قال لي طيب ي شهد طالما انتي عايزة كدة بكرة تصلك ورقتكك تمام؟طبعا دموعي في اللحظهه ديك م كانت عايزة تقيف كأنو كان منتظر فرصهه وانا قدمتها ليهو في طبق من ذهب😭😭😭نزلته ودخلته البيت وقعدتهه ابكييي ،سجى قالت لي مالك م اتصالحتو؟هزيت ليها راسي بمعنى(لا)قالت لي شهد اوووعى تكوني سمعتي كلام امي؟اقسم بالله انتي م جادة ي بت في واحدة بكون عندها راجل زي باسل دة بتمسكك فيهو بي يديها وكرعيها،م تخربي بيتكك سااي ي شهد وبعدين امي وانا بعرفها كويس اكتر منك فأبشرركك لو سمعتي كلامها حتخربي بيتكك ،ارجعي لبيتكك ي شهد ياخ باسل دة معيشكك عيشهه 1000بت بتتمناها انتي فاهماني؟؟انا ببكي من الساعهه 8للساعهه12 وسجى مرة تحنسني ،ومرة تشاكلني 😢💔لما الساعهه12جات شلته تلفوني فتحتو واتصلتهه على باسل،في البدايه م رد ،تاني اتصلته عليهو فتح الخط وم اتكلم،قولته ليهو باسل انت وين؟😔قال لي في البيت ليه مالك انتي كويسه؟قولته ليهو تعال سوقني😭قال لي نعم؟قولته ليهو تعال سوقني قولته ليكك ،قال لي طيب ،حتى هو صوتو كان متغييير شديد،سجى قالت لي اااايوة كدة ي بطهه شايفهه ردة ليك على طووول اااخ بس الله زووول يديني راجل تكون عندو زرة واحدة بس من تفاصيل باسل دي ااااخ بس😭قعدته منتظراهو وهي قاعدة معي لغاية م اتصل علي قال لي منتظركك تعالي،ناس خالتي كانو نايمين سجى قالت لي م تصحيهم خليهم يتفاجأو بيك مافي بكرة بس ،طلعته ليهو قولته ليهو باسل😢فتح لي باب العربيه ركبته هو ساكت طوول الطريق قولته لنفسي لو فتحته خشمي معاهو باقي اليوم دة حيشلتني من العربيهه دي،وصلنا البيت مسكني من يدي دخلني غرفتنا وقفل الباب قال لي متزكرة انا قولته ليك شنوو اول يوم في الغرفه دي؟لو م متزكرة الحيطان دي لو بتتكلم كان نطقت،مش قولته ليك اسرارنا خليها في بيتنا وفي غرفتنا دي لانو دي مشاكلنا نحن الخاصه وحنحلها برانا من غير م يدخل طرف تالت ومن غير م حد يعرف بمشاكلنا حتى؟💔كان غضبان غضب لمن عيونو محمرة،في عززز غضبو داك حضنتو قولته ليهو حبيبي انا اسفهه😭علشان كنت عارفاه حتى وهو غضبان م بقدر يعمل لي حاجهه،قولته ليهو اعتبرها سذاجهه مني لأني بجد امس زعلتهه من تصرفكك والشي الزعلني اااكتر لما سألتك م حكيت لي الحاصل ليك شنو ،والحالهه الكنت عليها دي كلها حجات لخبطت افكاري،قال لي حتى ولو ي شهد دي م اسباب تخليك تطلبي الطلاق نحن لسسسه ي دوووب في البدايه ي شهد اذا من اولها م حنتمسكك ولا حنتحمل ببعض لقدام حيحصل شنوو شهد المشاكل هي البتبني البيوت وبتحدد اذا حنخطي خطوة لقدام ولا حنرجع خطوة لي ورا؟ اسي انا مثلا بحاااول اتحمل مزاجكك المتقلب مرة كدة ومرة كدة صح ،💔قولته ليهو وانت كأنكك قاعد على الهبشهه اول م قولته ليك الطلاق على طووول قولته لي بكرة تستلمي ورقتكك😒😔😭 ،قال لي وانتي افتكرتيني جادي صح؟انا م حصلتهه عليكك بالساهل عشان اخليك بالساهل وبعدين انتي ملكيهه خاصهه بالنسبهه لي مستحيل اطلقكك ولا حتى طلقهه واحدة فمابالك لما اسلمك ورقتكك💔وبعدين حتى لو حصل وزعلنا من بعض واتشاكلنا ومهما كان حجم المشكلهه كبيييرة بينا اوعى تطلعي من البيت،لانو طلعوك من البيت م بحل المشكله بالعكس بعقدها ؟لو عايزة اقعدي في الغرفه التانيه وم تتكلمي معاي وم تشوفي وشي بس اياك تطلعي من البيت فهمتي ؟؟قولته ليهو حاااضر وانا اسفهه عارفهه انو نكدي كتييير،قال لي خلاص انسي الموضوع انتهى ،قولته ليهو طيب وريني انت مالك ؟انا واثقهه انو انت م طبيعي كنت في شنوو؟قال لي م كنت متضايق منكك بس اتفششتهه فيك،قولته ليهو طيب قول لي في شنوو؟قال لي حصل بيني وبين سامي نقااش بس في الشغل،قولته ليهو ليه مالو؟قال لي عندنا طلبيه المفروض نستلمها عندها يومين وانا كلمتو حتى اااخر لحظهه زكرتو بيها فما استلمها ونحن محتاجين ليها شديد،لما جيت اتكلمته معاه اتنرفز واتنفخ واتناقشنا دة السبب بس،قولته ليهو يمكن هو كمان متضايق ساامي طيبان وقلبو ابيض بكرة حيجي يتونس معاك عادي في النهايهه انتو اصحاب واكتر صح؟قال لي صحح اكيد انشاءالله حنحلها ❤عايزة اتحرك من جنبو مسكني قال لي بالمناسبهه ي شهد انا م قاعد اتشرب واتعاطى والكلام دة م حصل ولا بالغلط جربتها ،واليوم داك كنت زهجان شديد وكنت عارف روحي لو جيت البيت حأتفشش فيكك عشان كدة طلعتهه مع الشباب وشربنا قهوة م عارف يمكن القهوة الحبشيهه كانت راميهه فيها حاجه او كدة ،،،وانا عارف انو الراجل البسكر م ببني بيت لأنو حيكون م مسؤل وانا م عايز كدة ،قولته ليهو باسل انا بحبببكك يااااخي بعشقكك انا الله م يحرمني منكك بس 😍🙈ضماني قال ولا منكك ي نكديتي البحب نكدها،في قلبي قولته ليهو وانا بحب انكد عليك علشان بحب الطريقهه البتراضيني فيها😍🙈الصباح صحيتو قولته ليهو حبيبي يلا علشان تطلع الشغل،جراني وغطاني قال لي م مااشي اليوم كلوو ليكك انتي بس 😻قولته ليهو نننننن احلف بس😻قال لي والله مش عندك كم فترة داقهه جرس في قصه انو انا كل الوقت مشغول مشغول ؟اها انا اليوم دة كلوو ليكك لكن خلينا نايمين شووويهه كدة😻😘 بجهز في الفطور جا نازل وجااهز قال لي حبيبي اتصلو علي في المعرض وقالو عايزني ضروري❤قولته ليهو ليه في شنووقال لي ماف شي بس كدة بمشي وبجي راجع تمام؟قولته ليهو طيب حبيبي،باسني في راسي قال لي م تزعلي بحبكك😘قولته ليهو ماشي يلا خلي بالك من نفسكك حبيبي😘❤بعد م مشى انا كنت مبسووطهه م مبسوطه بس مبسوطهه شديد كيف م اكون مبسوطهه وانا عندي راجل زي باسل دة بسسس ي بختي بيهو❤ اتكلمته مع دان واتطمنتهه عليها،وفضلته منتظراهو ،لما اتأخر اتصلته عليهو كتيير تلفونو مقفول وم من عوايدو بس قولته يمكن عندو شغل مهم عشان كدة ،والغريبه لي بعد المغرب م فتح تلفونو ولا جا وانا خلاص قلقته عليهو،اتصلته على روان م بترد،شويه كدة تلفوني ضرب ،رفعتو لقيت دة باسل المتصل ،،قولته ليهو حبيبي وين انت من الصباح منتظراك قلقتهه عليكك😢💔قال لي انا تمام الحمدلله ،قولته ليهو طيب وين انت اسي جاي على البيت؟قال لي حبيبي في ناس حيجوك بعد شويهه في البيت،قولته ليهو ضيووف وكدة يعني😻قال لا م ضيوووف بس م تخافي ماف شي هم دايرين يفتشو البيت افتحي ليهم كل الغرف تمام؟قولته ليهو يفتشو يفتشو شنوو؟؟ وفي شنوو اساسا 😱قال لي حبيبي قولته ليكك ماف شي م تخافي انتي بس افتحي ليهم البيت وم تخافي انا مرسل ليك روان تمام؟قولته ليهو باسل خوفتني في شنوو انت وين اسي؟قال لي برجع ليك بعدين يلا مع السلامهه وقفل الخط،اتخلعتهه رجعتهه في التلفون لقيتو مقفول تاني رجعتهه فيهو برضو لقيتو مقفول😭اتصلتهه على روان م بترد شويهه كدة جرس الباب دق،الكلام دة حوالي الساعهه 8كدة وانا الخوف متملكني مشيت فتحته الباب لقيت في عربيتين واقفات وملانات عساااكر طبعا انا من الخلعهه م قدرتهه حتى اتكلم معاهم،واحد منهم قال لي مش دة بيت باسل جمال؟قولته ليهو ايوة في شنوو؟؟قال لي عايزين نفتش البيت ،وانا خلااااص مسكني هبووط قولته ليهو ليه في شنو تفتشو ليه؟واحدقال لي بي نهرة وانتي مالك خلينا نشوف شغلنا،فجأة عربيه ناس روان وعلا جات واقفه نزلو مستعجلين جو جارين علي،روان قالت لي شهد😭قولته ليهم في شنووو وانتو ليه بتبكو؟؟باسل حاصله عليهو حاجهه؟؟العسكري قال لي دخلينا ياااخ م عندنا زمن نحن،وكانو جايبين معاهم كلب كمان😭علا قالت ليهم ادخلو شهد تعالي،،،قولته ليهم فهموني في شنوو باسل وين والناس ديل جاين هنا لشنوو؟؟روان دي بس كانت ساكتهه وبتبكي افضل شويه علا منها ،العساكر دخلو البيت وقلبوهو فوقاني تحتاني حتى الغرف والدواليب م سلمت منهم والكلب دة لفو بيهو البيت كلوو،بعدها طلعو،قولته ليهم روان وعلا انتو م حتفهموني في شنوو؟طيب باسل وين وليه قافل تلفونو؟علا قالت لي شهد الناس ديل اسي كانو في بيتنا وعملو نفس الشي لانو باسل قبضوهو ناس المكافحهه،قولته ليها شنووو؟كيف يعني قبضوهو ليه مالو،ودموعي بقت جاريه ،،قالت لي متهمنو بي انو تاجر عملهه ومخدرات واسلحهه وكلام كتيير م ليهو اول ولا أخر ،،،طبعا مسكني هبوط ونفسي ضاااق خلاص حسيت روحي م قادرة اتكلم ولا قادرة اتنفس،قولته ليها كيف يعني ودة منو القال كدة دة وجابو الكلام دة من وين وباسل وين اسي؟؟قالت لي انتي عندك جارتكك راجلها ضابط في الجيش؟؟قولته ليها اااي جارتي هاااجر ليه مالها علاقتها شنوو بالموضوع؟؟قالت لي هي الوقعت باسل في المشكلهه دي وراجلها بلغ في باسل واسي باسل ماسكنو عندهم حسبي الله بس...😭😭😭😭😭😭😭
يتبع....
