قال لي انشاءالله اجراءات التسجيل لما تبدأ انا بجي بمشي معاك ،،امي قالت ليهو تسلم ي اخوي والله م قصرته لو قعدته اشكر فيك من اسي لي مدة عشرة سنه قدام م بوفيك،قال ليها العفو ي اختي عمل الخير م بوصو عليهو،،،😊❤
ياخي بعد الراجل دة طلع نحن البكى شرطنا انا ببكي وامي بتبكي😭😭😭😭في الوقت الحسيت فيهو انو انتهى كل شي فجأة بتحصل حاجه وببدأ بدايه جديدة،وبالفعل لما جا زمن التسجيل جا الزول دة ومشى معاااي وسجل لي م قصر سبحان الله كأنو ربنا نزلو لي من السماء علشان يساعدني بس❤لما جا زمن المعاينه طبعا حأدخل براااي وانا عااااد ي يمة م فاهمه اااي شي،كنت واقفه بره غرفه المعاينه وطبعا انا مخلوعهه من المكان الانا فيهو دة،وحالتنا كنا في ادارة الجامعه بس لكن غلبني اعاين لشنو وأخلي شنو،وانا واقفهه ومنتظرة دوري،شويه كدة جا واحد طالع من غرفه المعاينه وقعد يشرب في سيجارة،قولته ووووب معناها خلاص المعاينه دي نار الله الموقدة عشان كدة الزول دة طالع بشرب في سيجارتو كدة،قولته ليهو السلام عليكم،قال لي اهلين،،قولته ليهو المعاينه كيف سألوك من شنو وشنو؟قال لي نعم؟قولته ليهو بقولو ليكم شنو جوة لمن جاي طالع بتشرب في سيجارتك كدة؟قال لي اسكتي بس هي اسأله وبس دة عذاب جهنم،قولته ليهو شنو😳ليه بعملو ليكم شنووو؟قال لي ادخلي وحتعرفي براك انا ماشي غايتو الله يعينكك😢💔بعد كلامو دة انا خلااااص اتوترته وعقلي بقى جايط ،لما جا دووري دخلته لقيت تلاته في غرفه المعاينه سلمته عليهم قالو لي اتفضلي،وانا خااايفهه بسألوني ومتصمغهه واقفه،شويه كدة جا الولد السألتو بره داك ،عاين لي وضحك وقعد معاهم😳عاينته ليهو بإستغراب وهو بضحك وبهز في راسو،قال لي اتفضلي اسمك منو؟؟قولته ليهو شهد احمد😢معاهم مرة قعدتني تسألني اسأله كلها ورا بعض،قال ليها براحهه عليها م كدة واحدة واحدة،قالت ليهو ورانا مليون طالبه ننتظرها كدة لمتين؟؟😡قال ليها مسمنها معاينه على شننوو؟قالت ليهو يااااا طارق سمح انت اعمل ليها المعاينه وجدعت ليهو القلم،عاين ليها ببرود طيب تمام😊اول سؤال سألني ليهو قال لي نسبتك كم انتي؟قولته ليهو 90.9،،،قال لي داخله بي منحه دراسيه انتي؟قولته ليهو ايوة،عاين للمرة الاتناقش معاها وابتسم لي قال لي م محتاجه تكملي اتفضلي اطلعي😊وانا طالعه في واحد قال ليهو م محتاجه معاينه دي السنه حاله شاذة في الجامعه😊الولد قال ليهو بالظبط كدة❤👌اخخخخ بس انا بعد م طلعته رجولي كانت م شايلاني يعلم الله م اتوقعتها بالسهوله دي😂😂😂😂😂😂💔رجعتهه البيت وانا م قاااادرة استوعب وحكيت لي امي الحصل ،اول مرة أحس بالسعادة والراحه النفسيه بجد عمري م اتوقعته يحصل معي كدة،،،امي قالت لي الا نمشي السوق نشتري ليك كم حاجه كدة للجامعهه،قولته ليها يمه انا م دايرة غير عبايه وجزمه وتلاته طرح بس،امي قالت لي نشتري ليك عبايتين عشان تبدليهم واحدة م بتوديك ي بت هاا،بالفعل مشيت مع امي واشتريت لي عبايتين وجزمه وطرحه وجين راجعين❤اول يووم في الجامعهه يووووه كان اصعب يوم بالنسبه لي كنت خايفه شدييييد وم فااااهمه اااي شي حتى المواصلات المفروض اركبها علشان أصل الجامعهه كاتباها في ورقهه،عاد لتخهه وجديدة في البلد 😂صحيت من الساعهه 5صباحا وطلعتهه الساعهه6صباحا علشان م اتأخر،،،م عارفه احاسيسي كانت متلخبطه م بين متحمسهه شديييد للجامعه وخايفه في نفس الوقت،م كل الناس بتحصل على فرصه علشان تعيش حياة حلوة،وانا واحدة من الناس الحظها سيئ شديد في الحديد ،كنت خايفه من قصه تنو تحصل حاجه وترجعني لي نقطهه البدايه تاني،بس في نفس الوقت كنت متفائلهه لأني كنت طالعهه من البيت وشايله معي دعوات امي ورضاها وثقتها فيني وأملها في انو انا دراستي حتحسن حياتنا للأفضل❤دي كلها حجات كانت مدياني طاقهه ايجابيهه وإحساس انو اكييييد الجاي أحلى ❤وصلته الجامعهه اتخلعتهه بي حجم المساحهه بتاعهه الجامعهه،ياااخي ااااكبر من حلتنا الفي البلد زاتها ومبانيها عاااليه وقدامها كميهه من العربات الواقفه بقيت اقول اجي ي اخواني دي جامعه ولا معرض عربات كررر علي😳😢بالنسبه لي زوله متعودة على شوفه البحر والجناين وبيوت البلد العاديهه شي طبيعي اني اتخلع على شوفه المناظر دي قدامي لأنها جديدة علي بجد وحألقى صعوبة في قصة انو انا اتأقلم بسررعةة كنت متضايقهه من الزحمهه دي كولها والناس ماشه وجايه راسي جاط،مشيت البوابه عايزة ادخل االحارس الواقف في الباب قال لي بطاقتك لوسمحتي😊قولته ليهو شنوووو؟؟!😢قال لي بطااقتك م عندك بطاقه؟؟؟قولته ليهو لكن م ادوني بطاقه💔قال لي كيف يعني م ادوك بطاقه انتي برلومه؟قولته ليهو م فهمتك😢ضحك قال لي انتي جديدة سمح؟😂قولته ليهو ايوة❤قال لي طيب اديني الإيصال حقك ومعاهو اثبات شخصيه،فتشته شنطتي لقيت الإيصال لكن م كان عندي إثبات شخصيه،قال لي عايني امشي الشباك الفاتح داااك شوفتيهو؟قولته ليهو ايوة😢،قال لي اديهو الإيصال دة وحيسلمك البطاقه امشي 😂💔مشيت سلموني البطاقهه ودخلته الجامعهه،عاد ي يمه كبيرة كبرة السوااد،بقيت واقفه في النص لا عارفه امشي يمين ولا عارفه امشي شمال 😢والبنات ديل لابسات ليك اللبس الماخمج ،يعني اشكال كدة غريبه،يعني لا حول ولا قوة الا بالله بقيت اقول لي نفسي اسي ديل م عندهن اهل يعني بجو الجامعه كدة اجششششششش😳😏جا ولد ماشي جنبي قولته ليهو لو سمحته دايرة اسألك من قاعات طب الجدد،قال لي كيف يعني جداد برالمه يعني؟هزيت ليهو ليخو راسي بي معنى نعم،قال لي ديل فوووووووق شديد امشي بي هنا واركبي الأصانصير انزلي الطابق السابع واسالي،قولته ليهو شنووو م فهمتك؟؟😳شكلو فهمني قال لي طيب تعاالي انا بوصلك ،قولته ليهو طيب مشيت معاهو لما وصلنا مكان كدة حاول يفتحو قال لي اوووف الأصانصير واقف شكلنا حنمشي بالسلالم تعالي😊فضلنا نطلع ونطلع لغاية م وصلنا الطابق السابع بعدها وصف لي القاعه قال لي دي القاعه❤قولته ليهو شكرا ليكك❤دخلته القاعهه كانت ملاانهه،جيت داخله طبعا حركات البرالمه ديك اااي زول يجي داخل بعاينو ليهو من فووق لي تحت😂😂😂😂😂😂😂😂💔جيت داخله وأتلولو انا ماشه وم حاسه بي رجولي وتروني المتخلفين 😪زي المتخلفه الناس كلهم قاعدين ورا وانا قعدتهه قدااام زي العجب الفي شنو والماف شنو نظام انا البت الحريفه من اولها وكدة😂😌الدكتور جا داخل سلم علينا ودرس محاضرتو وطلع،طبعا انا مسسطحهه م عارفه اااي شي في الجامعه ،ولا فطرته لغايه م رجعته البيت رجعته جعانهه الحمدلله بس😭😷في الجامعه م كان عندي شغله بي اااااي زول من الجامعه للبيت ومن البيت للجامعهه ،والبنات عاد ي يمه فاكاتنها في روحهن فكه ،واي واحدة عايزة تثبت انها وااو من التانيه،والعجب عوجه اللسان وتغير الحروف والحنكشهه 😪اصلا م اتهضمو لي ولا ارتحته ليهم،وفي شله بتاعه بنات كدة استغفر الله العظيم ي رب شااذين لدرجه، لما يجو داخلين القاعهه بعملو عمااايل كأنهم م ماشين في الأرض،😪ولا الأولاد جنس نضاافهه 😪اظن انا كنت اوووسخ واحدة في الجامعهه لدرجه حسيت انو انا جايهه الجامعهه دي غلط لأنو ديل بأشكالهم دي م ظنيت انهم جاااين يقرو بجد ديل بجو بياكلو وبشربو وبيستعرضو وبسسس😪😂😂😂😂😂💔عديت تلاته اسابيع من ما نزلته الجامعهه وطبعا شغاله ايام الاسبوع كلها ومدة التلاته اسابيع دي كولها انا برجع بفطر في البيت تخيلو ؟م علشان انا م عندي قروش لأ علشان م بعرف اي اتجاه في الجامعه غير قاعتنا وبوابة الخروج زولهه مبرمجهه واتجاهي واحد،😂💔في يوووم كان عندنا محاضرة بتاعه هيستولجي الساعه 9❤كانت اووول محاضرة لينا معاهو ،جا داخل ولقى القاعهه هااايجهه والناس جايطه وقف مسااافهه وربع يدينو زووول اشتغل بيهو ولا جاب خبرو ماف،وصل لابتوبو مع البروجكتر بعداك وقف بعاين ليهم ،طبعا القاعهه كبيييييييييرة وطويييييلهه،شويه كدة انتبهو وسكتو ،قال ليهم خلصتو خلاص؟؟😊طبعا الدكتور كبير لكن قاطع ليك شكهه نص كدة وقاشر اااخر قشرة التقول العريس م جاي يدرس،،، دي شنوو الهمجيهه الفيكم دي؟سكتو م ردو ليهو،قال ليهم حركات عرب الجزيرة دي خلوها خلونا نكون ناس حلوين وظريفين مع بعض من اولها تمام؟قالو ليهو اوكيه،،،بدأ يدرس ومعظم كلامو بالانجليزي ،يعني بقول كلمه واحدة بس بالعربي والباقي بتمو بالانجليزي😪جاتو مكالمه فصلها كم مرة ولسه المتصل بضرب قال لينا إذنكم ي شباب 😊طلع شويه كدة جا راجع لقاهم برضو جايطين😂دقه ليهم الدرج طااخ قال ليهم م معقوله معاكم كلها 5دقايق استأذنتها منكم 😡فتح اللابتوب وقفلو تاني وقعد في الدرج ،قال ليهم طيب خلونا نلطف الجو شويه،شوفو ي شباب انا من النوع المابغضب بسرعه وبحاول اني م بغضب عشان كدة ي ريت م تحاولو تغلطو معاي واسألو عني الدفع القبليكم وحتعرفو فهمتو؟قعدو يضحكو،قال ليهم وي ريت حركات عرب الجزيرة دي لو سمحتو تخلوها ممكن؟؟في واحد قال ليهو عرب الجزيرة مالهم ي استاذ😂واحد من الطلبه قال ليهو اسكت ي زول عشان م ندق الصفايح ونطلع الفضااايح الفيهم😂الدكتور ضحك قال ليهم بمناسبه عرب الجزيرة كدة ورونا ابداعاتكم عن عرب الجزيرة وقولو لينا قالو شنووو؟؟😂💔واحدة مايعهه قالت ليهو ي مستر عرب الجزيرة هم عندهم قول بالله وبعرفو يتكلمو كمان؟وااااااااو اميزنق😪،واحد من الأولاد قال ليهو ي استاذ والله غير مالين لينا البلد م عارفين ليهم شي ،تاني واحد قام ناطي قال ليهو ي استاذ هم عموما كدة ناس الأقاليم ديل بلا مالين لينا البلد وقاعدين زيادة عدد م سامعين ولا شايفين منهم شي يااااخي المفروض يعملو لينا سد فاااصل بين الخرطوم والولايات عشان م يجو يعكرو لينا ام الجو م زاحمين لينا البلد دي الا هم اخير منهم الحبش، 😂💔بعد الكلام دة كلوو الدكتوور كان بضحك ومبسوط من ردودهم ،قال ليهم يعني بعد النقاش دة كلوو في النهايه اتوصلنا لي نقطه انو عرب الجزيرة وباقي سكان الأقاليم م مالين لينا الا البلد،وبيني وبينكم بالفعل دة الحاصل😂طبعا انا اتحمقتهه شدييييد وفجأة جاتني حالهه وطنيه كدة غريبه خلاص وقلبي فاار صراحه م قدرته ابلع كلامهم نهااائي،رفعته ليهو يدي قولته ليهو دكتور لو سمحت،في البدايه م سمعني وواصل ضحكو مع الطلبه،قولته ليهو ي دكتوور لو سمحتهه،عاين لي قال لي أيوة اتفضلي قومي على حيلك،قولته ليهو انت سؤالك كان شنو بالظبط؟قال لي بنتكلم عن عرب الجزيرة وسكان الأقاليم عموما،مرر لي المايك قال لي م حنسمعك كدة ادوها المايك خلوها تتكلم،قال لي اتكلمي عايزة تقولي شنو😊قولته ليهو انت قولته ناس الأقاليم عموما عندهم شنو صح؟انا م من عرب الجزيرة لكن حأتكلم ليك عن ناس الأقاليم شويه عايز تعرف ناس الأقاليم عندهم شنوو؟عندهم الطيبه والحنيه،عندهم المزارع البيطلع من الصباح باكر عشان يلقط رزق اليوم باليوم،عندهم الجار الما بقبل صباح قبل م يتطمن انو جارو اصبح بصحه وعافيهه ،وم بياكل الا يجي جارو ويقعد معاهو في صفرة واحدة وياكل معاهو،عندهم الكرم والعزة والشهامه،عندهم الولد أخو بنات الحله كلها م اخو ااخواتو بس ،عندهم الدفى في بيوتهم المتداخله في بعض، عندهم الزول المريض بتمشي معاهو الحله كلها م فرحتا منهم ولا ريدة للمستشفى لكن علشان الواحد م بقدر يكون مطمن الا يتبع العيان دة،عندهم الجار المابنوم قبل م يمسي على جارو ويعرفو قيل كيف،،عندهم الطبيعهه والنفس الهادي والكلمه الطيبه والعفويه ،عندهم الشبع في العين م في البطن،الغنى في النفس م في الجيب،الجمال في النفس م في الشكل😊هم صح يمكن يكونو وسخانين من برة وشكلهم اووووڤر زي م بتقولو انتو لكن في الواقع هم من جوة انضف خلق الله ❤اسي لو سألتك ي دكتور مع احترامي ليك حصل واحد من جيرانك رفع راسو من الصباح وصبح عليك واتطمن عليك؟طيب عندك جارك من الصباح رفع ليك كورة لبن او عصيدة بملاح روب وقال ليك عملتها وقولته م باكلها براي ؟طيب عندك جارك كل يووم م بنوم الا يمسي عليك؟ بالكتير الواحد كان لقاك في الشارع برفع ليك اصبعو من غير م يفتح خشمو معاك حتى،ااايوة صح هم مالين البلد زي م بتقولو انتو ومخلوعين صح،بس هم بتخلعو من المناظر البشوفوها وم متعودين يشوفوها في بلدهم ،لانو العندكم انتو صح هناك عندهم غلط وعييييب كمان، وهم لو م الجبر م بخلو بلدهم وبسيبو الوراهم والقدامهم علشان يجو للبلد الجاف دة ،انتو فاكرين انو حياة المدينه دي هم فرحانين بيها بس بالعكس لو قعدته معاهم وفهمتهم حتلقاهم اككتر ناس مكتئبين من العيشه فيها لكن الظروف جابراهم واكيييد حيجي يوووووم ويرجعو بلدهم والدليل على كدة انو الواحد اااي فرصه بلقاها بسافر بشوف اهلو وبتطمن عليهم زي م بنشوف في الأعياد الخرطوم الانتو حاليا بتقولو ناس الأقاليم مالينها دي في الأعياد بتكون فاااضيهه م حأقدر اقول ليك هم عندهم شنوو لأنو مهما اتكلمته ليك عن العندهم م حتقدر تستوعبو ، وي قوول حبوبتي النعجه العرجه لمراحها😊❤فكرته لقيت القاعهه كلها صااانه غير صوت المراوح م سامعه شي والدكتور مربع يدينو وبعاين لي، قام ولد تاني من ورا قال ليهو انت ي دكتور قولته عرب الجزيرة قالو شنو طيب انا بوريك قالو شنوو،،،مررته ليهو المايك ،قال ليهو ي استاذ عرب الجزيرة قالو:😊❤
ﻧﺤﻦ ﻭﻟﺪﻧﺎ ﻣﻮ ﺍﻟﻮﻟﺪ
ﺍﻟﺒﺒﺎﺭﻱ ﺍﻟﺠﻜﺴﻲ ..
ﻭﻧﺤﻦ ﻓﺨﺮﻧﺎ ﻣﻮ ﺍﻟﻮﺍﺣﺪ
ﻳﺸﻴﻠﻮ ﺟﻠﻜﺴﻲ ..
ﻭﻧﺤﻦ ﻛﺮﻣﻨﺎ ﻣﺎ ﺑﻴﺮﻗﺮ
ﻭﺗﻮﺭﺗﻪ ﻭﺷﺒﺴﻲ ..
ﻧﺤﻦ ﺍﻟﺠﻦ ﻭﻗﺖ ﻳﻠﻘﺎﻧﺎ
ﻳﻘﺮﺃ ﺍﻟﻜﺮﺳﻲ . .. .
ﻭﻧﺤﻦ ﻛﻮﺍﻛﺐ ﺍﻟﺴﻤﺎ
ﻓﻲ
ﺍﻟﺒﻌﺪ ﻓﻘﻨﺎﻫﺎ ..
ﻭﻧﺤﻦ ﺍﻟﻌﺮﻛﺔ ﻭﺍﻟﻤﺮﺓ
ﺃﻡ
ﺭﻫﻂ ﺿﻘﻨﺎﻫﺎ ..
ﻧﺤﻦ ﺍﻟﻔﺮﺳﺔ ﻣﻦ ﺯﻣﻦ
ﺍﻟﺠﻬﻞ ﺧﻀﻨﺎﻫﺎ ..
ﻧﺤﻦ ﺍﻟﻠﺒﻮﺓ ﻣﻦ ﺑﻴﺖ
ﺍﻷﺳﺪ ﺳﻘﻨﺎﻫﺎ
بعد م خلص قال ليهو: ليهو الأبيات دي بتمثلنا اظن م محتاج اشرح ليك نحن منو وقولنا شنو وكونو بقولو لينا عرب الجزيرة دة م شي بخجل ابدا بالعكس ونحن بنفتخر لما يقولو لينا عرب الجزيرة لأنو روحنا الطيبة وبشاشتنا معلم بااارز بالنسبه لينا 😊ديل اهلي❤
يتبع.....
