kanya
Kahit walang kasiguraduhan ang naging mga pasya
Nagpatuloy ka parin dahil nga mahal mo sya.
Sumuko kana!
Hindi ba't hirap na hirap ka?
Hirap sa pag habol , hirap sa pagsuyo't hirap na gumawa ng paraan
Diba't nakakasakal na?
Na hindi ka makawala't di makayang umiwas dahil lahat lahat sa kanya mo inilaan?
Di kana ba nadala?
Kahit ilang beses mo ulitin ay sakit parin ang dulot ng pagmamahal mong walang kasawaan
Oo nga't nagsakripisyo ka, nagtyaga ng matagal kahit kasiguraduha'y hindi dama.
Ngunit bakit nagiisip kapa?, ngayong katotohan ay nakalantad na kahit binigay mo ang lahat ay hindi naging sapat sa kanya.
Wag kang susuko!
Marahang bulong ng aking puso
Sinasabing lumapit, kumapit ng todo
Kahit masakit ay sa kanya parin magtungo
Upang pangarap at pinagsikapa'y di maguho
Sige't kumapit pa! Pagsikapan na mabaliktad ang tadhanang mala sumpa
Umasang sa huli ay makakamit pa,
Patuloy na sisirin ang mundong mapanghusga
At dahil mahal monga,
Ang salitang pagsuko ay isantabi mona
Darating din ang araw na mauunawaan nya
Na kayong dalawa'y para sa isat-isa.
Sa kabilang bada,
Sumuko kana!
Yan naman ang sigaw ng aking isipan
Na tumakas na sa mga katangahan
Matutunan na lahat ay pawang kamangmangan
At lahat ng ito'y madali lang malagpasan
Basta't mag isip ka!
Hahayaan moba? Na malamon ka?
Mawala ang pagiisip dahil puso ang humusga?
Ginawa mo ang lahat upang sayo'y mapunta sya
Ngunit ngayo'y tila lumalayo panga.
Dito kaba masaya?
Sa pilit na pagkapit kahit pinagtutulakan kana?
Oo wala ngang masama,
Walang masama sa umibig kung ito'y nagpapasaya.
Ngunit kung nilalamon kana.. Na kahit alam mong sa marami'y mukha kanang tanga.
Aba hindi na tama kung magpapatuloy kapa!
Kung umaabot na sa puntong nahihirapan ka
Nananakit ang dibdib , umiiyak ng malubha
Dahil lamang sa ang puso ang hinayaang magpasya.
Gumising ka!
..
Magpatuloy pa!
Sumuko na!
Kayanin mo!
Wag kang tanga!
May pagasa pa!
Alam mong wala!
Sa puntong ito, sarili koy hirap na
Hindi na mawari kung ano ba ang pasya
Susundin ba ang puso't magpapatuloy pa
O pakikinggan ang isip na wag magpakatanga.
Ito'y isang tulang tatlong bahagi ko ang may akda,
Ang pusong iisa ang sigaw, kumapit pa
Ang isip na pilit nilalabas ang aking diwa
At ako na dinadaan nalang lahat sa talinhaga..
