قال لي اها مالك؟زواح ومتزوجين وماف زول شايفنا الدنيا ضلام وكان شافونا خليهم يشوفو راجل ومرتو حريين😅قولته ليهو فكني خليني امشي اسي بصحو بلقو الباب فاتح الله يخليك ي باسل وانا بديت ارجف وخوفته خوف😢💔،،،قال لي بالنسبهه لي انو انتي خايفه ليهه؟قولته ليهو م خايفه بس انا عايزة ادخل البيت عشان بردانهه😢💔👊قعد يضحكك قال لي وينو البرد اسي؟وبعدين لو بردانهه انا هنا جنبكك م محتاجهه تدخلي البيت😷😂قولته ليهو بصوت واااطي باسل حلفتك فكني خليني ادخل البيت الكلام دة م صح منك😢😔قال لي على فكرة عارفه انا ماسكك ليه؟سكتته،قال لي عشان اقول ليك نسيتي تشيلي حبوب البندول مش قولتي مصدعه ؟ انتي فكرتي في شنووو؟😁👊💔قولته ليهو طيب فكني خليني امشي مدام المسكه دي كلها علشان الحبوب😢💔اتفكيت منو وجريت دخلتهه البيت ،ااخخخ بس لمن ضربات قلبي زادت وجسمي تلج،الصباح بدري اتصل علي اول م فتحته الخط قال لي مرتي الخوافهه😻😂💔قولته ليهو م خوافهه بس انت بتاع حركات😒😢قال لي حرحكات في عينكك ههههه اتعودي عليها حركاتي دي يلااا😂😌قولته ليهو ههههه وين انت حاليا؟قال لي في بيت صحبي ومعاي الشله كلها ،عارفه طبعا جوطه العرس وكدة ،قولته ليهو اهاا كويس طيب،قال لي بتعملي في شنوو انت؟قولته ليهو ولا شي بجهز من نفسي ماشه الكوفير بالمناسبه دان واحمد وصلو؟قال لي اييييك من امس م اتصلو عليك؟قولته ليهو تلفوني كان مقفول😢💔بتكلم معاهو كدة بس الباب دق،سجى فتحت فجأة اسمع ليك صوت دان بتصررخ وبتقول لي شششششششڜششششهد 😻جدعته التلفون وطلعته من غير م احس وربي جريت اتلاقيت معاها في مدخل الهووول ومسكتها ،قالت لي ي مجنووونهه وربي مشتاقهه ليييك،بقيت لافههه بيها يعني بجد كنت مشتاقاها شوق م عادي،قالت لي ي حيوانهه انا حاااامل ولدي حيطيح 😂😂😂😂😂😂قعدته ابكي ياخي بكينا بكي،جات مشاااعل قالت لينا سجم منك ليها لو سمحتو م تقلبو لينا بيت عزاء وتطيرو ام الفرحهه علينا خلاص كفايه😡👊💔طبعا نسيت كل حاجه بقيت ماسكهه في دان وبتونس معاها،اصلا انا في الونسه بنسى نفسي معاها بجد،مشاعل قالت ليها نووف اكوي الحجات دي سرعه ورتبيها في الشنطه علشان نطلع،نوف قالت لي شهد ملابس النوم دي اركز ليك على مكوتها🙈مشاعل قعدت تضحك،قولته ليهم بطلو تفاهه خلاص😒دان قالت لي يختي ي قمييييلهه فديت الخجولهه انا شكلك عايزة ليك قعدة ومعاها درس خصوصي😂😂😂😂نوووف قالت ليها النبي درسوني معاكم يعلم الله م ناقصهه حناني بريئهه انا😢💔مشاعل قالت ليها يعلم الله ماف زول بريئ هنا غير شهد 😂👊💔قولته ليهم بالمناسبه خالتو مرام سامعاكم هشششش عيييب خلاص اقفلو الموضوع دة😒👊💔✋بعدها طلعنا مشينا الكوفير ،دان قالت لي طبعا الفستان مفاجأة م حتشوفيهو الا بعد خلاص تقومي طالعهه حتى لما نلبسك ليهو حنغمض ليك عيونك😂😛قولته ليها ليه ليه دة كلوو؟قالت لي سبرايز بس نننننن😛وصلنا الكوفير دان وصفت ليهم الرسمهه اليرسموها لي،قالت للرسامه م تنسي اعملي ليها زي نظام وشم في كتفها فووق وفي كفهه يدها حاجه تكون رفيعهه كدة،قولته ليها ليه الحيشوفو منو مثلا😒👊قعدو يضحكو علي ،دان قالت ليها كمان م عايزين ليها مكياج يكون متكلف ووشها كلوو تملو ليها اخدر واصفر،عايزين مكياج يكون ناتشرال اوك؟قالو ليها تمام ❤نوف قالت لي بالمناسبه ي شهد الفساتين الزي حقتي الفيهم زراير من قدام القولتي لي عجبووك وعايزة زيهم تتزكري؟قولته ليها اهااا اليدينهم كم كامل صح؟اخخخخ م تزكريني فتشته في السعوديه م خليت محل م لقيتهم كنت عايزة سته بس اشكالهم تكون مختلفهه،قالت لي انا خليت هند اختي ترسل ليك منهم تلاتهه 😻قولته ليها وااااي حبيبتي يااااخ تسلمي لي انتي ي يمه عااااد تتعلي م تدلي 😻😻😻😻😻قالت لي من يوم قولتي لي عجبوك كلمتها ترسل لي تلاتهه حبيبتي انا عندي كم شهد في الدنيا😘😻دان قالت لي وانا لقيت فساتين فنايل بودي معاها اقمصهه من فوق برضو جبته ليك منها علشان في شهر العسل لما تقومو طالعين م تتضطري تلبسي حجات تقيله ومتعبه الفساتين دي مريحهه ،😘❤بعد م حنوني قولته ليهم انا نعساانه،تنزيل قالت لي نعسانه وين اليوم دة حيكون اطول يوم في حياتك يلا بلا نعسانه معاك😂طول اليوم عديتو يدخلوني اتجاه ويطلعوني بإتجاه تاني ،لغااايه المساء خلصو لي التسريح والمكيااج واي شي بس فضل الفستان ،بعد المغرب كدة جا زمن الفستان وكدة،دان ومشاعل في الغرفه قالو لي غمضي عيونك علشان حنخلع،قولته ليهم اكيد م حتلبسوني انتو صح😢نوف قالت ليهم دقيقه اضرب لي باسل يجي يلبسها ي جماعهه فكوني للبت دي اقوم اكرفسها باقي اليوم دة😂😒👊💔دان قالت لي ي بت انتي بتخجلي مننا ؟ههخخ خلينا ساكته احسن،😂😌👊💔مشاعل قالت ليهم م تخوفوها حرام عليكم يااخ خلاص حنغمض عيونا ونحن بنلبسك ي شهد🙈😂تنزيل قالت ليهم خلوني انا اختها وانا بلبسها طالما بتخجل منكم😂👊💔كلهم قالو ليها بصوت واحد ونحن كمان اخواتها😒👊💔تنزيل قالت ليهم لا انا وبسسس 😌قولته ليها ياخ خلاص ارح انجزو رمم الكلام دة م صح منكم اصبرو بس😢👊💔نوف قالت لي حتشتكينا لباسل خاف😒👊💔سجى قالت لي شهد بالمناسبه ماشين وين شهر العسل؟قولته ليها والله م عارفهه باسل شال جوازي بس م حدد لي لكن اساسا م بفرق معي حتى لو م سافرنا مكان م ضروري،دان قالت لي تقريبا سنغافورة😻❤مشاعل قالت لي اشششششييي عاااد انشاءالله حالي وحال البنات كلهم الله يدينا صنف باسل دة ي قاااادر ي كرييييييم😭👐👐اثناء م بلبسو فيني،دان قالت ليهم برااحهه التسريحهه م تخرب وم تنسو الإكسسوار، ،مشاااعل قالت ليها وااااااااي لااااكن الفستاااان افظع من فظييييع ي دان،نوف قالت ليها وبعلي بس الصلاة على النبي ماشاءالله البت دي حصنوها قبل م تطلع ،تنزيل قالت لي بعد الفستان دة كلوو وبما انو باسل قال م عندو مرة يرقصوها رقيص عروس علشان خايف من التصوير وكدة ابقي مرة م ترقصي اسلووو الليلهه😒،،دان قالت ليها غصب حترقص ،قولته ليهم لا طبعا م بعرف وبعدين انا كلمته باسل بالقصه دي عايزني اقيف في نص الخلق وارقص،مشاعل قالت ليهم فعلا وين الخجل ،وين الحياء،وين العريس جيبوهو لي وانا برقص معاهو اي شي 😭😭قعدو يضحكو دان قالت لي لا حترقصي ي شهد انا ياهو كلمتك عشان م تمشي الصاله تتعولقي لي بكفتك،تنزيل قالت وانا بساعدك في التكفيت😌👋قولته ليهم هاااا شوقتوني اشوف الفستات افتح عيوني؟؟دان قالت لي لا لو م باسل جا ماف عيوني حتتفتح يلا اللبسي الجزمه لانو الساعهه 8ونص الا ،وباسل قال حيجي 9،قولته ليها لسه بدري وينو تلفوني؟تنزيل قالت لي معاي انا مشتاقهه لي بيسو؟😌قولته ليها لأ😢💔قالت لي طيب خلاص معناها ماف ليك تلفون😌✋قولته ليهم انتو بتتعاملو معي كدة ليييييه ؟😢دان قالت لي لاقينك وين تاني نتفشش فيك اليوم دة بس😂💔👊💪نوف قالت ليها بالظاااااابط وبعد تعرسي والله ي شهد تتغيري اجي اكرفسك جوة بيتك واجدعك في البحر ي حيوانهه ي متخلفهه ي رمهه ي هطلهه، اووووف معليش انفعلتهه شويهه🐸😁قولته ليها الله يسامحك على الشتيمه دي سأخبرالله بكل شي ولن اغفر لكم افتحو لي عيوني حسستوني اني في قوان تنامو مالكم معاي يااخ😭👊💔حسيتهم هدأو ،بقيت انادي فيهم تنزيل،دان وينكم ي سجم انا حأفتح البتاع دة وربي،😭انا عيوني وجعتي الله يخرب بيت ديل صحبات وبيت العرس لو بخلو الصبحبات يعملو كدة😭👊💔فجأة حسيت بي زول قرب مني ،قولته ليها دان بطلي هبل وفكي لي البتاع دة حلفتكك😢👊💔شويه كدة حسيت بالريحهه غريبه ،كأنها ريحهه باسل،قرب مني وفك لي عيوني،وبقى يعاين لي ،م قادر يرفع عيونو مني،وانا عيوني مطششات اغمض وافتح علشان رابطنهم لي فترة طويلهه،قولته ليهو باسل😢قال لي هشششش وباسني في عيوني،،،كنت في لحظهه م حاسهه بي احساس ولا شايفهه اي شي غيرو،اساسا الغرفه م كان فيها غيرنا،كان لابس البدلهه ي يمهه والحلاقهه واللحيهه كل شي فيهو كأنو كان بقول انا احلى من التاني🙈😻قولته ليهو انت جيت متين؟قال لي م عارف بس وقفتهه مسااافهه طويلهه عشان استوعب واقنع نفسي انو الملاك دي حقتي انا ❤المفروض انا م اطلعك من هنا صح ؟وم اخليك تحضري لا حفله لا غيرو عشان احميك من عيون الناس❤طبعا انا م قادرة اتكلم كنت في حاله سكون لحظي والخجل ومسكتو لي خلتني اتهبل😢ضماني قال لي بحبكك ياخ انشاءالله م اتحرم من شوفتك دي العمر كلوو ي رب❤ قولته ليهو عايزة اشوف الفستات في المرايه م شوفتو😢💔ضحكك قال لي اوووكك ساقني بإتجاه المرايه وقفني وحضني من ورا قال لي من غير م تشوفي نفسك انتي م محتاجهه مرايهه❤بقيت اعاين لي نفسي ،يعني بجد الفستان كان خراااااافي بمعنى الكلمهه ،🙈😻فجأة سمعته صوت ناس تنزيل طالعين علينا،اتفكيت منو ،تنزيل جات قالت لينا احم احم خلاص جاهزين؟باسل مبتسم وبعاين لي قال ليها أيوة 😻❤وانا طبعا متلخبطهه لخبطهه تنزيل عاينت لي وابتسمت ،بعد م طلعنا وركبنا العربيه،لقيتو جايب لي بوكيه ورد لونو احمر،بعد مشينا مساافه قال لي اسي لو هربته بيك ومشينا مكان بعيد مالو حفله زاتو م عايزنها خلي الناس تحضر الحفله وتهجج ونحن نسافر سفرنا😂طبعا قدام كانت معي سجى وتنزيل وانا وهو ورا،،،لما وصلنا الصالهه دخلونا بي غنيهه سيييرة،،اول م دخلنا كدة في الشاشات شايفه صوري طبعا اتفاجأته،طبعا عارضنها مع غنيه السيرة سوا،اول صورة كانت حقتي انا وتنزيل وبت خالها أيام عرس منذر اخوها،تاني صورة كانت لما كنت غاطسهه في الطين في الجنينه مع انو وشي كان مغطى بس مطلع منهم كم لقطه لي معاهو ،واخر صورة لما كنا في البحر وانا كنت بتشطف 😂طبعا انا متفاجأة وبعاين للصور وبعاين ليهو 😳وهو بعاين لي وببتسم ، لغااايه م وصلنا نص الصالهه بعدها طفو الأنوار وكان في إضاءة واحدة بس موجه علينا نحن في النص وفجأة شغلو غنيه لجنات ،اخخخ عارفاها دي عمايل دان وتنزيل مع اني حذرتهم من موضوع الرقيص دة😡😢المهم على طووول باسل مسكني من النص وبقى يعاين لي وببتسم عارفني اتوترتهه😢💔
