قال لي عايني زعلك مني م ليهو علاقهه ببطنك فهمتي؟وبعدين يمكن انا قبيل عليت صوتي عليك واتكلمته معاك يي نبرة م حلوة معليش م كنت عارف انو انتي حتزعلي بالصورة دي بس مرتي وبغير عليها وم عايز زول يشوفها غيري مش من حقي ابقى اناني فيكك؟؟😊....قولته ليهو بس م عندك صلاحيهه تتكلم معاي بالإسلوب دة صح؟لو كنت عملته لي اشارة بس كنت حأفهم😊قال لي معناهاطيب ي شهد طالمام عندي صلاحيهه اتكلم معاك بالإسلوب دة معناها إستكاناتك😊وطلع مشى،الموازين اتقلبت بدل م انا اكون زعلانهه منو هو زعل مني شوف دة عليك الله 😢😒💔 قولته اصلا م حأغير موقفي خلي يزعل انشاءالله يططططق😏💔فضلنا يومين على نفس الحال وانا اكل في اظافري وكل م يجي ماري اعاين ليهو بقبضني وانا بعاين ليهو😂💔وربي فيهو ثقاالهه وبرووود في الزول الميت مافي م بحس ياااخي😭جاتني جارتي الكانت معي في العيد ديك اسمها هاجر ،،قعدت اتدخنت في حفرتي،بعد م قامت قالت لي الا تقعدي انتي وبقت تتونس معاي،قالت لي انا راجلي ضابط في الجيش وبمشي مأموريات دايما وصراحهه من ناحيه ماديه م قاعد يقصر مني بسس انتي عارفه احيانا كم شهر م بجيب خبري خصوصا انو كبير في العمر،قولته ليها طيب انتي م امشي معاهو مالك؟قالت لي بري البوديني اتجارى معاهو بين المعسكرات شنوو انا هنا مظبطهه اموري وم فارق معاي شي 😊😌قولته ليها م فهمتك؟ضحكت ضحكهه غريبه وسكتت قالت لي انسي خلاص ي هنايه وبالمناسبه انتي تسريحتك الواحدة دي خليها اتلحلحي كدة واللبسي ليك ملابس مخشلعهه في البيت😂قولته ليها ههه م بحب الخشلعهه انا،قالت لي ي عوييييرة بكرة راجلك يطقو يشلبو منك لمن تغني ظلمو والرجال ديل م تضمنيهم الليله بي وش وبكره بي وش يختي راجلك امسكيهو من يدو البتوجعو وم تتعولقي ليهو لمن يطفشش فهمتي؟خصوصا في زمنا دة الواحد بقى يخلي مرتو في البيت وبفتش برة 😪كلامها علق لي في راسي المرة شكلها خبرة وواقعهه ليها القصص دي😂💔قريب لزمن باسل كدة مشيت غيرته ملابسي وبخرتهه غرفتنا وفكيت شعري وعندي فستان قصير كدة م حصل لبستو ،لبستو واتريحتهه،لما جا داخل لقاني مشغله التلفزيون وقاعدة، قال لي مساء السرور وطلع فوق،زعلو كعب زي وشوو دة😒💔شلته جك المويه لحقتو ليهو في الغرفه قولته ليهو المويه😢قال لي ختيها في الدرج ودخل الحمام،،جا طالع بعد ربع ساعه كدة قولته ليهو اعمل ليك عصير؟قال لي لا م عايز،وشال تلفونو ورقد في السرير،جيت قعدته جنبو في السرير قولته ليهو ممكن اتكلم معاك؟قال لي نعسان وتعبان ي شهد عايز انووم،قولته ليهو بس خمسه دقايق ي باسل😢قال لي شهد م سامعاني؟قولته ليك عايز انوم😊 ،قولته ليهو طيييب حرررر نوم براحتكك،طلعته مشيت الغرفه التانيه رقدتهه فيها وانا من الزعل عايزة اطققق ،شويه كدة حسيت بالباب فتح ،باسل قال لي شهد!!عملته روحي نايمهه،طلع وقفل الباب ،شويه كدة سمعتو بقول لي شهد الضب 😱مع كلمهه الضب ديك تاني يوقفني الجليل نطيت من السرير وبقيت اقول ليهو وين وين😱😭وهو قعد يضحكك،قال لي مش عاملهه روحك نايمهه؟قولته ليهو يااااخ😡قال لي اها شنوو مالك ؟قولته ليهو ماشه اشرب مويه عايز تشلني انت😡دخلته المطبخ شربته مويه جا لاحقني مسكني قال لي بالمناسبه نحن زعلانين من بعض؟قولته ليهو انت البتسأل😏😒قال لي اها اعمل ليك شنوو انتي تحيري،قولته ليهو طيب خلاص،قال لي بالمناسبهه تسريحه شعرك حلوة ،قولته ليهو عجبتك 😢قال لي بيها او بغيرها انتي حلوة وباسني😻😘❤بعرف يراضيني ويغير مزاجي كيف😂🙈في يوم بالعصر كدة قعدته في مظلتي برة وكلي نشاط وحيويه اتحننتهه ،اول م تميت يديني،تلفوني ضرب ،كان باسل المتصل ويشيل ويضرب في الجرس وانا م قادرة اتحرك من مكاني،فجأة سامعه صوت البوري حق عربيتو وبقى يضرب شديييييد في النهايهه قولته يااااخ 😭نزلته وعفصتهه حنتي ومشيت فتحته ليهو،وبعد جيت افتح ليهو الباب خربته حنة يدي😭اول م فتحته صريت ليهو وشي، قال لي بتصل ليك من قبيل وين انتي؟؟رفعته ليهو يديني قولته ليهو شووف خربته حنتي بسببكك😭😔😭😭😔💔عاين لي رجليني وقعد يضحكك،قولته ليهو م تضحكك حالتي كنت قاعدة بي مزاج بتحنن شوف رجليني بقت كيف😭💔قفل الباب وشالني قال لي كنتي قاعدة وين عشان اوصلك😂قولته ليهو بعد شنوو انت عارف انا قاعدة فيها كم ساعه عشان اخليها تظبط انت الجابك بدري شنوو😭قال لي اشتقته ليك بس شكلو جابني خرااب حنتكك😂😁قولته ليهو نزلني في سرير المظلهه هنا خلاص حردتهه الحنهه زاتي😭💔قال لي يعني امشي بيك غرفتنا😎😁قولته ليهو خلاص نزلني يلا،عاااد اتعولقتهه عولاق السواد وهو بضححكك😭💔بعد م طلعتها وغسلتهه،قعدنا نتغدا وهو لسه بضحك،جينا قعدنا في التلفزيون وهو لسسسهه يضحكك،قعدتهه اضرب فيهو ،وعملته روحي زعلانهه،قال لي طيب اللبسي ارح نطلع نتعشى برة وننسى موضوع الحنهه دة مع انو كل م اعاين لي رجليكك ويديكك حأتزكرها😂❤قولته ليهو م ماشهه وبطل ثقالهه😏😒قال لي طيب حرة😌😂قولته ليهو م عايز تحنسني كمان😭😢قال لي لا😂طلعته فوق لبسته لي توب وشبشب عادي وجيت قولته ليهو يلا نمشي😒قال لي اعوذو بالله من نفسنه النسوان يلا نمشي😁😷 بعدها بفترة ناس امي سافرو السعوديه وانا نزلتهه الجامعهه،كنت مقسمهه زمني م بين البيت والجامعهه وارهاق وتعب،،مرة في يوم جمعهه باسل كان مقيل في البيت،ودة اليوم الوحيد الهو برتاح فيهو،جات هاجر جارتي قريب لزمن الفطور كدة قالت لي عايزة اتدخن عندك،قولته ليها طيب م قدرتهه اقول ليها باسل قاعد وكدة ،قعدت تدخن ،وباسل حسيتو اتضايق منها لما قولته ليهو جايه تدخن،،،قالت لي راجلك م يكون قاعد؟والغريبه هي شاايفهه عربيتو واقفهه،قولته ليها اي لكن قاعد بحضر في التلفزيون،قالت لي اهااا حالك حال السرور انشاءالله حالي ي يمهه😍❤قولته ليها ههه راجلك جا متين؟قالت لي ااااه راجلي دة انا م شغاله بيهو عندي البديل الفي شنو والمافي شنو ي بت الله م كترر الا الرجال في البلد 😍💃قولته ليهو كيف يعني ؟؟؟قالت لي يعني هو يغيب تلاتهه شهور واربعهه شهور وانا انتظرو؟؟عوجت لي خشمها وسكتت ،استغربته بجد يعني غريبهه بجد والله،م عجبني اسلوبها ابدا بعد م خلصت قدمتها لغايه الباب ورجعتهه،هاجر بعد م طلعت اتصلت لي زول وقالت ليهو:بيبي انت مش قولته لي انو اليوم م مقيل في البيت؟؟طيب ليه بتكذب علي؟انا كمان مشتاقهه ليك وعندي حق فيك م هي براها😔😭💔انا رجعته مشيت لي باسل قال لي مشت؟قولته ليهو باسل م عارفه بس المرة دي غريبهه وحكيت ليهو بي كلامها،باسل قال لي شهد المرة دي م تديها وش فهمتي؟قولته ليهو ليه؟قال لي م عارف بس م ارتحتهه ليها ابدا💔االيوم التاني بعد م هو طلع قولته امشي لي رونق جارتي دي بالجبنه علشان بتجيني دايما،مشيت وقضيت معاها معظم اليوم ،الصباح باسل جاتو مكالمهه كان نايم صحى مخلوع، رد وقال:طيب يعني سامي م استلمها؟جاي عليكم اسي،،،صحيت قولته ليهو صباح الخيير❤دخل الحمام مستعجل،بعد م دخل قال لي شهد طلعي لي القميص الأسود من الدولاب،قولته ليهو اي واحد؟قال لي السادة،فتحته الدولاب لقيتو م مكوي طلعته ليهو قميص تاني،بعد م طلع قولته ليهو باسل القميص الأسود م مكوي طلعتهه ليك القميص دة،شال القميص وجدعو قال لي م تبقي مرة زي باقي النسوان وتكويهو لكن انتي م فاضيهه ليهو😡انا وقفته بعاين ليهو ،شال القميص لبسو وطلع سريع سريع ،،بعد م طلع قعدتهه ابكي،حسيت انو دة م باسل الأنا بعرفو نهائي ،مشيت دخلته المطبخ نضفتو م خليت مكان م نضفتو فيهو،طلعتهه على باقي البيت فتحتهه كل الغرف نضفتها م خليت اااي مكان في البيت م نضقتو مع انو م وسخان ولا ااي شي ،بس كلامو شككني في نفسي حسيت انو انا مقصرة منو وم ملاحظهه💔قضيت اليوم كلووو لافة في البيت وبسأل في روحي في شنوو غلط في البيت وانا م ملاحظهه ليهو ،،،وهو في اليوم دة إتأخر شديييد م جا الا المسااااااء،كنت صاحيهه منتظراه بالرغم من زعلي منو بس كنت قلقانهه عليهو بجد،جا داخل م عاين لي حتى ولا اعتزر لي زي م بعمل دايما ولا اي شي،وكان م طبيعي لدرجهه انو ماشي ضرب يدو في الكرسي،طلع غير ملابسو جا دخل المطبخ،وقال لي بي صوت عااالي م عملتي عصييير ليه؟الناقص ليك شنو في البيت دة وقفل باب التلاجهه طااخ، ،مشى فتح التلفزيون وولع سيجارة وقعد يشرب فيها،صراحهه اول مرة احس نفسي خايفهه من باااسل،والشي الصادمني اكككتر انو كان م طبيعي زي الشارب حاجهه وعيووونو حمممرر،بالرغم من خوفي داك جيت قولته ليهو باسل انت مالك الليله؟قال لي ماف شي،،،قولته ليهو باسل واضح انك م طبيعي انت شارب حاجهه؟قال لي م تجوطي فيني م ناقصك فاهمهه ولا لأ ورفع علي اصبعو وبعدين الريموت دة مالو م شغال؟سكته م رديت ليهو،مسكني من يدي قال لي م سامعاني انتي؟؟جريت منو يدي قولته ليهو م عارفه انا واتحركته من جنبو ،جدع الريموت لمن كسرو ،،،،انا كنت مصدومة فيهو دة م كان باسل الأنا بعرفو ابدا،م حبيت ارد ليهو علشان حسيت انو لو رديت ليهو ممكن الموضوع يكبر ويتطور اكتر،طلعتهه الغرفهه وقفلتهه علي الباب وقعدتهه ابكي وكنت خايفهه منوو وبقيت اقول لي نفسي معقوله هو اصلا كدة وكان بدعي المثاليه؟؟ الصباح صحيت بدري جهزته ومشيت الجامعهه،جات مشاعل قالت لي شهد انتي اليوم مالك م طبيعيه،قولته ليها ماف شي سااي،قالت لي لا م سااي شوفي لي وشك دة عامل كيف حتى صوتك م طبيعي مالك اتشاكلتي مع باسل؟قولته ليها لا،بتكلم معاها كدة اتصلت علي سجى سلمت علي وكدة،قالت لي م ناويه تجينا عندي فترررة بحنس فيكك عشان تجينا ي كعبهه😒😪قولته ليها بجيكم انشاءالله،بعد م خلصته محاضرات طلعتهه وانا محتارة م كانت عندي رغبة ارجع ليهو البيت ابدا،،فكرته كدااا بعدها اتصلته على سجى قولته ليها انا جاياكم تمام؟قالت لي احلى خبر سمعتو يلا تعالي😍❤مشيت بيت خالتي قعدتهه مع سارة في غرفتها ،قالت لي شهد انتي عيانهه ولا شنوو شكلك م طبيعي،،،قولته ليها بري كويسه والله❤قالت لي شكلك حااامل حتبقو تلاتهه صح؟؟😍💃🙈قولته ليها هههه لا والله،جات خالتي وبقت تسألني عن باسل وكدة ،بعد م طلعت رقدته في السرير دموعي بقت تجي جاريه تلقائيا،سجى فجأة شافتني قالت لي شهد اقسم بالله انتي م طبيعيه قولي لي مالك؟متشاكله مع باسل؟قولته ليها ايوة،قالت لي ليه مالو معاك؟حكيت ليها بالحصل،قالت لي شهد الموضوع م بستاهل اقعدي معاهو واعرفي الحاصل شنوو بس،،،فجأة جات خالتي داخله شكلها كانت بتتصنت لي كلامها قالت لي شنوووو؟؟كيفن يعني جاك م واعي يعني بسكر؟ووووووب ي بتي كررر عليك وقعدت جنبي،قالت لي ااااي شي ممكن الواحد يقبلو في الراجل الا السكر ،شوفتي السكر دة بخررب ااي شي،والبجرب مرة م بنضمن يمكن يشرب الف مرة مالك دايرة العذاب لي روحكك كفايهه العذاب الضوقك ليهو اكرم ااسكاري الله لا جاب عقابو اسمعي كلامي هنا ي بتي كان فارش ليك مال قارون وسكاري م نافع،فجأة جا راجلها ماشي نادتو وحكت ليهو،قال ليها لاحولااا ؟اصلا دة حال الناس العندهم قروش م تستبعدو منهم اااي شي،سهى قالت لي وم خسران شي بكرة يطلقكك بعد م يبهدلك ويحرق دمكك بعرس واحدة تانيهه عشان كدة خارجي نفسك بدري بدري،،،خالتي قالت اااي ي بتي مالك دايرة تبهدلي نفسك مع السكاري ريحي نفسسسك من بدري انتي لسسسسه صغيرة وبدل م يعلقكك بي شافع ويقيدكك بيهو اللحقي نفسكك بدري بدري ،،المهم اتكلمو معاي كتييير ،بعد م طلعو سجى قالت لي لو دايرة تضيعي نفسك وتخربي بيتكك اسمعي لي كلام خالتك وسهى اختي😊كنت قافلهه تلفوني ،بعد المغرب كنت شبه نايمه فجأة صحتني سجى قالت لي باسل قاعدة برة منتظرك ،قولته ليها منتظرني؟؟كنت مشتاقهه ليهو ومتوقفهه منو في نفس الوقت،لبسته توبي وطلعته ليهو،اصلي ابيت اعاين ليهو ،قال لي اطلعي نتفاهم في العربيهه برة،بعد م طلعنا قولته ليهو نعم؟قال لي اتصلته عليك تلفونك مقفول ليه؟قولته ليهو ايوة كنت قافلاه اديك التلفون تكسرو؟؟😊قال لي شهد ،قاطعتو قولته ليهو شوف ي باسل بعد تصرفكك الأمس دة م اظن يكون عندك مبرر ،قولته ليهو قولته لي ابقى مرة زي باقي النسوان؟دقيقه اسألك وريني انا منقصهه منك شنوو؟؟قاعد تجي تلقى بيتك وسخان؟ملابسك م جاهزة؟أكلك وشرابك م جاهز؟شايفني حايمهه في الحلهه من بيت لي بيت؟وريني قولته الكلام دة على أي اساس؟طالما شايفني م مرة زي النسوان وم ماليهه عينكك متزوجني ليه وقاعد معي ليه اساسا؟امشي شوووف المرة البتبقى ليك زي باقي النسوان وعرسها ،قال لي حبيبي،،،قاطعتو قولته ليهو باسل انت اتعودتهه تغلط ودة كلوو انا حاولته اتجاوزو ي باسل جايني راجع سكران ،سكران ي باسل في حين انو انا حكيت ليك اكرم راجلي لما كان بسكر كان بعمل فيني شنو!!عارف حكيت ليك لشنووو؟علشان كنت عشمااانهه فيكك وم عايزة يجي يوم واشوفكك فيهو م واعي او بالحالهه دي،،،وين مشت مثاليتك الكنت بتدعيها؟باسل انا مجبورة اتحملك لما تجي تشاركني مشكلتك ،اساسا انا من ملامح وشكك بعرف انو حاصلهه معاك حاجهه ،،، قال لي طيب خلي نرجع بيتنا ونتناقش في الموضوع دة،قولته ليهو لا انا م راجعة معاك البيت،قال لي كيف يعني م راجعة البيت؟؟قولته ليهو عديييييل كدة م راجعهه معاك ي باسل والشي البعرفو عمرو الراجل البسكر م بنضمن ولا بتبني معاهو بيت ، نحن اسي م تمينا كم شهر من اتزوجنا وشوفة عينكك انت اتغيرتهه 360 درجه طيب لقدام حيحصل شنوو؟قال لي شهد دي مشكله صغيرة وعادي بتحصل انتي بس بتحاولي تكبري الموضوع😊قولته ليهو ايوة بحااول اكبرو ومن حقي صراحهه وم عايزة ارجع معاك ولا شي وم عايزة منك ولا ملعقهه م تجي لاحقني وخلاص وي ريت لو طلقتني لانو انا م عايزة اكون عبارة عن سلهه مهملات انت راميها في بيتكك وقت م عايز تجي ترمي فيها تراكماتكك النفسيهه ،، ،قال لي اطلقكك؟وين المشكلهه البتستحق الطلاق اسي شهد اتكلمي بي عقلانيهه شويهه فاهمهه دة م لعب عيال ؟قولته ليهو ايوة طلقني م بتستحق في نظركك انت بس بالنسبه لي المشكله اكبر من كدة وبالفعل دة م لعب عيال علشان كدة افضل نحسم الموضوع دة من اولو كدة 😊قال لي طيب ي شهد طالما انتي عايزة كدة بكرة تصلك ورقتكك تمام؟طبعا دموعي في اللحظهه ديك م كانت عايزة تقيف كأنو كان منتظر فرصهه وانا قدمتها ليهو في طبق من ذهب😭😭😭..
يتبع...
