قولته ليهو ماشه المدرسهه ووصلته زاتي يلا مع السلامه وقفلته الخط،....دخلنا المدرسه لقينا الناس لمن دخلوهم الفصول،مشيت فصل تالته علمي لقيت المديير واقف وبتكلم وبشااكل في البنات وبقول ليهم:ايه قله الأدب دي؟ايه الفووضى دي ،الادراج ي بهايم الادراج م بقعدو فيها الادراج للشنط ي متخلفات ،طبعا دة كلو كوم وتعابير وشو وهو بتكلم كوم تاني خالص😂💔والبنات كل واحدة ماسكة الضحكه بالغصب😂فچأة شاف واحدة اسمها هياثم بتضحك قال ليها قومي ي طالبه ضحكينا معاك،قالت ليهو انا؟قال ليها ااي انتي شايفاني بحكي في نكته؟قالت ليهو لا،💔قال ليها عشان تعرفي نفسكك بهيمهه وطيرة كيف بتضحكي من غير سبب،اترزعي اقعدي،اساسا العدد واصل 60طالبه والفصل ضيق عشان كدة حنعمل تصفيه للمرة التانيه اي واحدة نسبتها اقل من 65في تانيه م بلزمنا وجوها هنا تتفضل فصل الادبي من سكات ،،،قبل م يتم كلامو هياثم شالت شنطتها وقامت طالعهه وقالت:اصلا كدة كدة العلمي دة انا م عايزاه لو م ابوي غصبني عليهو ،،قال ليها خلقتك دي زاتها م خلقة علمي💔قعدو يضحكو عليها ،طلع مشى جا راجع بعد نص ساعه وقال:اي بت م ندهته اسمها تشيل شنطتها وتمشي ادبي ،وقعد ينده في البنات،انا م ندهني والغريبه انا نسبتي في تانيه كانت89%بعد م خلص وقام طالع قولته ليهو استاذ انا نسبتي كانت 89وانت م ندهتني،قال لي انني منوو؟قولته ليهو شهد احمد،قال لي طيب براجع اسمك وبجي راجع خليك هنا لحدي م اراجع نتيجتك ،حضرته معاهم الحصص الأوائل كلها لغايه م جات الساعه2 كنا في حصة كيميا ،جات بت قالت للأستاذ انو المدير بنادي لي واحدة اسمها شهد احمد قال تجيهو في المكتب، الاستاذ قال مين شهد احمد؟قولته ليهو انا✋قال لي مطلوب حضورك في مكتب المدير اطلعي،،، طلعته مشيت وانا خايفه مع انو واثقه من نسبتي،دقيت باب المكتب قال لي اتفضل،قولته ليهو السلام علي...بس اتفاجأته بي باسل قاعد في المكتب مع المدير😱😳خلااص جاني هبووووط ونططته عيوني ومن الخلعه م قادرة اتحرك ،للحظه حسيت نفسي بتخيل،المدير قال لي اتفضلي ي طالبه،قولته ليهو استاذ انت ناديتني😢طبعا باسل مبسووط بي حاله التوتر الأنا فيها دي الغياااظ 😭😢المدير قال لي انتي منوو؟من الخوف قوالته ليهو انا انا😢رفع راسو قال لي ااي عارف انو انتي انتي انا بسألك اسمك منوو؟قولته ليهو انا شهد احمد،قال لي اهااا انتي شهد احمد اتفضلي جا الزول دة قال انو خالك مرسلو ليك من السعوديه،،،باسل قال لي انتي شهد ؟كيفك انشاءالله طيبه ومدة لي يدو،تعابير وشو كانت ساخرة وبضحك الحيوان،قولته ليهو تمام الحمدلله😢من الخوف لمن دموعي قربت تجري،قال لي كيف مع الدراسه؟المدير قال ليهو ي دووب نزلو اليوم بتدرسي سنه كم انتي؟قولته ليهو أستاذ انا اللي قولته ليك نتيجتي نضيفهه وم شايله ملاحق في فصل تالته علمي ،،،قال لي ايواااا دي انتي صح صح ،طيب انا زاتي كنت ماشي لي استاذ ادم عشان اسألو من نتيجتك ازنكم دقايق واجي راجع،،،باسل قال ليهو اتفضل ي استاذ😊بعد م طلع باسل رفع لي حاجبو بإبتسامه خبيثهه😂قولته ليهو بصوت وااااطي انت الجابك هنا شنوووو؟؟ضحك قال لي قولتي شنووو م سامعك علي صوتك وهو بقلد في صوتي😢😭قولته ليهو انت عايز تعمل لي مشكله ولا شنوو؟😳قال لي في زول كدة منفسن اتصل علي من الصباح وكان ببكي م عرفته اعمل شنوو اخدته بعضي وجيت اتطمن عليهو،،قولته ليهو انت م جادي طبعا اسي دة سبب بجيبك😳قال لي اها اعمل شنووو؟قلقته عليك ورجعته في الرقم الاتصلتي علي بيهو الرقم كان بفصل حار بي الدليل عشان كدة جيت وين الغلط؟؟قولته ليهو وكمان بتسأل عن الغلط؟انا اليوم بسببك شكلي حأتفصل من المدرسه وكمان بسببك اهلي حيموتوني ،،،قال لي اها وتاني😂😁😅قولته ليهو ياااخ دة شنووو البرود الفيك دة ،بتكلم معاهو كدة المدير جا داخل قال لي شوفته نتيجتك الحمدلله نضيفه ومعدلك ممتاز جدا شدي لينا حيلك السنه دي تمام؟قولته ليهو انشاءالله❤باسل وقف على حيلو قال للمدير ي استاذ تسلم ياخ انا بعد كدة لازم امشي قدامي طريق طويل ،،،المدير قال ليهو الله يعافيك شرفتنا❤باسل قال ليهو عندك رقمي إتصل علي وانشاءالله حتلقاني عند حسن الظن❤المدير قال ليهو انشاءالله تسلم ي إبني الله يكتر من امثاالك في البلد❤هنا انا عرفته انو باااسل عايز يعمل حاجه في المدرسه علشان كدة المدير اتفاهم معاهو😳😒قام طالع وقف قال ليهو لو سمحته ي استاذ البت دي خالعا مرسل ليها معي حجات ممكن تطلع معي تاخدهم ؟انا بقيت فاتحه خشمي كدة😳لا انا بجد م قابلته زول بي قوة عينو دي😳المدير قال ليهو جدا تتفضل طوالي ،،،بعد م المدير دخل مكتبو باسل قال لي مشينا؟😁قولته ليهو وين؟😳قال لي المدير عينو علينا لو شافنا لسه واقفين حيشك وحتقعي في مشكله يلا نطلع،،،مشيت وراهو وانا برجف وخااايفهه خوف لما وصلنا باب المدرسه قولته ليهو اها مش وصلنا الباب يلا مع السلامه،اتلفت قال لي تعالي ي خوافه😂قولته ليهو اجي وين انت جنيت ؟؟قال لي انا م عندي مشكله على فكرة انو نحن نتكلم في الشارع بس تخيلي يجي حد ويشوفك واقفه بتتكلمي معاي؟؟قولته ليهو طيب طيب 😢فتح لي باب العربيه ركبته ،،قولته ليهو اها يلا قول سريييع دة شنو البتعمل فيهو دة؟ودي شنو قوة العين الانت فيها دي جاي لحدي مدرستي وداخل مكتب مديري؟خاف انت فاكرها المدينه ي ولد هاا😳قعد يضحك،قولته ليهو انت بتضحك على شنووو؟😳قال لي في كلامك دة😂قولته ليهو انا انا نازله افتح لي بابك دة😡قال لي م بفتح انتي ليه ثقيله كدة؟اسي انا قااطع المسافهه دي كلها وجاي بس عشان اتطمن عليك مستخسرة فيني 10دقايق؟؟بطلي حركاتك البتعمليها في الجوال دي خفته عليك انا واكتر شي قلقني بكاك دة قولته أكيد حاصله معاك حاجه وانتي م كنتي عايزة تتكلمي فهمتي جيت ليه؟سكته احترته اقول ليهو شنوو 😢صراحه هو بتشاف هادي ورزين بس م اتوقعتو يكون مجنون كدة😂قولته ليهو انا بخيير الحمدلله بس كان عندي اللتهاب مضايقني 😢قال لي وبس؟لكن بكاك دة م بكى زول عندو اللتهاب بس شكلها كانت تراكمات وحجات مضايقاااك صح؟؟قولته ليهو انت طبيب نفسي؟؟قال لي هههه ابدا بس عادتا الطاقه السبيه الجوانا بتطلع كدة،قولته ليهو اها وتاني😅طبعا الكلمه دي حقتو بقولها لي لما اتفلسف ليهو في حاجه بستفزني بيها😂💔قعد يضحك قال لي حابه تغيظيني يعني بي تقليدك لي؟؟قولته ليهو لا بس جات صدفهه،واقلدك ليهه😂😁المهم العشرة دقايق خلصت وانا نازله ،قال لي والله انت،المهم ي ستي الحمدلله انك بخيير ودة المهم م مهم ابدا انا قطعته كم كيلو عشان اصلك المهم انو اتطمنته عليك 😊رجع الكرسي الورا شال منو كيس كبييير كدة وقال لي اتفضلي❤قولته ليهو شنووو😳قال لي دي حجات بسيطه جبتها ليك معااي،،،قولته ليعو وانا أوديها وين انت م جادي؟قال لي حتوديها وين كيف يعني ي شهد حتاخديها معاك طبعا،،،قولته ليهو لا م بقدر والله اهلي ممكن يموتوني انت عارف؟؟قال لي قولي ليهم مرسلها خالكك الفي السعوديه وبس❤قولته ليهو اكزب يعني؟ولو خالي إتصل وسألوهو وقال ليهم لا م بقدر م بقدر اخدهم معليش انت م عارف حجم المشكله الأنا ممكن ادخل فيها بسبب الحجات دي،،،قال لي لا حتاخديهم،وانا شغاله اقول ليهو والله م باخدهم ،والله م باخدهم...فچأة حسيت ليك بي زول بضربني في كتفي وبقووول لي مردغه الأرض فهمناها بتلزي في التراب بي يديك مالك؟؟😳رفعته راسي لقيتها امي قال لي ي بت جنيتي واقعهه في الأرض وبتهضربي مالك؟؟،😳قمته على حيلي وانا م فاهمه اي شي وسغاله اقول لي نفسي كل دة حلم يعني 😢😭بعد مسااافه استوعبته الحاصل والله لمن جاني إكتئاب حتى انا م مصدقه انو دة كلوو كان حلم وانو تنزيل بعد م جيت من بيتهم واتغطيت بالتوب لا جاتني لا جابت لينا عدة غداء لا غيرو😢😪قولته لي نفسي ي شهد انتي اصلا متخلفهه لما تحلمي تحلمي بي باسل مرة واحدة ها الهطلهه دي ارجعي للواقع الزفت الانتي عايشاه وإتأقلمي على الوضع😪بعد اسبوعين من الحلم الجميل كئيب دة بالفعل تنزيل سافرت الخرطوم علشان تمتحن من هناك قالت مدارسها قويه وكدة،حنسناها علشان تمتحن من البلد قالت لا،قولته ليها طيب اتحداك انو انا حأجيب نسبه اكبر منك ،قالت لي احلام اليقظه دي خليها هنا أول المدرسه بجيب بالكتير 70وزاتو ادبي 😂😂😂😂😂😂😂💔قولته ليها سمح انا في وانتي في وانشاءالله ي تنزيل حأنافسك ي بتاعة مدارس الخرطوم نننننن😪،اول يوم في المدرسه صحيت الصباح بدري كنسته ونضفته بيتنا ومشيت جهزته علشان اطلع شلته شنطتي وجيت طالعه،راجل امي قال لي م نضفتي الصالون والحوش حقو امشي نضفيهم،امي قالت ليهو خليها انا بنضفهم،قال ليها لا تنضفهم هي دي😪علشان الموضوع م يكبر ختيت شنطتي في السرير وشلته المقشاشه ومشيت كنسته،بعد م خلاص عرفني نضفته وجايه طالعه بقى عامل روحو برش مويه من البرميل في الحوش ورشاها بإتجاهي لمن بنطلوني اتوسخ اصلا م اتكلمته معاهو،لما قمته طالعهه قال قرايه شنوو زاتها ومدرسه شنوو؟وشهادة شنوو زاتعا؟البت كان لفت ولفت ووصلت القانون مكانها الكانون دة كلام فاارغ ،القرايه دي زاتها العلمت بنات الزمن ديل الانطلاقهه ،ودي من غير القرايه منطلقه ولافة وهامله سااي لكن والله كويس كويس اصبري بس المدرسه الدايراها دي انا بوريك ليها❤طبعا سديت اضني واحدة بي طينه والتانيه بي عجينه ولا كأنو بتكلم معاي اصلا هو عايز يخلق ليهو موضوع من ماف،،،الإسبووع الأول من المدرسه دة كلوو كان هاااادي فيهو وبعاين لي بس لا بتكلم معاي لا بشاكلني قولته لي نفسي يمكن جاهو تانيب الضمير من معاملتو لي،يوم الخميس جيت من المدرسه قعدته اكنس في الحوش بالعصر سامعه خالي حمد بتكلم مع راجل امي وبقول ليهو:لالا م عندي ااااي مشكله ي زوول مواااافق طوااالي ولو داير نعقد ليهو الليله قبل بكرة كمان، ونحن زاااتنا م دايرين منو اااي شي خلي يجيب مهرو ويجي طوالي ولو جاب ملوة بلح حلال عليهو،،راجل امي قال ليهو خلاص عديله اسي بكرة اهلو بيبو قولة الخير والعقد انشاءالله بعد اسبوعين ،خالي قال ليهو جدا م عندنا اااي مشكله،انا طبعا الموضوع علق لي في راسي ي ربي دايرين يعقدو لمنوو_؟معقوله لي امنه بت خالي حمد؟لما جا زمن الغداء طبعا كلنا بنغدا مع بعض مع مرة خالي وبتها امنه،قامت مره خالي قالت لي امي عجبنا سعد البنيه والله،،امي عاينت لي بي خلعهه قالت ليها والله فاجأؤنا زاتنا لكن يعجبك السمح ي خالدة،أمنه قعدت تضحك قالت ليهم اسي يعني شهد م لقو ليها ال أكرم ا الجزار دة 😂😂😂😂😂😂😂😂😂😂😂😂😂😂💔امها ضحكت ضحكه كدة غريبه بي تحت وضربتها في رجلها قالت ليها مااالو أكرم عيبو شنوو راااجل ماشاءالله وماسك بيوت تلااااتهه نسوان يعني بتغلبو شهد😂انا طبعا من الصدمة في البدايه م استوعبتهه كلامهم....
يتبع.....
