#قصة #حلا
#
رفعت راسي طلع سامر فتحت عيوني مصدومه
جان يبتسم ......
اني معرفت بشنو يفكر معقولة استغل وضعي وضعفي حتئ يحقق رغبته انزعجت وضجت وهو لاحظ هذا الشي عليه
لاني مجنت اباوعله المهم كالو احنه موافقين ع البنيه ضلت يمها خليها تفكر زين وتردلنا خبر امي كالت لا ماكو داعي تفكر اكيد موافقه بس هيه خجلانه كالت ام سامر ميخالف خليها تفكر ع راحتها وسلمنا عليهم وراحو
اجت امي بدت تغلط عليه واتعيرني ولج موزين هذا كلبج
وافقي عليه وانجبي شوفي حالته ومكانته واذا ترفضين اذبحج افتهمتي لو لا
اني صعدت الغرفتي جان يدك عليه سامر ... جاوبته الو
كلي شبيج ضايجه .. كتله اها وتسال ؟؟ شنو هذا الي سويته
كال سويت الصح وهسه محد رح يكدر يضايقج حلا
شفتي امج شلون تريد تخلص منج بس شافتني عندي فلوس ؟
كتله ليش هيجي سويت اني مو جاهزة الهلشغلات
ممخليه ابالي اي ارتباط انت استغليت وضعي
كال شنو !! استغليت وضعج ماشي حلا اخذي راحتج باي
صفنت اوووف ربي شسوي هسه اني دكيت علئ دعاء جاوبت كالت ها حلاوتي كتلها هلا شو ماكو كالت والله شكلج مشاكل ويه الاقارب
كتلها ها سلامات كالت اي شكو ماكو حجيتلها كل شي
كالت والله ولج الف مبروووك .. كتلها يا مبروك اصلا موافقت وامي جاي تجبرني واني كتله انت استغليت وضعي
كالت يلثولة هو يحبج وراد ينقذج يعني هذا ملاك ورحمه الله دزها عليج ياغبيه متعرفين تفكرين ... كتلها دعاء هو يحبني بس لان اذكرة بحبيبته كلتلي لا حلا عوفج من حبيبته كلامج صح بس هذا قدرج افهمي لضيعي من ايدج واعتذري منه
علئ كلامج كتلها دعاء تعبانه كالت والله اني هم يلا اشوفج باجر ونحجي سديت وضليت افكر طار النوم من عيوني
افكر بسامر بكلام دعاء كلام امي والي سوا منير ورنا
اوووف ربي ... واخيرا نمت ... كعدت الصبح بدلت وطلعت للدوام شفت دعاء كعدنه شويه واجه سامر طب للادارة
كلتلي دعاء روحي حاجي كتلها مااكدر كالت روحي وانجبي
رحت ناديتله استاذ سامر كلي رجاءا روحي لصفج عندج درس
كتله نعم ؟! كال مثل مسمعتي ؟؟؟ كتله حاضر
اتفاجئت بتصرفه معقوله لان زعلان المهم دخلت للصف
اجه الاستاذ سامر .. شعجب شو هو اجانه بلدرس الاول
سالو الطلاب شو اليوم انت استاذ كلهم منا ورايح اني انطيكم
دروس
كعد ينطينا معلومات عن الرسم وغيرها ويشرح الاخطاء
ومزيج الالوان
دك تلفوني منير يتصل .. جان افز
صاح الاستاذ سامر .. انسة حلا رجاءا مرة ثانيه خلي صامت لو لتجين للدرس بعد ... سكتت وشفته شلون يعاملني بقساوة نزلت دموعي دك الجرس طلعت ودموعي تنزل
شفته ديصعد بسيارته كتله استاذ كلي تفضلي كتله رجاءا بس احجي وياك شويه كال اعتذر
كتله ليش شايف نفسك اذا اني غلطت وياك غلط صغير
واجيت اعتذر منك مو معناها الك حق تسوي هلشي بيه واسكت ؟؟ نزل من السيارة وشال نضارته
كال حلا الي سويته حتئ ابينلج انو اني ممستغل وضعج او اريد اتقدملج لان اذكريني بحبيبتي
ولا لاني اريد بس اساعدج ... اني حبيتج ورايد راحتج
شفتي تعاملي ويه البنات اكيد ... عمري ما ملت الوحدة مثلج
بس اذا انتي محابه هلشي انسي واعتبريني اخ وصديق
كتله اترجاك خليني افكر ... ولتزعل مني نفسيتي مدمرة ترا
كال ياغبيه اني ماازعل منج وضحك ... مرات اصفن ع ضحكته وغمازته ماشاء الله شنو هلجمال
بس اني ليش مترددة ... ماادري المهم سامحني ورجعت للبيت
اول مطبيت لزمني منير ضرب .. ها ولج ام الشباب منين يعرفج ويخطبج هذا ... كتله وانت شكو عوفني ضربني راشدي وكال حلا لتوافقين ديري بالج والله ادمرج
اني ضليت ابجي اجت امي شافتني ابجي كالت هااا
يوم عيد واخلص من هلمشاكل وراحت حتئ مسالتني شبيه
صعدت الغرفتي ضليت افكر ... كلت خلص اخذت قراري
اشو اني هنا محرومه من كل شي ومتعذبه بس ضرب وغلط
اوووف ربي اني ليش مااوافق علئ سامر معقولة لان ماكو اي شعور اتجاهه بس اني عمري ممجربه الحب يمكن بمرور الايام احبه ... يجي باجر واردلهم خبر ... نمت
اجه الصبح يوم جمعه نضفت البيت وغسلت ملابس
وسويت الغدا واجت ام سامر العصر تريد الجواب
كتلها موافقه فرحت حيل وباستني وامي حضنتني
رنا احسها رح تموت من الحقد ومنير يتحلفلي وبابا فرحان لان ع نيته المهم كالت يوم الاثنين الخطوبه نلبسهم خواتم
راحت ام سامر صعدت الغرفتي دفعني منير سديت الباب بوجهه وقفلته كال هيجي اسوين موو اني اعلمج اجته امي كلتله
اكلك انت شبيك وخر هيج منا انت مو تريد تخلص منها
هاي رح نخلص منها ونعيش احسن عيشه براسها
دك تلفوني ... سامر .. كتله الوو . كال الوااات
صوته بي فرحه كتله سامر كلي الله اسمي يخبل بلسانج
ضحكت كال عفيه ضلي اضحكي ... كتله غير لو
كال ليش كتله منير تحلفلي ويهددني لاني وافقت
كال خل يجي الاثنين محضر مفاجأة كتله الله يستر ...ضحك
كال يلا نامي وداري نفسج لان صايرة جكمه ضحكت وكال اووف فدوة للضحكه كتله يلا باي كال باي
سديت ولاحضت نفسي مبتسمه كلت اني ليش دابتسم الحالي
رحت سبحت وخليت راسي ع المخدة واذكرت كلامه
وافكر شنو الي رح يصير وابتسم بدون ارادتي
كلت شلون جنت انام ودموعي بعيوني وهسه لمن دخل سامر الحياتي مااكدر اتحكم بابتسامتي
ياربي كملها علئ خير واوكف وياي لتحرمني من الفرح
اجه يوم الاثنين .... يتبع
