؟؟قالت ليهو انت البت عجبتك م تكااابر😒😒😒😒...قال ليها تنزيل هههه بطلي سخف😒قالت ليهو احلف بس انها م عجبتك😌قال ليها لمجردإني سألتها من صورتها النزلتيها بالغلط في القروب م معناها انها عجبتني سؤالي كان عادي ،،،قالت ليهو بس ماف حد من الشله دخل لي خاص وسألني بالتفصيل غيرك وكررتهه لي السؤال لما كنا بنتغدى في المطعم متزكر؟😅قال ليها ي شيييخهه دة م معناه انو عندي ليها شي ياخ😂😂😂😂😂😂😂💔قالت ليهو طيب ليه سألته منها هي بالزات ليه م سألته من فاطمه او مريم،،قال ليها انا م بعرف واحدة فيهم وم متزكر واحدة فيهم حتى لكن لما شوفته دردشات القروب عن الصورة جاني فضول اعرف الصورة هي شنوو وم كان عندي اخلاق اراجع المسجات عشان كدة جيت سألتك من الحاصل في الخاص فهمتي؟ققالت ليهو وكمان في المطعم م كنت عارف الحاص شنوو ههه طيب ليه قولته لي اسلام يحذف صورتنا الكانت فيها معانا لما نزل الصور في الأنستغرام😅؟قال ليها لو نسيتي اذكرك انو انتي لما رسلتي الصورة دي بالغلط في القروب والناس علقت عليها قولتي ليهم الصورة دي احذفوها وم تطلع من جوالاتكم لأنو البت دي اهلها صعبين والصورة ممكن تنتشر متزكرة ولا لأ؟؟😊وم انا القولته ليهو احذفها انتي الطلبتي منو يحذفها وانا اتكلمته معاه بس،،،قالت ليهو هي عجبت الشله كلها معقوله م كسرتك😌قال ليها هههه بس انا غير الشله وبعدين انتي فاكرة انو الحكايه سماحه وشكل؟لا ابدا وحاتك لو على السماحه الجكس مالي البلد وانا حوالي بنات سماحتهم تسد عين الشمس وانتي شفتي بعينكك بس ابدا م مركز مع الشكل انا😊قالت ليهو بتركز في شنوو طيب😅😁قال ليها توته انتي شكلك م عندك موضوع وعايزة تتموضعي بي😂قالت ليهو وانت بتحاول تتهرب مني،😏قال ليها لا بس انتي لتيخه ههه😁قالت ليهو انا لتيخهه😡قال ليها لا م كدة وبس وكمان ثقيلهه 😂😁قالت ليهو طيب ضرب مثل يعني لو اديتك شهد اتكلمته معاهاا بالتلفون حتحس بشنوو ،،،قال ليها تنزيل انتي بتستعبطي حأحس بشنوو مثلا ههههخخخ وبعدين انتي لاعبهه معي ضاغط كدة مالك ندمتيني على اللحظهه الخلتني اسألك واقول ليك البت دي منوو😂قالت ليهو انا حأتصل عليك واديك تتكلم معاها مزاج كدة بسس😌قال ليها الشي الفهمتو انك مجنونهه وعايزة تمسكي بي زمن يلا مع السلامهه ههههه❤بقت ترسل ليهو وبتقول:لا م تطلع ي سجم ي سجم...قالت لي نفسها طلع الغياظ😪انا في بيتنا رقدته في سريري وقعدته افككر ومبسووطهه بي فكرة انو متزكرني لمن حكى لي تنزيل عني وكدة بعد مسااافهه قولته لي نفسي ي شهد هييي انتي متخلفهه ولا شنوو ويعني شنو حكى لي تنزيل 😒وجريت توووبي وإتغطيت،،،بعد المغرب جات تنزيل جابت لينا عدة الغدا ،امي قالت ليها مستعجلين مالكم كان تخلوها،،قالت ليها لالا والله تسلمي ي خالتو سوسن😍انا كنت راقدة في سريري قالت لي قومي قدميني😏قولته ليها اقدمك وين ياهو بيتكم انتي هبله😒قالت لي قوومي ياااخ😪قولته ليها طيب ارح قمته ماشه شالت التوب من السرير قالت لي ألبسي التوب دة،قولته ليها انا مقدماك خشم الباب هنا اللبسو لشنوو😪😳😒قالت لي ياااخ اللبسي ارح اوريك حجات الجبتهم من الخرطوم م وريتهم لناس فاطمة لسسسه😍قولته ليها قبل شويه كنت معاك ليه م وريتيني ليهم؟قالت لي نسيت المهم ارح ياخ دقايق وحتجي راجعهه،، طلعته لما وصلنا ببتهم دخلنا اوضتها على طوول قولته ليها اها وينها حجاتك؟؟😪قالت لي ثواني شنطتي في غرفه امي،مسكت تلفونها وركبت سماعتها،قولته ليها جايباني من هناك علشان تركبي سماعاتك في إضنيك؟؟😪قالت لي صبرا ببل الأبري ماف؟؟قولته ليها ياخ انا نعسانهه بطلي حركاتك دي والله برجع بيتنا،،قالت بتنومي من الساعهه 7ليه جدادة انتي؟؟😒قمته على حيلي قولته ليها انتي حيوانه وانا ماشه بيتنا وخليك ماسكه تلفونك دة...قبل م اكمل كلامي قالت لي هشششش😷قولته ليها مالك؟قالت لي هااك رودي على الزول دة ولو سألك مني قولي ليهو تنزيل ماتت ،اندثرت،غرقت ،اي شي المهم بس قولي ليهو ماف،قولته ليها شنو؟بري ي زوله هي م برد ولا بتكلم 😨 ركبت لي السماعهه وجدعت لي التلفون قالت لي بطلي تخلف الخط فاتح روودي انا طالعهه وجرت طلعت وقفلت باب الأوضه،انا طبعا سكتهه ساااي م عارفه اقول شنوو،،،اصلا انا في التلفون متخلفهه بعيد عنكم وبتجيني حاله من التوتر😂قولته بصوت واااطي الووو😢المتصل شكلو كان بتكلم مع زول تاني وبقول ليهو:والله ابدا عداااك العيب بس انت عارف انا من البدايه خبرته خالد وقولته ليهو ياااخ مشاكلكم الشخصيه م تشاركوها مع الناس مهما المشكله كانت بينكم كبيره خلوها بينكم لأنو اي مشكله دخل فيها كرف تالت حتى ولو كانت نيتو سليمه حيكبرها وم حتتحل،،،بعد مسافه قال للزول البتكلم معاهو دقايق وارجع ليك تمام،،،رد وقال لي الووو...قولته ليهوو الو،،،،قال لي معليش ي تنزيل خليتك تنتظري كنت مشغول شويهه،قولته ليهو العفو بس انا م تنزيل،،،قال لي أممممم مين معي طيب؟؟قولته ليهو انت المنوو لانو انت المتصل😒قال لي طيب طالما انتي شليله جوال م جوالك ورديتي على حد م بتعرفيه معناها قولي اسمك علشان لو طلعت بعرفك اوك ولو لا كمان اوكك😊قولته ليهو معاك شهد طيب وم أظن تكون بتعرفني،،،سكت مسااافهه قال بي ي اهلييين كيفك؟طبعا ردة لي بي حرارة كدة كأنو بعرفني،،،قولته ليهو الحمدلله انت منوو؟قال لي تنزيل م قالت ليك حتتكلمي مع منوو؟؟قولته ليهو لو قالت لي م كنت حأسالك😊اصلا انا السووط مألوووف بالنسبه لي م غريب،قال لي طيب معاك باسل،،مع كلمه باسل دي وربي التلفون لمن وقع مني ،وانا خلاص اتوترته وجسمي كلو بقى جاري مويه،بقيت مقلعهه عيوني وتنزيل الحيوانهه ماف😭💔قال لي الووو؟انتي معاي؟قولته ليهو وانا بتمتم أ أ أااي معاك بس م عرفتك والله،قال لي ههه ي شيخهه،،،قولته ليهو والله❤قال لي امممم طيب ازكرك ،متزكرة لما غطستي في طين الجنينهه 😁قولته ليهو طين الجنينهه متين م بتزكر😳؟متين الكلام دة؟طبعا نكرتو حطب مع انو انا م ناسيه ولا تفصيل صغير حصل بيني وبينو😢قال لي هههه سلامه زاكرتك م اظن دة موقف بتنسي ابدا 😊😂عايز يحرجني المعفن😢😭قولته ليهو اهاا اتزكرتك دة انت صاحب منذر،قال لي ايوااان بالظبط كدة هههه كويس انك اتزكرتي ،هااا اختك الصغيرة كيفها؟قولتن ليهو كويسهه،،طبعا انا متلخبطهه وقلبي دة حاساهو م في محلو 😂💔😢قال لي شغب ياخ هههه،،،قوليهو مشاغبه شديد وبتعمل وجع راس💔قال لي بالعكس ظريفه ياخ هههه ،من غيرم احس قولته ليهو ظريفهه انا والله😒ضحك قال لي ابدا انتي م ظريفهه😂😂😂قولته ليهو م بتظارف مع اي زول😒قال لي بي ضحكهه ساخرة وبتتكلمي مع اي حد م بتعرفيهو عادي😂😁طبعا اتغظظظتهه غييظ لمن انفعلتهه قولته ليهو لو م مجبورة م حأتكلم مع اي زول م بعرفو😊قال لي انتي اتضايقتي ولا شنوو م قصدي شي والله وحاتك هههخ😁قولته ليهو م تحلف بي حياتي عندك رب كامل احلف بيهو😒قال لي اها وتاني😅قولته ليهو. تاني شنوو؟؟فجأة عطس،قولته ليهو رحمك الله...قال لي اميين انني عارفه تغييير الجو الحصل لي لماجيتكم هناك وتاني رجعتهه الخرطوم للأن مؤثر علي وعامل لي إللتهاب 💔قولته ليهو امضغ ليك قرض بس،قال لي لأ حأمشي الدكتور بكرة انشاءاللع،قولته ليهو وبعدين النصيب حقكم البتقعدو تحتو دة زاتو بعمل إللتهاب خلي تغييير الجو😪قال لي النصيب شنوو؟؟طبعا فتشته كلمة مكيف دي فوووق لي تحت أبت تجيني نهااائي،قولته ليهو البتاع ياخ البخلي الجوو باااارد زي حق ناس دكتور هاشن،،،قال لي اهااا قصدك مكيف انتي وضحك😂قولته ليهو بسسس دة بعمل اللتهاب اسي كان قعدتو في الجو الطبيعي دة مش افضل ليكم؟😪قال لي بس جونا م زي جو بلدكم انتو بلدكم جوها معتدل طبيعي ههههه،،،وانا بتكلم معاهو حسيت على روحي قولته ليهو بي خلعهه هي مع السلامه ،،،قال لي خير مالك؟قولته ليهو مالي كيف،الزمن اتأخر اهلي بشاكلوني مع السلامهه بنادي ليك تنزيل،، قال لي هههه اوكك❤فتحته الباب وقعدته انادي لي تنزيل،تنزيل جاتني وهي بتضحكك،قولته ليها حسابي معاك بعدين هاك تلفونك دة😡😒طلعته جريت بيتنا،
بعد م انا مشيت تنزيل ردت قالت ليهو امممم،،،قال ليها ي سجم هههه😁قالت ليهو 31دقيقه بتتكلمو مع بعض عااادي صح😌قال ليها انا حاليا متأكد انو انتي مجنونهه ياخ 😂قالت ليهو بالله؟قال ليها بالمناسبه حأقفل لانو طالع مشوار،،،قالت ليهو عارفاك عايز تتهرب بس يلا،،،قال ليها لا والله بس برجع ليك تمام؟قالت ليهو طيب😪
انا رجعته بيتنا وكنت عايزة اطيير من الفرح مع انها كانت مكالمة عاديه ويمكن تاني م تتعاد بس انا عندي بتسوى الدنيا بحالها ااخر شي اتوقعتو انو يحصل تواصل بيناتنا تاني،المكالمه دي كانت مخلياني اطيير من الفرح،مع اني م عارفه تنزيل عملت كدة ليه بس اتبسطتتته شديد منها،رجعته بيتنا ورقدته في سريري وبقيت افكر في مكالمتي معاهو واقول ي ربي انا البحصل معي دة شنوو؟انا لما خلاص شلتو من بالي واقنعته نفسي انو دي سذاجهه مني وكنت فاكرة انو مشاعري تجاهو دي مؤقتهه وانها حتنتهي لمجرد م هو يساافر بس حتى بعد ساافر انا م قادرة اطلعو من دماغي وبعد مكالمتي معاهو اليووم حاسهه روحي رجعتهه لي نقطهه الصفر تاني وبديت افكككر فيهو،بس ي شهد هوووي كيف تحبي ليك واحد من طرف واحد وانتي على قناعهه انو مستحيل يحبك دة يبقى م حب دة هبل وعبط منك😪في يووم بالعصر كدة مشينا الحفيرة😍❤الحفيرة دي مكان بتتجمع فيهو المويهه بالنسبه للناس الما عارفينها😘الجوو كان خريفي ومغمم كدة منظر فظيع ❤مريم وفاطمه نزلو تحت قعدو جنب المويه،وانا وتنزيل قاعدين فوق وبنعاين ليهم،تنزيل كانت ماسكه تلفونها وفجاة ضحكت قولته ليها جنيتي؟😏قالت لي لأ بتكلم مع باسل هههه،طبعا كل م اسمع اسمو بتلخبط وبتجيني سرحة كدة غريبهه،قولته ليها صاحب اخوك الثقيل دة😪قالت لي حرام عليك ياخ والله باسل دة عثل انتي سااي شايلاها معاهو 😂قولته ليها واشيلها معاهو لشنو مالي ومالو انا😒شويه كدة قالت لي قال ليك من زوقك وطيب اصلك،😂😁اتخلعتهه طبعا قولته ليها شنو؟😳انتي وصلتي ليهو كلامي؟قالت لي بي حزافيرو كمان تخيلي،😁قولته ليها حيوانهه قولي ليهو قالت ليك زوقها م ارفع من زوقكك😊،،،فجأة تلفونها اتصل قالت لي هاااك قولي ليهو الكلام دة بزات نفسكك هاك😂قولته ليها انتي مجنونهه لا طبعا 😳قالت لي هاك ي حيوانه بطلي ياخ انا نازله تحت لي ناس فاطمه ❤😁ادتني التلفون طبعا انا مترددة م بين عايزة اسمع صوتو وم بين خايفه زول يشوفني،قولته ليهو الووو...قال لي اقول ليك ي ثقيلهه زي م قولتي لي ولا اكسر الحنك؟😊قولته ليهو اول شي قول السلام عليكم😊ضحك قال لي طالما انتي فاهمه كدة ليه م سلمتي انتي؟؟قولته ليهو المهم المفروض انت تسلم😊قال لي طيب ي ستي اسي م حصل شي السلام عليكم،،،قولته ليهو بعد شنووو خلاص ماف داعي 😊قال لي والله انتي غريبه😂💔قولته ليهو م غريب الا الشيطان😊قال لي بالمناسبه عايز اتكلم معاك في موضوع،،،قولته ليهو موضوع شنووو؟؟؟😳 بي خلعهه...
يتبع.....
